3 تاراۋ قامتاماسىزداندىرۋ سيپاتتى تۇرعىن ۇيلەردە باجىنى كەمەيتۋ، كەشىرىم ەتۋ ساياساتىن اتقارۋ جونىندە حابارلاندىرۋ شىعاردى

2023.10.08 15:22 كەلۋ قاينارى : حالىق تورابى

　　گۋاڭميڭ گازەتىنىڭ 10 – ايدىڭ 7 – كۇنى بەيجيڭنەن بەرگەن حابارى. قازىنا مينيسترلىگى، مەملەكەتتىك باجى باس مەكەمەسى، تۇرعىن ءۇي جانە قالا - اۋىل قۇرىلىسى مينيسترلىگى تاياۋدا حابارلاندىرۋ جاريالادى، قامتاماسىزداندىرۋ سيپاتتى تۇرعىن ءۇي قۇرىلىسىن ىلگەرىلەتۋ ءۇشىن، بيىل 10 - ايدىڭ 1 - كۇنىنەن باستاپ، قامتاماسىزداندىرۋ سيپاتتى تۇرعىن ءۇي نىسانى قۇرىلىسىنا پايدالانىلاتىن جەردەن قالا - قالاشىق جەرىن پايدالانۋ باجىسى الىنبايدى؛ قامتاماسىزداندىرۋ سيپاتتى تۇرعىن ءۇي تيجاراتىن باسقارۋشى ورىندار الاتىن قامتاماسىزداندىرۋ سيپاتتى تۇرعىن ۇيمەن قاتىستى ماركا باجىسى، سونداي - اق قامتاماسىزداندىرۋ سيپاتتى تۇرعىن ءۇي ساتىپ الۋشىلارعا ساياتىن ماركا باجىسى كەشىرىم ەتىلەدى.

　　حابارلاندىرۋدا مىنالار ايقىن بەلگىلەندى: كاسىپورىندار، ءىسورىندار، قوعامدىق توپتار جانە باسقا دا ۇيىمدار كونە ۇيلەردى تۇرعىن ءۇي قاينارى ەتىپ وتكەرمەلەسە ءارى ارتقان قۇن سوماسى تارتىپ قالىناتىن نىسان سوماسىنىڭ %20 ىنەن اسپاسا، جەردىڭ ارتقان قۇن باجىسى الىنبايدى. قامتاماسىزداندىرۋ سيپاتتى تۇرعىن ءۇي تيجاراتىن باسقارۋشى ورىندار قامتاماسىزداندىرۋ سيپاتىندىق تۇرعىن ءۇيدى قايتا ساتىپ الىپ، جالعاستى تۇردە قامتاماسىزداندىرۋ سيپاتىندىق تۇرعىن ءۇي قاينارى ەتكەندەردەن توقتام باجىسى الىنبايدى. جەكەلەردىڭ قامتاماسىزداندىرۋ سيپاتتى تۇرعىن ءۇي ساتىپ العانداردان %1 باجى مولشەرى بويىنشا باجى الىنادى. بۇدان سىرت، قامتاماسىزداندىرۋ سيپاتىندىق تۇرعىن ءۇي نىساندارىنان ءتۇرلى اكىمشىلىك ءىس اقى مەن ۇكىمەتتىك قور الىنبايدى، بۇل اۋە شابۋىلىنان قورعانۋ جەر استى بولمەلەرىنىڭ باسقا جەرگە بارىپ قۇرىلىس جۇرگىزۋ قاراجاتى، قالا نەگىزدىك قۇرىلعىلارىن كەمەلدەندىرۋ قاراجاتى، وقۋ - اعارتۋ قوسىمشا قاراجاتى جانە جەرگىلىكتى وقۋ - اعارتۋ قوسىمشاسى قاتارلىلاردى قامتيدى. باجى اقى تيىمدىلىك ساياساتىنان يگىلىكتەنۋگە بولاتىن قامتاماسىزداندىرۋ سيپاتىندىق تۇرعىن ءۇي قالا حالىق ۇكىمەتى جاعىنان تۇراقتاندىرىلعان اۋماق بويىنشا بەكىتىلەدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved