باس شۋجي ءبىزدى جۇڭحۋا ۇلتىنىڭ وسى زامانعى وركەنيەتىنىڭ جاڭا داستانىن جازۋعا جەتەكتەدى
2023.10.08 16:50 كەلۋ قاينارى : حالىق تورابى
وركەنيەت − ءبىر مەملەكەتتىڭ، ءبىر ۇلتتىڭ العا باسۋىنىڭ بەلگىسى. 5 مىڭ جىلدان استام ۋاقىتتان بەرى جۇڭحۋا وركەنيەتى قۇلاشىن كەڭ جايعان اساۋ وزەندەي جوڭكىلىپ، ۇدەرە العا تارتىپ، بوران - شاشىندى باستان كەشىرىپ، سان وزگەرىستى باسىپ ءوتىپ، ادامزات وركەنيەتى تاريحىنا ايشىقتى داستان جازدى.
”وسى مەزگىلدە مەن باستان - اياق جۇڭگوشا سوتسياليستىك مادەنيەت قۇرىلىسىن ىلگەرىلەتۋ، جۇڭحۋا ۇلتىنىڭ وسى زامانعى وركەنيەتىن قۇرۋ سىندى كەلەلى ماسەلە جونىندە تولعانىپ كەلەمىن“. بيىل 6 - ايدىڭ 2 - كۇنى مادەنيەتتى جالعاستىرۋ، دامىتۋ جونىندەگى اڭگىمە ماجىلىسىندە باس شۋجي شي جينپيڭ ”جۇڭحۋا ۇلتىنىڭ وسى زامانعى وركەنيەتىن قۇرۋ“ سىندى كەلەلى ماسەلەنى العا قويىپ، ”جۇڭگو ۇلگىسىندەگى وسىزامانداندىرۋ − جۇڭحۋا ۇلتىنىڭ بايىرعى داۋىردەن تامىر العان جاڭا مىندەتى، بۇل، ءسوز جوق، جۇڭحۋا وركەنيەتىن شىت جاڭا تۇسكە بولەۋدى ىلگەرىلەتەدى“ دەگەن وسى كەلەلى تۇجىرىمدى جاسادى، وسى سوزدەر، بەينە، جول بەلگىسى سياقتى، ءبىزدىڭ جاڭا باستامادا مادەنيەتتىڭ گۇلدەنۋىن ۇزدىكسىز ىلگەرىلەتۋىمىزگە، مادەنيەتتە قۇدىرەتتى ەل قۇرۋىمىزعا، جۇڭحۋا ۇلتىنىڭ وسى زامانعى وركەنيەتىن قۇرۋىمىزعا ءتۇبىرلى تياناق ازىرلەدى.
تاريحقا ەڭ جاقسى مۇراگەرلىك ەتۋ − جاڭا تاريح جاراتۋ؛ ال، ادامزات وركەنيەتىنە ەڭ ۇلكەن قۇرمەت − ادامزات وركەنيەتىنىڭ جاڭا فورماتسياسىن جاراتۋ.
پارتيانىڭ 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولىپ، كۇرەس جۇرگىزۋ مەن وي جۇگىرتۋدى ۇيىستىرىپ، داڭق پەن ارماندى جالعاستىرىپ، جۇڭحۋا وركەنيەتىنىڭ قۇدىرەتتى ومىرشەڭدىك كۇشىن تاسقىنداتىپ، پارتيا مەن مەملەكەت ىستەرىندە تاريحي تابىستارعا قول جەتكىزىلىپ، تاريحي وزگەرىستەر تۋىلدى.
داڭعىل جولدى بويلاپ، ۇزاق ساپارعا اتتاندىق. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا ساپارىندا باس شۋجي شي جينپيڭ بەرىك مادەنيەت سانالىلىعىمەن، ايبىندى تاريح كوز اياسىمەن، تەرەڭ ستراتەگيالىق تولعانىسىمەن مادەنيەت قۇرىلىسى جونىندە ءبىرقىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، جۇڭحۋا مادەنيەتىن جاسامپازدىقپەن تۇرلەندىرۋگە، جاسامپازدىقپەن دامىتۋعا جەتەكشىلىك ەتىپ، جۇڭحۋا مادەنيەتى جۇلگەسىنىڭ ۇزدىكسىز گۇلدەنۋىن، جۇڭحۋا وركەنيەتىنىڭ ۇزاق ۋاقىت جاڭارۋىن ىلگەرىلەتتى، جۇڭگو ۇلگىسىندەەى وسىزامانداندىرۋدى ىلگەرىلەتۋ بارىسىندا جۇڭحۋا ۇلتىنىڭ وسى زامانعى وركەنيەتىنىڭ تىڭ داستانىن جازدى.
”جۇڭگو ۇلگىسىندەگى وسىزامانداندىرۋ جۇڭحۋا وركەنيەتىنە وسى زامانعى كۇش ۇستەدى، جۇڭحۋا وركەنيەتى جۇڭگو ۇلگىسىندەگى وسىزامانداندىرۋعا تەرەڭ نەگىز قالادى“
جۇڭحۋا وركەنيەتى سان وزگەرىستى باستان كەشىرىپ، ۇرپاقتان - ۇرپاققا جالعاسىپ كەلەدى، بۇل دۇنيە جۇزىندەگى ەجەلدەن قازىرگە دەيىن جالعاسىپ كەلگەن، ءۇزىلىپ قالماعان، ونىڭ ۇستىنە مەملەكەت فورماسىمەن دامىپ بۇگىنگە جەتكەن بىردەن - ءبىر ۇلى وركەنيەت سانالادى. ۇلاسپالىلىق، جاڭالىق جاراتۋ، بىرلىك، قامتىمدىلىق، بەيبىتشىلىك سىندى بەس ۇلكەن كورنەكتى ەرەكشەلىك جۇڭحۋا وركەنيەتىنىڭ جالپى تۇلعالىق ەرەكشەلىگىن بىرگە سومداپ، باي مازمۇندى قۇن كوزقاراسى مەن وركەنيەت جۇيەسىن قالىپتاستىردى.
2020 - جىلى 9 - ايدا چاڭشاداعى يۋەلۋ كىتاپحاناسىندا، 2021 - جىلى 3 - ايدا ۋ - ي تاۋى جۋشي باقشاسىندا، 2022 - جىلى 6 - ايدا ميشان تاۋىنداعى سانسۋ عيباداتحاناسىندا، 2022 - جىلى 10 - ايدا انياڭ يىنشۇي مۋزەيىندە، باس شۋجي شي جينپيڭ جول بويى تەكسەرۋ - زەرتتەۋ جۇرگىزىپ، جول بويى ىشكەرىلەي تولعانىپ، تەبىرەنىسپەن بىلاي دەدى: ”جۇڭحۋانىڭ 5000 جىلدىق وركەنيەتى بولماسا، جۇڭگوشا ەرەكشەلىك قايدان بولسىن؟ ەگەر جۇڭگوشا ەرەكشەلىك بولماسا، ءبىزدىڭ بۇگىنگى وسىنشا تابىستى جۇڭگوشا سوتسياليزم جولىمىز قايدان بولسىن؟“
باس شۋجي شي جينپيڭ جاڭا ءداۋىر، جاڭا جورىقتان جۇڭحۋا وركەنيەتىنە كوز جىبەرىپ، جۇڭحۋا وركەنيەتىنىڭ تاريحي كوورديناتاسىنان جۇڭگو ۇلگىسىندەگى وسىزامانداندىرۋعا نازار اۋداردى. ”جۇڭگو ۇلگىسىندەگى وسىزامانداندىرۋ ەجەلگى وركەنيەتتى جالعاستىراتىن وسىزامانداندىرۋ، ەجەلگى وركەنيەتتى جوياتىن وسىزامانداندىرۋ ەمەس؛ بۇل جۇڭحۋانىڭ بايتاق دالاسىنان شىققان وسىزامانداندىرۋ، وزگە ەلدەن ءوز كۇيىنشە كوشىرىلگەن وسىزامانداندىرۋ ەمەس؛ وركەنيەتتى جاڭارتۋدىڭ ناتيجەسى، وركەنيەتتىڭ ءۇزىلۋىنىڭ تۋىندىسى ەمەس“.
جۇڭحۋانىڭ بەس مىڭ جىلدان استام تاريحى بار وركەنيەتى جۇڭگو ۇلگىسىندەگى وسىزامانداندىرۋعا قۇدىرەتتى رۋحاني تىرەك ازىرلەپ، جۇڭگو ۇلگىسىندەگى وسىزامانداندىرۋدىڭ مادەنيەت مازمۇنىن كورنەكتىلەندىردى:
”حالىق − مەملەكەتتىڭ نەگىزى، نەگىز بەرىك بولسا، مەملەكەت تىنىش بولادى“ دەيتىن حالىقتىق يدەيا ”حالىق سانى كولەمى وراسان زور وسىزاماندانۋعا“ نەگىز قالادى؛
”ەل باسقارۋدا حالىقتى اۋقاتتاندىرۋدى باستاما ەتۋ“ سىندى بيلىك جۇرگىزۋ تانىمى ”جالپى حالىق بىرگە باييتىن وسىزاماندانۋمەن“ تامىرلاس بولدى؛
”“بايىعان سوڭ ءتالىم – تاربيەگە دەن قويۋ“ سىندى جونگە سالۋ تاجىريبەسى ”زاتتىق وركەنيەت پەن رۋحاني وركەنيەت ءوزارا سايكەسكەن وسىزاماندانۋعا“ تىرەك بولدى؛
”تابيعات پەن ادامنىڭ تۇتاستىعى“، ”الۋدىڭ ۇيلەسىمدى بولۋى“ سىندى ەجەلدەن جالعاسىپ كەلە جاتقان اقىل - پاراسات ”ادام مەن تابيعات جاراسىمدى قاتار ءومىر سۇرەتىن وسىزاماندانۋمەن“ تىعىز قابىستى؛
”بەرەكەلى بولۋ، ءبىراق پارىقتى بولۋ“، ”مەيىرىمدى جاندارمەن جاقىن ءوتۋ، كورشىلەرمەن تاتۋ ءوتۋ“ سىندى ۇزاقتان جالعاسىپ كەلە جاتقان ءداستۇر ”بەيبىت دامۋ جولىمەن جۇرەتىن وسىزامانداندىرۋدى“ ورتاق تانىمعا اينالدىردى.
جۇڭحۋا وركەنيەتى تاريحىنىڭ تەرەڭدىگىن تانىعاندا عانا، جۇڭگو ۇلگىسىندەگى وسىزامانداندىرۋدىڭ ءوز مەملەكەت جاعدايىمىزدى نەگىز ەتكەن جۇڭگوشا ەرەكشەلىگىن، ءوز مادەنيەتىمىزدى نەگىز ەتكەن وزگەشە ابزالدىعىن اناعۇرلىم جاقسى تۇسىنۋگە بولادى.
جۇڭحۋانىڭ تاڭداۋلى ءداستۇرلى مادەنيەتى ماركسيزمنىڭ مادەنيەت ءومىرىن بايىتىپ، ونىڭ كۇن سايىن ايقىندالعان جۇڭگو ستيلى مەن جۇڭگو ايبىنىن ايگىلەۋىنە مۇمكىندىك جاسادى؛ ماركسيزم اقيقات شۇعىلاسىمەن جۇڭحۋا وركەنيەتىنىڭ گەنىن جانداندىرىپ، جۇڭحۋا وركەنيەتىنىڭ ءومىرىنىڭ جاڭالانۋى مەن وسى زامانعى بۇرىلىسىن ىلگەرىلەتتى. ”بيلىك − حالىق، حالىق − بيلىك“ دەگەن ايقىن تۇجىرىم، ”اماليات بارىسىندا اقيقاتتى بايقاۋ، اقيقاتتى دامىتۋ، اماليات ارقىلى اقيقاتتى جۇزەگە اسىرۋ، اقيقاتتى سىننان وتكىزۋ“ ايقىن تالابى، ”وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىرۋ“ دەگەن قاجىماس تالپىنىس... جۇڭحۋا وركەنيەتىنىڭ وسى زامانعى تىنىسى مەن جاندى كۇشىن ايگىلەپ، جۇڭحۋا وركەنيەتىنىڭ تىڭ تىنىس الۋىنا مۇمكىندىك جاساپ، داستۇردەن وسى زامانعا دەيىنگى شارىقتاۋدى جۇزەگە اسىردى.
كەزىندە ەرتەدەگى داناگويلەر العا قويعان ”دوڭگەلەك داۋلەت“ ۇعىمى جۇڭحۋا ۇلتى ەجەلدەن اڭساعان كەمەلدى قوعامدىق كۇي بولاتىن، ءبىراق بايىرعى كلاسسيكالىق شىعارمالاردا قاعاز جۇزىندە ساقتالىپ كەلگەن تاماشا ارمان عانا ەدى.
بۇگىنگى تاڭدا بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن جۇزەگە اسىردىق، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتتىق. مىڭ جىلدىق ارمان بۇگىنگى تاڭدا جۇزەگە استى.
كەزىندە ۇزاقتى بولجاعان جاندار ”ءبىر ميلليون 600 مىڭ كيلومەتر تاس جول سالۋ، شامامەن 160 مىڭ كيلومەتر تەمىر جول سالۋ، دۇنيە جۇزىلىك 3 ۇلكەن پورت سالۋ، تاعى ءۇش قىساڭ توسپاسىن سالۋ“ سىندى وسىزامانداندىرۋ وي – ارمانىن جازىپ قالدىرعان ەكەن، ءبىراق سول كەزدە مەملەكەت قورلانىپ، حالىق ازاپ شەگىپ، وركەنيەتتى شاڭ - توزاڭ قاۋىپ، جوبا ىسكە اسپاعان.
بۇگىنگى تاڭدا تەمىر جول چيڭحاي – شيزاڭعا كىردى، تاس جولدار ورمەكشىنىڭ تورىنداي ۇلاستى، قىساڭ – شاتقالداردان توسپالار سالىندى، كەمەجايلار تەڭىز - مۇحيتتاردى تۇتاستىردى، كاسىپ سالالارىنىڭ ءتۇرى تولىق بولىپ، كەڭ – بايتاق اتىزداعى كۇرىش پەن ءبيدايدان مول ءونىم الىندى، شىنجوۋ الەم كەمەسى عارىشقا سامعادى، مەملەكەت قورعانىسى اناعۇرلىم كۇشەيدى، بۇل ناتيجەلەر العاشقى ويدان الدەقايدا اسىپ ءتۇستى.
كەزىندە، ءار داۋىردەگى وقىمىستىلار ”كوركەيىپ – گۇلدەنۋ دە، قۇرىپ - جوعالۋعا دا بولادى“ دەيتىن بىلىقپالىقتى جونگە سالۋ تۇجىرىمىن جاساپ، كوركەيۋگە، قۇرىپ - جوعالۋعا نازار سالعانىمەن، تاريحتىڭ پەريودىنان اتتاپ شىعۋدىڭ جاۋابىن تابا الماعان.
بۇگىنگى تاڭدا، 100 جىلدىق كۇرەس، اسىرەسە، پارتيا 18 - قۇرىلتايىنان بەرگى جاڭا اماليات ارقىلى پارتيامىز ”ۇكىمەتتى حالىققا باقىلاتۋ“ دەيتىن ءبىرىنشى جاۋاپتىڭ نەگىزىندە ”وزىندىك توڭكەرىس جاساۋ كەرەك“ دەيتىن ەكىنشى جاۋاپتى بەردى.
جۇڭحۋا وركەنيەتىنىڭ بەس مىڭ جىلدان استام جالعاسۋى مەن دامۋىن، تاياۋ زاماننان بەرگى جۇڭحۋا ۇلتىنىڭ قۇلدىراۋدان گۇلدەنۋگە دەيىنگى 180 نەشە جىلدىق تاريحي بارىسىن، پارتيامىزدىڭ حالىققا باسشىلىق ەتىپ ۇلى قوعامدىق توڭكەرىس جۇرگىزگەن 100 نەشە جىلدىق كۇرەسىن، جاڭا جۇڭگو قۇرىلعان 70 نەشە جىلدان بەرگى ۇزدىكسىز ىزدەنىسىن، رەفورما جاساپ، ەسىك اشقان 40 نەشە جىلدان بەرگى ۇلى امالياتتى باستان كەشىردىك، مۇندا قانشالاعان ادام اسقاق ارمان ارقالامادى، سانسىز تاريحي سۇراۋعا بۇگىنگى تاڭدا ايقىن جاۋاپ قايتارىلدى.
”ماتەريالدىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتۋ كەرەك“
وسىزامانداندىرۋ − ەكونوميكا، ساياسي، مادەنيەت، قوعام، ەكولوگيا سياقتىلاردى قامتىعان جالپىلىق دامۋ بارىسى، ادامزات وركەنيەتىنىڭ دامۋى مەن العا باسۋىنىڭ كورنەكتى بەلگىسى.
باس شۋجي شي جينپيڭ جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋ جينالىسىندا دۇنيە جۇزىنە بىلاي دەپ سالتاناتپەن جاريالادى: ”ءبىز جۇڭگوشا سوتسياليزمدە تاباندى بولىپ جانە ونى دامىتىپ، زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ سايكەستى دامۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ جاڭا جولىن اشتىق، ادامزات وركەنيەتىنىڭ جاڭا فورماتسياسىن جاراتتىق“.
دامۋ − ادامزات وركەنيەتى العاباسارلىعىنىڭ نەگىزى، وركەنيەت دەڭگەيىن جوعارىلاتۋدىڭ زاتتىق شارتى.
جاڭا داۋىردەگى جۇڭگو قانداي دامۋدى جۇزەگە اسىرۋى، قالاي دامۋى كەرەك، بۇعان باس شۋجي شي جينپيڭ باستان - اياق وي جۇگىرتىپ، جوبا جاساپ كەلەدى.
ەلىمىز ەكونوميكاسىنىڭ ”ءۇش مەزگىل قاباتتاسقان“ مەزگىلدە تۇرۋىنان ”جاڭا قالىپتى“ العا قويعانعا دەيىن؛ ”جاڭا دامۋ يدەياسىن“ العا قويعاننان ”قامداۋ جاعىنداعى قۇرىلىمدىق رەفورمانى كۇش سالا كۇشەيتۋدى“ العا قويعانعا دەيىن؛ ”ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن ورناتۋدى“ ورتاعا قويعاننان ”ساپالى دامۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتىن“ دەگەندى العا قويعانعا دەيىن؛ ”جاپپاي دوڭگەلەك داۋلەتتى قوعام قۇرۋدا بىردە - ءبىر ادامنىڭ قاعىس قالۋىنا بولمايدى“ دەگەندى ورتاعا قويۋدان ”جالپى حالىق بىرگە باييتىن وسىزاماندانۋدى“ العا قويعانعا دەيىن...بۇگىنگى تاڭدا، ەلىمىز ەكونوميكاسى ساپالى دامۋعا بەت الىپ، زاتتىق وركەنيەت جەتىستىكتەرى ۇزدىكسىز جارىققا شىعىپ، جۇڭگو ۇلگىسىندەگى وسىزامانداندىرۋدىڭ زاتتىق نەگىزى بەكەمدەلدى. ءجۇز ميلليونداعان حالىق ءتىپتى دە قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سەنىمى مەن جىگەرىن اناعۇرلىم بەكەمدەدى.
دەموكراتيا — بۇكىل ادامزاتتىڭ ورتاق قۇنى، وسىزامانعى ساياسي وركەنيەتتىڭ ايقىن ەرەكشەلىگى.
2019 - جىلى 11 - ايدا شاڭحاي قالاسى چاڭنيڭ رايونى حۇڭچياۋ ءمالىسى گۋبەي قالا تۇرعىندارى ورتالىعىندا باس شۋجي شي جينپيڭ زاڭ جوباسى جونىندە پىكىر، ۇسىنىس الۋ جينالىسىنا قاتىناسقان جۇڭگولىق، شەتەلدىك تۇرعىنداردىڭ اراسىنا كەلىپ، ”ءبىزدىڭ جۇرگەنىمىز — جۇڭگوشا سوتسياليستىك ساياسيدى دامىتۋ جولى، حالىق دەموكراتياسى − جالپى بارىستىق دەموكراتيا“ دەپ ىشكەرىلەي اتاپ كورسەتتى. ىقىلاستى سوزدەر جۇڭگونىڭ سوتسياليستىك دەموكراتيالىق ساياسيىنىڭ ەرەكشەلىگى مەن ابزالدىعىن ايگىلەدى.
تاريحقا قايىرىلا قاراساق، پارتيامىز حالىق قۇرىلتايى ءتۇزىمىن، ساياسي كەڭەس ءتۇزىمىن ورناتتى، جۇڭحۋا وركەنيەتىنىڭ حالىق قالاۋى يدەياسىمەن الەمدى بىرگە جونگە سالدى، ”بىرگە تۇرۋ، جاراسىمدىلىق“، ”اقىلداسۋ“ سىندى بيلىك جۇرگىزۋ ءداستۇرىنىڭ، ”سيىسىمدى ءارى قامتىمدى بولۋ، پارىقتاردى ساقتاپ، ورتاقتىققا ۇمتىلۋ“ سىندى ساياسي اقىل - پاراساتتىڭ تەرەڭ بايلانىسى بار؛ ءبىز جالاڭ مەملەكەت فورماسىن ورناتىپ، ۇلتتىق وڭىرلىك اۆتونوميا ءتۇزىمىن اتقارىپ، ىشكە ۇيىسقان، كوپ نەگىزدى، ءبىر تۇلعالانعان جۇڭحۋا ۇلتى دامۋىنىڭ ۇلى بەتالىسىنا سايكەسىپ، ءتورت توڭىرەك تۇتاسقان، جەر – جەردىڭ سالت – ساناسى ءبىرىڭعايلانعان، بارشا الەم ءبىر شاڭىراق بولاتىن جۇڭگو مادەنيەتىنىڭ ۇلى بىرلىك داستۇرىنە مۇراگەرلىك ەتتىك.
”الەمنىڭ جولى ءارقالاي بولعانىمەن، تۇپتەپ كەلگەندە ءبىر ارنادا توعىسادى، ادامدار سان الۋان ويدى ويلاعانىمەن، ءىستىڭ ناتيجەسى ۇقساس بولىپ شىعادى“. جۇڭگو باتىستىڭ كونە سۇردەگىمەن جۇرمەيدى، قايتا جۇڭگو ۇلگىسىندەگى وسىزامانداندىرۋ جولىن جاراتتى؛ جۇڭگو باتىستىڭ دەموكراتيا ۇلگىسىن قاز - قالپىندا كوشىرىپ العان جوق، قايتا جۇڭگوشا دەموكراتيانى جاراتتى. ” دەموكراتيانى جۇزەگە اسىرۋدىڭ كوپ ءتۇرلى ءادىسى بار، بارلىعىنىڭ بىردەي بولۋى مۇمكىن ەمەس. دۇنيە جۇزىندەگى ءار الۋان ساياسي تۇزىمدەردى ءبىرىڭعاي ولشەممەن ولشەپ، ادامزاتتىڭ الۋان رەڭدى ساياسي وركەنيەتىنە جاداعاي نازارمەن قاراۋدىڭ ءوزى دەموكراتياعا جاتپايدى“. باس شۋجي شي جينپيڭ وسىلاي دەپ تەرەڭ تولعاندى.
”ەڭ كەڭ، ەڭ شىنايى، ەڭ جارامدى دەموكراتيا“. بۇگىنگى جۇڭگودا دەموكراتيا قۇن ۇستانىمىنان جۇڭگونىڭ بايتاق دالاسىنا تامىر تارتقان ءتۇزىم فورماتسياسى مەن جونگە سالۋ مەحانيزمىنە اينالىپ، ءبىر ميلليارد 400 ميلليوننان استام حالىق بۇرىن بولىپ كورمەگەن ۇقىق پەن ار - نامىستان يگىلىكتەندى. ءداۋىر اعىمى ايبىندانا جوڭكىلدى. جالپى بارىستىق حالىق دەموكراتياسىنىڭ شىن ءمانى مەن قۇنى ادامزات وركەنيەتى العا باسۋىنىڭ بۋىرقانعان تاسقىنىندا جاماندىقتى الاستاپ، ۇزدىكسىز سالتانات قۇرادى.
ءبىر ۇلتتىڭ گۇلدەنۋى قۇدىرەتتى زاتتىق كۇشكە مۇقتاج، قۇدىرەتتى رۋحاني كۇشكە دە مۇقتاج.
پارتيا 20 - قۇرىلتايى اشىلۋدان ىلگەرى باسپادان شىققان كولەمدى تاريحي قۇجات جيناعى «گۇلدەنۋ جازبالار قامباسى» باعالى جازبالاردى قالپىنا كەلتىرىپ، ۇلىقتاي ءبىلۋ مادەنيەت داستۇرىنە سايكەستى؛ سۋجوۋ بايىرعى قالاسى شىعىس سولتۇستىكتەگى پيڭجياڭ تاريحي مادەنيەت كوشەسى رايونى، تاريحى مادەنيەت مۇرالارى جانە تۇرعىنداردىڭ وسى زامانعى تۇرمىسى ءبىر - بىرىمەن تۇتاستى؛ «مىڭ شاقىرىمدىق تاۋ - وزەن سۋرەتىندە» بەينەلەنگەن ءبي تەاترى «وسى جاسىل القاپ» شىعىس ەستەتيكاسىنىڭ كلاسسيكالىق بوياۋىمەن جۇڭگونىڭ تاۋ - وزەن كەلبەتىن سۋرەتتەدى... ءداستۇرلى اۋقىم مەن وسى زامانعى اۋقىم تاتۋلاسىپ، تاريح پەن قازىرگى زامان توعىسىپ، جۇڭحۋا مادەنيەتىنىڭ ”كوكتەم سۋى“ جاندانىپ، ”قۇتتى مەكەندە جايلاعان“ گۇلدەنگەن جاعداي جارىققا شىقتى.
مادەنيەت − ءبىر مەملەكەتتىڭ، ءبىر ۇلتتىڭ جانى. جاڭا داۋىردەگى 10 جىلدان بەرى جۇڭحۋانىڭ تاڭداۋلى ءداستۇرلى مادەنيەتىنىڭ كەلبەتى مەنمۇندالاپ، توڭكەرىستىك مادەنيەتتىڭ قايسارلىعى ارىنداپ، سوتسياليستىك وزىق مادەنيەتتىڭ گۇلدەنىپ - كوركەيۋى جاڭا داۋىردەگى ۇلى اماليات بارىسىندا توعىسىپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە اناعۇرلىم ىرىقتى، اناعۇرلىم قۇدىرەتتى رۋحاني كۇش ازىرلەدى.
”مادەنيەت سەنىمى − اناعۇرلىم نەگىزدىك، اناعۇرلىم كەڭ، اناعۇرلىم تەرەڭ سەنىم“ دەگەندى دارىپتەپ، ”جاپپاي سوتسياليستىك وسىزاماندانعان مەملەكەت قۇرۋدا، ءسوز جوق، جۇڭگوشا سوتسياليستىك مادەنيەتتى دامىتۋ جولىندا تاباندى بولىپ، مادەنيەت سەنىمىن كۇشەيتۋ كەرەك“ دەگەندى ايقىنداپ، ”جاڭا باستامادا مادەنيەتتىڭ گۇلدەنۋىن ۇزدىكسىز ىلگەرىلەتۋ، مادەنيەتتە قۋاتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن قۇرۋ − ءبىزدىڭ جاڭا داۋىردەگى جاڭا مادەنيەت بورىشىمىز“ دەپ اتاپ كورسەتتى... باس شۋجي شي جينپيڭنىڭ مادەنيەت قۇرىلىسى جونىندەگى جاڭا يدەياسى، جاڭا كوزقاراسى، جاڭا تۇجىرىمى جۇڭحۋا مادەنيەتىنىڭ تامىرىن جالعاستىرۋدا ارقاۋدى بەكەمدەپ، نەگىزدى جەتىلدىرىپ، رۋحتى سومدايتىن يدەيالىق كۇش قوسىپ، جۇڭحۋا وركەنيەتىن جالعاستىرۋ، دامىتۋ جىگەرىن، جالىنىن، سەنىمىن تاسقىنداتتى.وسىزاماندانۋدىڭ ءمانى − ادامنىڭ وسىزاماندانۋى، جۇڭحۋا ۇلتىنىڭ وسى زامانعى وركەنيەتىن گۇلدەندىرۋ ادامنىڭ جان - جاقتى دامۋىن قاجەت ەتەدى.
العاباسارلىق ارقىلى مەشەۋلىكتى الاستاۋ، بايۋ ارقىلى كەدەيلىكتى جويۋ − تاريحتىڭ جالپى بەتالىسى، سونداي - اق ادامزات وركەنيەتىنىڭ العا باسۋىنىڭ ءمورالدىق ءمانى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىندا تاباندى بولىپ، بىرگە بايۋدى جەبەۋ، ادىلدىكتى، تۋراشىلدىقتى جۇزەگە اسىرۋ جاعىندا ءبىرقىدىرۋ باستامالىق شارالاردى العا قويىپ، حالىق ەڭ كوڭىل بولەتىن، ەڭ تىكە، ەڭ رەال مۇددە ماسەلەلەرىن مىقتاپ يگەرىپ، حالىق بۇقاراسىنىڭ شۇعىل، قيىن، ۋايىمداعان، كوكسەگەن ماسەلەلەرىن كۇش سالا شەشىپ، حالىقتىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم نىعايىپ، اناعۇرلىم قامتاماسىز ەتىلىپ، اناعۇرلىم باياندى بولدى.
بىرگە اۋقاتتانۋ − زاتتىق بايلىق ءارى رۋحاني بايلىق، جۇڭگو ۇلگىسىندەگى وسىزامانداندىرۋدىڭ وسكەلەڭ تالپىنىسى. بۇگىنگى تاڭدا، ”دۇنيەنىڭ گۇلدەنىپ - كوركەيۋى مەن قۇرىپ - جوعالۋى − بارلىق ادامنىڭ جاۋاپكەرلىگى“، ”تالىقپاي تالپىنۋ، ءمورالدى ادام بولۋ“ سياقتى بايىرعى اقىل – پاراسات قامتىلعان سوتسياليستىك وزەكتى قۇن كوزقاراسى بىرتىندەپ ىشكى جاقتا ادامداردىڭ رۋحاني تالپىنىسىنا، سىرتقى جاقتا ادامداردىڭ سانالى ارەكەتىنە اينالدى، جۇڭگو رۋحى، جۇڭگو قۇنى، جۇڭگو كۇشى ۇزدىكسىز ايگىلەنىپ، جۇڭگو حالقى بۇرىن - سوڭدى بولماعان تاريحي ىرىقتىلىق رۋحىن تاسقىنداتتى، وزىنە سەنۋ، ءوز كۇشىنە سۇيەنۋ، ءوزىن الۋەتتەندىرۋ رۋحاني كۇشىن ۇيىستىردى.
ەكولوگيالىق وركەنيەت قۇرىلىسى − جۇڭحۋا ۇلتىنىڭ باياندى دامۋىنا ساياتىن ءتۇبىرلى ۇلى جوسپار.
”ادام مەن تابيعاتتىڭ جاراسىمدى قاتار ءومىر ءسۇرۋى“ − جۇڭگو ۇلگىسىندەگى وسىزامانداندىرۋدىڭ ايقىن ەرەكشەلىگى ءارى ماندىك تالابى. ول تاريحى ۇزاق جۇڭحۋا وركەنيەتىنىڭ جاۋھارىنان كەلگەن، ”تابيعات پەن ادامنىڭ تۇتاستىعى“، ”تابيعاتقا ۇيلەسۋ“ سىندى وركەنيەت تامىرىن جالعاستىرعان.
”300 شاقىرىم جول باسىپ، جول بويى جاسىل جەلەك جامىلعان وڭىرلەردەن ءوتتى“. بيىل 7 - ايدا باس شۋجي شي جينپيڭ سىچۋاننىڭ جيانگى اۋدانىنا كەلىپ، سۇييۇن ءدالىزىن تەكسەرىپ، بايىرعى جولدى بويلاپ جاياۋ ءجۇرىپ، مىڭ جىلدىق بايىرعى ارشانىڭ ءوسۋ جاعدايىن كوزدەن كەشىرىپ، تاريحتاعى ارشا ەگۋ، ارشانى قورعاۋ جاعدايىن ەگجەي - تەگجەيلى ۇعىستى.
سۇييۇن دالىزىندەگى 300 شاقىرىمنان استام جولدىڭ ەكى جاعىندا 12 مىڭ تۇپتەن استام ارشا ەگىلگەن، ول دۇنيە جۇزىندەگى ەڭ ۇلكەن، قولمەن وسىرىلگەن ارشا ورمانى.
”سۇييۇن ءدالىزى شىنىندا تاڭداي قاقتىرادى!“ باس شۋجي ەرەكشە تەبىرەنىپ: ”بۇل جەردەن كوپتەگەن شابىت الۋعا بولادى، كوپتەگەن ءماندى اشۋعا بولادى، تابيعاتتان يمەنۋ سەزىمىندە بولۋ كەرەك“ دەدى.
”ەكولوگيا گۇلدەنسە، وركەنيەت گۇلدەنەدى“ دەگەن تاريحي كوزقاراس، ”ادام مەن تابيعاتتىڭ جاراسىمدى قاتار ءومىر سۇرۋىندە تاباندى بولۋ“ دەگەن تابيعات كوزقاراسى، ”تۇنىق سۋ، جاسىل تاۋ − باعالى بايلىق“ دەگەن دامۋ كوزقاراسى... باس شۋجي شي جينپيڭنىڭ ءبىرقىدىرۋ نىشاندىق، جاسامپازدىق، ستراتەگيالىق كەلەلى يدەيالىق كوزقاراستارىندا بايىرعى جۇڭحۋا وركەنيەتىنىڭ تەرەڭ اقىل - پاراساتى دا، جۇڭحۋا ۇلتىنىڭ وسى زامانعى وركەنيەتىنىڭ داۋىرلىك ەرەكشەلىگى دە بار.
جۇڭگو ۇلگىسىندەگى وسىزامانداندىرۋ باتىستىڭ كاپيتالدى وزەك ەتكەن وسىزاماندانۋىن، ەكى ۇيەككە بولىنگەن وسىزاماندانۋىن، ماتەرياشىلدىق ۇلعايعان وسىزاماندانۋىن، سىرتقا ىرگە كەڭەيتكەن، تالان – تاراجىلىق جۇرگىزگەن وسىزاماندانۋىن قايىرىپ تاستادى، ادامزات وركەنيەتىنىڭ العا باسۋ دامۋ بەتالىسىنا ۋاكىلدىك ەتتى.
جاڭا داۋىردەگى جۇڭگو گۇلدەنىپ - كوركەيىپ، سان الۋان بەينەگە ەندى، زاتتىق وركەنيەت، ساياسي وركەنيەت، رۋحاني وركەنيەت، قوعامدىق وركەنيەت، ەكولوگيالىق وركەنيەت سايكەستى دامىپ، ادامزات وركەنيەتىنىڭ دامۋ جاعدايىن ىشكەرىلەي قايتا سومداپ، ادامزات وركەنيەتىنىڭ وراسان زور العا باسۋىن ايگىلەدى.
”جۇڭگو ۇلگىسىندەگى وسىزامانداندىرۋ ادامزات وركەنيەتىنىڭ جاڭا فورماتسياسى رەتىندە، دۇنيە جۇزىندەگى باسقا وركەنيەتتەرمەن ءوزارا ۇلگى السا، دۇنيە ءجۇزى وركەنيەت باقشاسىن، ءسوز جوق، بارىنشا بايىتادى“.
”70 - جىلداردىڭ تۇلەكتەرى، 80 - جىلداردىڭ تۇلەكتەرى، 90 - جىلداردىڭ تۇلەكتەرى، 2000 - جىلداردىڭ تۇلەكتەرى سىرتقا شىعىپ دۇنيەنى كورۋدەن بۇرىن، جۇڭگو دۇنيەگە تىكە قاراي الاتىن بولدى“. 2021 - جىلى مەملەكەتتىك ەكى ءماجىلىس كەزىندە باس شۋجي شي جينپيڭنىڭ ءسوزى ادامدى اسەرلەندىردى.
”دۇنيەگە تەڭ قاراۋ“ سەنىمى قايدان كەلگەن؟
جۇڭحۋا وركەنيەتى نەشە مىڭ جىلدى باستان كەشىرسە دە ۇزىلمەدى، ازاپ - توزاپ تاۋقىمەتكە ۇشىراسا دا ۇزاق ۋاقىت بويى قۇلدىرامادى، بۇل − ادامزات وركەنيەتىنىڭ كەرەمەتى ءارى ءبىزدىڭ سەنىمىمىزدىڭ نەگىزى.
مادەنيەتتى جالعاستىرۋ، دامىتۋ جونىندەگى اڭگىمە ماجىلىسىندە باس شۋجي شي جينپيڭ ”مادەنيەتتىڭ نەگىزگى تۇلعاسى“ جونىندەگى ويلارىن باياندادى.
− ” مادەنيەت سەنىمى ءبىزدىڭ مادەنيەتىمىزدىڭ نەگىزگى تۇلعالىق سيپاتىنان كەلەدى“؛
− ”ءارقانداي مادەنيەت تابان تىرەپ تۇرا الۋ، ۇزاققا جالعاسۋ ءۇشىن، جەتەكتەۋ قۋاتى، ۇيىستىرۋ قۋاتى، تۇلعالاۋ قۋاتى، ىقپال جاساۋ قۋاتى بولۋ ءۇشىن، ءسوز جوق، ءوزىنىڭ نەگىزگى تۇلعالىق سيپاتى بولۋ كەرەك“؛
− مادەنيەتتىڭ نەگىزگى تۇلعالىق سيپاتى بولعاندىقتان، ”جۇڭحۋا وركەنيەتى دۇنيە جۇزىندەگى باسقا وركەنيەتتەرمەن اۋىس - كۇيىس جاساۋدا، ءوزارا ۇلگى الۋدا ايقىن مادەنيەت ەرەكشەلىگىنە يە بولدى“.تاياۋدا چىڭدۋدا وتكىزىلگەن ستۋدەنتتەر سپورت جارىسىنىڭ اشىلۋ سالتاناتىنداعى قارسى الۋ قوناعاسىندا باس شۋجي شي جينپيڭ ستۋدەنتتەر سپورت جارىسىنىڭ ادامزات وركەنيەتى العا باسۋىنداعى ماڭىزدى ءمانىن بىلاي دەپ پايىمدادى: ”وركەنيەت الۋان ءتۇرلى، دۇنيە ءجۇزى الۋان ءتۇرلى“. ”ءبىز وسى رەتكى ستۋدەنتتەر سپورت جارىسىن وراي ەتىپ، بۇكىل ادامزاتتىڭ ورتاق قۇنىن ساۋلەلەندىرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ جاڭا تاراۋىن جازۋىمىز كەرەك“.مادەنيەت جونىندەگى سەنىمدى بەكەمدەپ، ءوز جولىمىزبەن جۇرۋدە تاباندى بولىپ، رۋحاني جاقتا دەربەس، وزىنە-ءوزى قوجايىن بولۋدى ۇستانعاندىقتان، ”ءوزارا قۇرمەت ەتۋ، تەڭ مامىلە جاساۋ“ سىندى بايىپتىلىقتى، ”كوركەمدىكتەن ءلاززات الىپ، كوركەمدىكتى ورتاقتاسۋ“ سىندى كەڭ پەيىلدىلىكتى، ”اشىق، سيىسىمدى بولۋ، ءوزارا ۇيرەنىپ، ءوزارا ۇلگى الۋ“ سىندى ادالدىقتى، ”داۋىرمەن بىرگە العا باسۋ، جاڭالىق اشا دامۋ“ جىگەرىن جەتىلدىردىك.
