جۇڭگو جۇمىسشى ۇيىمىنىڭ 18 – قۇرىلتايى 10 - ايدىڭ 9 - كۇنى بەيجيڭدە اشىلادى
2023.10.07 16:57 كەلۋ قاينارى : حالىق تورابى
«حالىق گازەتى»، 10 - ايدىڭ 6 - كۇنى، بەيجيڭ. ءتىلشىنىڭ 10 - ايدىڭ 6 - كۇنى جۇڭحۋا مەملەكەتتىك باس جۇمىسشى ۇيىمىنان ۇعىسۋىنشا، پارتيا ورتالىق كوميتەتىنىڭ بەكىتۋىمەن جۇڭگو جۇمىسشى ۇيىمىنىڭ مەملەكەتتىك 18 – قۇرىلتايى 10 - ايدىڭ 9 - كۇنى بەيجيڭدە اشىلاتىن بولعان.
ۇعىسۋعا قاراعاندا، وسى رەتكى ماجىلىسكە بۇكىل ەلدىڭ جەر - جەرىندەگى جۇمىسشى ۇيىمدارى، تەمىر جول، حالىقتىق اۆياتسيا، فينانس جۇمىسشى ۇيىمدارى، ورتالىق پەن مەملەكەت ورگاندارىنىڭ جۇمىسشى ۇيىمى بىرلەستىكتەرىنەن 35 ۋاكىلدەر ۇيىرمەسى، 2002 ۋاكىل قاتىناسادى ەكەن. بۇدان سىرت، ۇسىنىس ەتىلگەن 60 قا جۋىق ۋاكىل، شياڭگاڭنان، اۋمىننان كەلەتىن 50 قوناق جينالىسقا قاتىناسادى ەكەن.
جۇڭگو جۇمىسشى ۇيىمىنىڭ 18 – قۇرىلتايى ۋاكىلدەرىنىڭ ىشىندە نەگىزگى ساتى جانە ءبىرىنشى شەپتەگى جۇمىسشى – قىزمەتكەرلەردىڭ ۋاكىلدەرى %68.3 تى، جۇمىسشى ۋاكىلدەرى %26.7 تى ۇستاپ، سالىستىرماسى جۇڭگو جۇمىسشى ۇيىمىنىڭ 17 – قۇرىلتايى كەزىندەگىدەن جوعارى بولعان. كەيبىر جەدەل جەتكىزۋشىلەر، تاماق جەتكىزۋشىلەر، ينتەرنەتتە ۋادەلەسكەن اۆتوموبيل شوفەرلەرى سياقتى جاڭا جۇمىستانۋ كۇيىندەگى ەڭبەكشىلەر ۋاكىلدىككە سايلانىپ، ۋاكىلدەردىڭ كەڭ كولەمدىلىگىن، ۋاكىلدىك سيپاتىن ونان ارى كۇشەيتكەن.
جۇڭگو جۇمىسشى ۇيىمىنىڭ مەملەكەتتىك 18 - قۇرىلتايىنىڭ باستى مىندەتى: جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ جانە تياناقتاندىرىپ، باس شۋجي شي جينپيڭنىڭ جۇمىسشى تابى جانە جۇمىسشى ۇيىمى قىزمەتى جونىندەگى ماڭىزدى پايىمداۋىن دايەكتىلەندىرىپ جانە تياناقتاندىرىپ، جاڭا داۋىردەگى جۇمىسشى ۇيىمى قىزمەتىنىڭ 10 جىلدىق تابىستارى مەن تاجىريبەلەرىن جاپپاي قورىتىندىلاپ، جۇمىسشى ۇيىمىنىڭ 17 - قۇرىلتايدان بەرگى قىزمەتتەرىن جۇيەلى قورىتىندىلاپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ پارتيانىڭ جۇمىسشىلار قوزعالىسى ىستەرى مەن جۇمىسشى ۇيىمى قىزمەتىنە قويعان جاڭا مىندەت، جاڭا تالاپتارىن تەرەڭ يگەرىپ، جاڭا عاسىر، جاڭا جورىقتاعى جۇمىسشى ۇيىمى ۇستىنە العان تاريحى بورىش پەن جۇمىسشى ۇيىمى قىزمەتىنىڭ نىسانا مىندەتتەرىن ايقىنداپ، «جۇڭگو جۇمىسشى ۇيىمىنىڭ ۋستاۆىنا» تۇزەتۋ ەنگىزىپ، جۇڭحۋا مەملەكەتتىك باس جۇمىسشى ۇيىمىنىڭ جاڭا كەزەكتى باسشىلىق قۇرىلىمىن سايلاۋ.
«جۇڭگو جۇمىسشى ۇيىمىنىڭ ۋستاۆىنداعى» بەلگىلەمەگە ساي، جۇڭگو جۇمىسشى ۇيىمىنىڭ مەملەكەتتىك قۇرىلتايى 5 جىلدا ءبىر رەت وتكىزىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
