شي جينپيڭ 2023 - جىلعى پۋجياڭ جاڭالىق اشۋ تالقى مىنبەرىنە قۇتتىقتاۋ حاتىن جولدادى
2023.09.11 16:51 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 10 - كۇنى، بەيجيڭ. 9 - ايدىڭ 10 - كۇنى مەملەكەت ءتوراعاسى شي جينپيڭ 2023 - جىلعى پۋجياڭ جاڭالىق اشۋ تالقى مىنبەرىنە قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: قازىر دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسى ىشكەرىلەي دامىدى. عىلىم - تەحنيكادا جاڭالىق اشۋ − ادامزاتتىڭ حاۋىپ - قاتەر مەن سىن - سايىسقا بىرگە توتەپ بەرۋىنىڭ، بەيبىتشىلىك پەن دامۋدى جەبەۋىنىڭ ماڭىزدى كۇشى. جۇڭگو ءوزارا تيىمدىلىك جاساپ، تەڭ يگىلىكتەنۋ سىندى ەسىك اشۋ ستراتەگياسىن باتىل اتقارىپ، جوعارى دەڭگەيدەگى سىرتقا ەسىك اشۋ تەبىنىن ۇزدىكسىز ارتتىرىپ، اناعۇرلىم اشىق وي جانە شارالار ارقىلى حالىقارالىق عىلىم - تەحنيكالىق اۋىس - كۇيىستى، سەلبەستىكتى ۇزدىكسىز ىلگەرىلەتىپ، دۇنيە جۇزىلىك باسەكەلىك قۋاتقا يە اشىق جاڭالىق اشۋ ەكولوگياسىن قۇرىپ، ءار ەلمەن بىرگە اشىق، ءادىل، ادىلەتتى، كەمسىتپەيتىن عىلىم - تەحنيكالىق دامۋ ورتاسىن جاراتادى. پۋجياڭ جاڭالىق اشۋ تالقى مىنبەرىنىڭ جاڭالىق اشۋدى نەگىزگى تاقىرىپ ەتۋدە تاباندى بولىپ، جاڭالىق اشۋ يدەياسىنا شابىت بەرىپ، جاڭالىق اشۋ ۇستانىمىن تاراتىپ، جاڭالىق اشۋ رۋحىنا دەم بەرىپ، حالىقارالىق عىلىم - تەحنيكا سەلبەستىگىن ىلگەرىلەتۋگە، ادامزاتتىڭ ورتاق باقىتىن ارتتىرۋعا تىڭ ۇلەس قوسۋىن ءۇمىت ەتەمىن.
2023 - جىلعى پۋجياڭ جاڭالىق اشۋ تالقى مىنبەرىنىڭ باستى تاقىرىبى ”اشىق جاڭالىق اشۋ ەكولوگياسى: جاڭالىق اشۋدى دۇنيە جۇزىمەن ۇلاستىرۋ“ بولدى، عىلىم - تەحنيكا مينيسترلىگى مەن شاڭحاي قالالىق حالىق ۇكىمەتى بىرلەسىپ ۇيىمداستىردى، سول كۇنى شاڭحاي قالاسىندا اشىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved