شينجياڭ قوعام حاۋىپسىزدىگى مەڭگەرمەسى ەمدەۋ، ءدارى ـ دارمەك سالاسىنداعى شىرىكتەسۋ ماسەلەلەرىن شوعىرلى رەتتەۋ ـ وڭاۋ قىزمەتىن ورىستەتۋ جونىندە ورنالاستىرۋ جاسادى
2023.08.18 16:13 كەلۋ قاينارى : حالىق تورابى
8 – ايدىڭ 15 – كۇنى شينجياڭ ۇيعۇر اۆتونوميالى رايوندىق قوعام حاۋىپسىزدىگى مەڭگەرمەسى ەمدەۋ، ءدارى - دارمەك سالاسىنداعى شىرىكتەسۋ ماسەلەلەرىن شوعىرلى جونگە سالۋ قىزمەتىنە سايكەسۋ جونىندە اتتانىسقا كەلتىرۋ ءماجىلىسىن اشىپ، بۇكىل ەلدىڭ، شينجياڭ ۇيعۇر اۆتونوميالى رايونىنىڭ جانە قوعام حاۋىپسىزدىگى مينيسترلىگىنىڭ ەمدەۋ، ءدارى - دارمەك سالاسىنداعى شىرىكتەسۋ ماسەلەلەرىن شوعىرلى رەتتەۋ - وڭاۋ قىزمەتى جونىندەگى شەشىمدەرىن، ورنالاستىرۋلارىن ىشكەرىلەي ۇيرەندى، دايەكتىلەندىردى؛ بۇكىل شينجياڭداعى قوعام حاۋىپسىزدىگى ورگاندارىن ەمدەۋ، ءدارى ـ دارمەك سالاسىنداعى شىرىكتەسۋ ماسەلەلەرىن شوعىرلى رەتتەۋ ـ وڭاۋ قىزمەتىنە سايكەسۋگە اتتانىسقا كەلتىرىپ، ورنالاستىرۋ جاسادى.
ءماجىلىس، «بۇكىل رايونداعى قوعام حاۋىپسىزدىگى ورگاندارىنىڭ ەمدەۋ، ءدارى ـ دارمەك سالاسىنداعى شىرىكتەسۋ ماسەلەلەرىن شوعىرلى رەتتەۋ ـ جونگە سالۋعا سايكەسۋ قىزمەتىن اتقارۋ جوباسى»، «6 جاقتاعى 30 ءتۇرلى ەمدەۋ، ءدارى ـ دارمەك سالاسىنداعى شىرىكتەسۋ كورنەكتى ماسەلەسىنىڭ ساقتىق ءتۇرىنىڭ جاۋاپكەرشىلىك تىزىمدىگى»، «ەمدەۋ، ءدارى ـ دارمەك سالاسىنداعى شىرىكتەسۋ كورنەكتى ماسەلەلەر قىلمىسىنا زاڭ قولدانۋ جوباسى» سياقتى مازمۇندار جونىندە تۇسىنىك جاسادى، ورنالاستىرۋ جاسادى. بۇكىل شينجياڭداعى قوعام حاۋىپسىزدىگى ورگاندارىنان ەمدەۋ، دەنساۋلىق ساقتاۋ ىستەرىنىڭ حالىق بۇقاراسىنىڭ باقىتىنا، سان مىڭداعان وتباسىنىڭ ءتول مۇددەسىنە قاتىستى ەكەنىن تولىق تانۋدى تالاپ ەتتى.
