«شي جينپيڭنىڭ جۇمىسشى تابى مەن جۇمىسشى ۇيىمى قىزمەتى جونىندەگى پايىمداۋلارىنان ۇزىندىلەر» باسپادان شىعىپ تاراتىلدى
2023.09.11 16:53 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 10 - كۇنى، بەيجيڭ. ج ك پ ورتالىق كوميتەتىنىڭ پارتيا تاريحى جانە قۇجات زەرتتەۋ ورنى قۇراستىرعان «شي جينپيڭنىڭ جۇمىسشى تابى مەن جۇمىسشى ۇيىمى قىزمەتى جونىندەگى پايىمداۋلارىنان ۇزىندىلەر» اتتى كىتاپ تاياۋدا ورتالىق قۇجات باسپاسىنان باسىلىپ شىعىپ، بۇكىل ەلدە تاراتىلدى.
جۇمىسشى تابى − پارتيامىزدىڭ ەڭ بەرىك، ەڭ سەنىمدى تاپتىق نەگىزى، جۇمىسشى ۇيىمى قىزمەتى − پارتيانىڭ ەل باسقارۋداعى ۇنەمىلىك، نەگىزدىك قىزمەتى. پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى پارتيانىڭ ۇزاق ۋاقىت بيلىك جۇرگىزۋىنىڭ تاپتىق نەگىزى مەن بۇقارالىق نەگىزىن بەكەمدەۋگە نازار اۋدارىپ، پارتيانىڭ جۇمىسشى ۇيىمى قىزمەتىنە باسشىلىعىندا تاباندى بولىپ، جۇڭگوشا سوتسياليستىك جۇمىسشى ۇيىمىن دامىتۋ جولىمەن بۇلجىماي ءجۇرىپ، پارتيانىڭ جۇمىسشى قوزعالىسى ىستەرى مەن جۇمىسشى ۇيىمى قىزمەتىنە ايرىقشا ءمان بەرىپ جانە ونى كۇش سالا ىلگەرىلەتىپ، جاڭا داۋىردەگى جۇمىسشى قوزعالىسى ىستەرى مەن جۇمىسشى ۇيىمى قىزمەتىنىڭ جاڭا جاعدايىن اشتى. شي جينپيڭ جولداستىڭ جۇمىسشى تابى مەن جۇمىسشى ۇيىمى قىزمەتىن ارقاۋ ەتە وتىرىپ جاريالاعان ءبىرقىدىرۋ ماڭىزدى پايىمداۋىنىڭ ويى ورەلى، مازمۇنى باي، يدەياسى تەرەڭ، جۇمىسشى تابى مەن جۇمىسشى ۇيىمى قىزمەتىنىڭ ءبىرقىدىرۋ باعىتتامالى، ءتۇبىرلى، ستراتەگيالىق كەلەلى ماسەلەسىنە عىلمي جاۋاپ بەرىپ، ماركسيزمدىك جۇمىسشى تابى مەن جۇمىسشىلار قوزعالىسى ءىلىمىن بايىتتى، بۇل جاڭا داۋىردەگى جۇمىسشىلار قوزعالىسى ىستەرى مەن جۇمىسشى ۇيىمى قىزمەتىن جاڭالىق اشا دامىتىپ، ءجۇز ميلليونداعان جۇمىسشى - قىزمەتكەردى ىنتىماقتاستىرىپ، جۇمىلدىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن اقىل - پاراسات جانە كۇش - قۋات ۇستەۋدە توتەنشە ماڭىزدى مانگە يە.
«پايىمداۋلاردان ۇزىندىلەر» 8 ارناۋلى تاقىرىپقا بولىنگەن، جالپى 240 بولەك پايىمداۋدان قۇرالعان، شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2023 - جىلى 7 - ايدىڭ 7 - كۇنىنە دەيىنگى مەزگىلدەگى باياندامالارى، سوزدەرى، تۇسىندىرمەلەرى، قۇتتىقتاۋ حاتتارى، جاۋاپ حاتتارى، نۇسقاۋلارى، بەكىتۋلەرى سياقتى 70 نەشە ماڭىزدى قۇجاتتان الىنعان. مۇنىڭ ىشىندە ءىشىنارا پايىمداۋ تۇڭعىش رەت اشىق جاريالانىپ وتىر.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
