مەملەكەتتىك ايەلدەر بىرلەستىگى شيۇڭ لي، ۋاڭ حۇڭچۇنگە مەملەكەتتىك 8 - ناۋرىز قىزىلتۋشىسى اتاعىن بەردى
2023.08.17 16:01 كەلۋ قاينارى : حالىق تورابى
«حالىق گازەتى»، 8 ـ ايدىڭ 16 ـ كۇنى، بەيجيڭ. 8 ـ ايدىڭ 16 ـ كۇنى مەملەكەتتىك ايەلدەر بىرلەستىگى تاسقىننان ساقتانۋ، اپاتتان قۇتقارۋ قىزمەتىندە قاستەرلى ءومىرىن ارناعان شيۇڭ لي، ۋاڭ حۇڭچۇن سىندى 2 جولداسقا مەملەكەتتىك 8 ـ ناۋرىز قىزىلتۋشىسى اتاعىن بەرۋدى ۇيعاردى.
7 – ايدىڭ 29 – كۇنىنەن 8 - ايدىڭ 2 - كۇنىنە دەيىن بەيجيڭ قالاسىندا سۇراپىل نوسەر اپاتى تۋىلدى. 7 – ايدىڭ 31 ـ كۇنى بەيجيڭ قالاسى مىنتوۋگوۋ رايونى ۋاڭپيڭ قالاشىعى ەكونوميكانى دامىتۋ كەڭسەسى باستىعىنىڭ ورىنباسارى، 3 ـ دارەجەلى ءبولىم مەڭگەرۋشىسى شيۇڭ لي اپاتقا ۇشىراعان بۇقارانى قۇتقارىپ جاتقان كەزدە، تاسقىن باسىپ قۇلاعان تامنىڭ استىندا قالىپ، نە ءبارى 36 جاسىندا باقىتقا قارسى قازا بولدى. سول كۇنى بەيجيڭ مەيانجۇي عىلىم ـ تەحنيكا شەكتى سەرىكتەستىگىنىڭ نىسان باسقارۋشىسى، فاڭشان لانتيان قۇتقارۋ اترەتىنىڭ مۇشەسى ۋاڭ حۇڭچۇن بانگىجۋاڭ كوپىرىن قورعاپ، ادام، كولىك وتۋگە شەكتەۋ قويۋ ءناسيحاتىن جۇرگىزىپ جاتقاندا، وزەن ارناسىنىڭ تاسقىنى وركەشتەنىپ تۇتقيىلدان اعىزىپ كەتىپ، نە ءبارى 41 جاسىندا باقىتقا قارسى قازا بولادى.
قاراردا مىنالار اتاپ كورسەتىلدى: پارتيا مەن حالىق بۇقاراسى ەڭ قاجەت ەتكەن كەزدە شيۇڭ لي مەن ۋاڭ حۇڭچۇن حاۋىپ ـ قاتەرگە قاراماي، تاسقىنعا قارسى اتتانىپ، اپاتتان قۇتقارۋدىڭ ءبىرىنشى شەبىنە بارىپ، حاۋىپ ـ قاتەردەن قورىقپاي، قيىندىقتان تايسالماي العا ۇمتىلىپ، حالىقتىڭ ءومىرى مەن مال ـ مۇلكىنىڭ حاۋىپسىزدىگىن بار كۇشپەن قامتاماسىز ەتىپ، قيىن ـ قىستاۋ جاعدايدا ەرلىكپەن الدا ءجۇردى، ولار − تاسقىننان ساقتانۋ، اپاتتان قۇتقارۋ قىزمەتىندە جارىققا شىققان تاڭداۋلى ايەلدەردىڭ ۋاكىلدەرى.
مەملەكەتتىك ايەلدەر ۇيىمى قالىڭ ايەلدەردى شيۇڭ لي، ۋاڭ حۇڭچۇننەن ۇيرەنىپ، ولاردىڭ حالىقتى بارىنەن جوعارى قوياتىن، رياسىز ۇلەس قوساتىن وسكەلەڭ رۋحىنان ۇيرەنىپ، ولاردىڭ قارا باسىمەن ەسەپتەسپەي الدا جۇرەتىن ەرىك - جىگەرىنەن، قاراپايىمدىلىقتى تياناق ەتكەن، وسكەلەڭ ءمورالعا ۇمتىلاتىن اسىل قاسيەتىنەن، تىنىسى ۇزىلمەيىنشە تىنباي كۇرەس جاساۋ رۋحىنان ۇيرەنىپ، جەكەلىك مۇرات تالپىنىسىن پارتيا جانە مەملەكەت ىستەرىمەن توعىستىرىپ، ءداۋىردىڭ ەستەلىككە الۋشىسى، ارمانعا قۇلاش سەرمەيتىن كۇرەسكەرى بولىپ، جاپپاي سوتسياليستىك وسىزاماندانعان مەملەكەت قۇرۋعا، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋعا ۇندەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