ەمدەۋ، ءدارى - دارمەك سالاسىنداعى شىرىكتەسۋ، ۇقىعىن جالداۋ، اقشامەن ساتۋ، قامسىزداندىرۋ الدامشىلىعى قاتارلى ماسەلەلەر پارتيا مەن بۇقارانىڭ قاتىناسىن جانە شيپاگەرلەر مەن ناۋقاستاردىڭ قاتىناسىن اۋىر دارەجەدە ءبۇلدىرىپ، پارتيا مەن ۇكىمەتتىڭ وبرازىنا زيان جەتكىزدى. ءماجىلىس شينجياڭ قوعام حاۋىپسىزدىگى ورگاندارىنان ەمدەۋ، ءدارى ـ دارمەك سالاسىنداعى شىرىكتەسۋ ماسەلەلەرىنىڭ قاتاڭ دا كۇردەلى جاعدايىن ايقىن تانىپ، شوعىرلى رەتتەۋ ـ وڭاۋ قىزمەتىنىڭ ماڭىزدى ءمانىن تەرەڭ ءتۇسىنىپ، نازاردى ”شەشۋشى از ساندىلاردى“ رەتتەۋ تۇيىنىنە مىقتاپ شوعىرلاندىرىپ، وسى رەتكى شوعىرلى رەتتەۋ ـ وڭاۋ قىزمەتىن نەگىزگى تاقىرىپتىق تاربيەنى تەرەڭدەتۋ، شىرىكتەسۋدى قاتاڭ جازالاۋ مەن قىلمىسقا زاڭ بويىنشا سوققى بەرۋدىڭ كەلەلى شاراسى دەپ قاراپ، ەمدەۋ، ەمدەۋ قامسىزداندىرۋى، ءدارى ـ دارمەك ىستەرى رەفورماسىنىڭ دامۋىنا دەم بەرۋدىڭ، جالپى حالىقتىڭ ەمدەۋ قىزمەت وتەۋىن قامتاماسىز ەتۋ ساپاسىن جوعارىلاتۋدىڭ، جاقسارتۋدىڭ ماڭىزدى ورايى ەتىپ، قاتىستى قىلمىستارعا باتىل سوققى بەرىپ، بەلگىلەمەگە، تارتىپكە، زاڭعا قايشى ارەكەتتەردى جونگە سالۋعا باتىل سايكەسىپ، ستيلى پاك، سالتى دۇرىس ەمدەۋ، ءدارى - دارمەك ورتاسى مەن قالىڭ بۇقارانىڭ ءتول مۇددەسىن شىنايى قورعاۋ كەرەك.
شينجياڭنىڭ قوعام حاۋىپسىزدىگى ورگاندارى مەملەكەت پەن شينجياڭ ۇيعۇر اۆتونوميالى رايونى بەلگىلەگەن قىزمەت نىساناسىن، رەتتەۋ ـ وڭاۋ كولەمىن جانە رەتتەۋ ـ وڭاۋ ءتۇيىنىن مىقتاپ ارقاۋ ەتىپ، اۆتونوميالى رايوننىڭ سەلبەستىك مەحانيزمى قىزمەتى ارناۋلى القاسىنداعى باستاماشى ورىنداردىڭ ورنالاستىرۋىنا بار كۇشپەن سايكەسىپ، ءارقايسى مۇشە ورىنداردىڭ سەلبەسۋ تالابىنا بەلسەنە ءۇن قوسىپ، قىلمىسقا سوققى بەرۋدەگى فۋنكسيالىق رولىن تولىق اتقارادى.
قوعام حاۋىپسىزدىگى ورگاندارى جول اشۋعا، دەرەكتەردىڭ قاينارىن اشۋعا تاباندى بولىپ، قاتىستى قىلمىستارعا زاڭ بويىنشا قاتاڭ سوققى بەرىپ، قاتاڭ تەكسەرىپ، شوعىرلى جونگە سالۋ قىزمەتىنىڭ ىشكەرىلەي ورىستەتىلۋىن كۇش سالا ىلگەرىلەتىپ، قىسقا مەرزىم ىشىندە تەگەۋرىندى كۇي قالىپتاستىرۋعا كەپىلدىك ەتەدى. سونىمەن بىرگە، دەلولاردى زاڭ بويىنشا قاتاڭ ءبىر جاقتى ەتىپ، كەڭشىلىك ەتۋ مەن قاتاڭ بولۋدى ۇشتاستىرىپ، زاڭدىق ونىمدىلىك پەن قوعامدىق ونىمدىلىكتىڭ ورگانيكالى بىرلىگىنە شىنايى كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