دەنە تاربيە مەن جاستىق كوكتەمنىڭ سالتاناتتى جينالىسى بولعان 2022 - جىلعى بەيجيڭ قىسقى وليمپياداسىنىڭ اشىلۋ سالتىندا جولبارىس كيىمىن، جولبارىس اياق كيىمىن كيگەن، تايحاڭ تاۋىنىڭ قويناۋىنان كەلگەن 44 بالا ساحناعا شىعىپ، گرەك تىلىندە وليمپيادا ءانىن شىرقادى.
بايىرعى زامان مەن قازىرگى زامان وسى ارادا توعىسىپ، ۇلت پەن دۇنيە ءجۇزى وسى ارادا ءوزارا ۇلگى الىپ، ساپ ءان اۋەنى اشىق، سيىسىمدى جۇڭگو حيكاياسىن بايانداپ، ”بولاشاققا بىرگە بەت الۋ“ كۇش توپتادى.
اشىق، سيىسىمدى بولۋ ارقىلى ءبىز جۇڭحۋا وركەنيەتىنىڭ باي مازمۇنىن بايىتتىق. مەيلى تاريحى ۇزاق، توعىسپالى، تۇتاسقان دۇنحۋاڭ بولسىن، الدە ءبارىن قامتىعان، سيىسىمدى چىڭدۋ بولسىن، بارلىعى اشىق، سيىسىمدى بولۋدىڭ باستان - اياق وركەنيەت دامۋىنىڭ ومىرشەڭدىك قاينارى ەكەنىن، سونداي - اق مادەنيەت سەنىمىنىڭ كورنەكتى بەلگىسى ەكەنىن دالەلدەدى. ”سەنىمگە تولى وركەنيەت بولعاندا عانا، ءوزىنىڭ ۇلتتىق ەرەكشەلىگىن ساقتاۋمەن بىرگە، تۇرلىشە وركەنيەتتەردى سيىسىمدى ەتۋگە، اينا ەتۋگە، قابىلداۋعا بولادى“. جۇڭحۋا وركەنيەتىنىڭ وسى زامانعى شۇعىلالى داستانىن جازۋ ءۇشىن، ءار ەلمەن مادەنيەت اۋىس - كۇيىسىن اناعۇرلىم كەڭ كولەمدە ورىستەتىپ، دۇنيە جۇزىندەگى بارلىق تاڭداۋلى وركەنيەت جەتىستىكتەرىن اناعۇرلىم بەلسەندى، ىرىقتى تۇردە ۇيرەنۋ، اينا ەتۋ كەرەك.
”ءبىز جۇڭگونىڭ ءىسىن جاقسى ىستەۋگە قابىلەتتىمىز، جۇڭگونىڭ حيكاياسىن جاقسى بايانداي الاتىن قابىلەتىمىز جوق پا؟ بىزدە وسىنداي سەنىم بولۋعا ءتيىس!“ باس شۋجي شي جينپيڭ بىلاي دەپ اتاپ كورسەتتى: ءبىز دۇنيە جۇزىنە ”تاعامى ءتىل ۇيىرەتىن جۇڭگونى“ بىلدىرۋمەن بىرگە، دۇنيە جۇزىنە ”عىلىمداعى جۇڭگو“، ”نازارياداعى جۇڭگو“، ”فيلوسوفيا - قوعامدىق عىلىمداعى جۇڭگو“ سياقتىلاردى دا ءبىلدىرۋىمىز، دۇنيە جۇزىنە ”دامۋ ۇستىندەگى جۇڭگو“، ”ەسىك اشۋ ۇستىندەگى جۇڭگو“ جانە ”ادامزات وركەنيەتىنە ۇلەس قوسقان جۇڭگو“ دەگەندى ۇعىندىرۋىمىز كەرەك.
دۇرىس جولدان تايماي، جاڭالىق اشۋدا تاباندى بولعاندىقتان، ءبىز ەرتەدەگىنى بۇگىنگى ءۇشىن پايدالانۋدا، شەتەلدىكىن جۇڭگو ءۇشىن پايدالانۋدا، ديالەكتيكالىق جولمەن سارالاۋدا، ەسكىنى جاڭالاۋدا تاباندى بولىپ، ۇلى داۋىردە ۇلى اڭگىمەلەردى تۋىنداتىپ، تارتىمدى جۇڭگونى تارتىمدى باياندادىق.
جۇڭگو كوممۋنيستىك پارتياسى − جۇڭگو حالقىنىڭ باقىتىن كوزدەيتىن، جۇڭحۋا ۇلتىنىڭ گۇلدەنۋىن كوزدەيتىن پارتيا ءارى ادامزاتتىڭ العا باسۋىن كوزدەيتىن، دۇنيە ءجۇزىنىڭ ۇلى بىرلىگىن كوزدەيتىن پارتيا. جاڭا داۋىردەگى ۇلى وزگەرىس جۇڭحۋا وركەنيەتىنىڭ دامۋ تاريحىندا بەلەستىك مانگە يە بولىپ قالماستان، ادامزات وركەنيەتىنىڭ وراسان زور العا باسۋىن دا ىلگەرىلەتتى.
” جۇڭگودا ءامىر جۇرگىزىپ، زورەكەرلىك ىستەيتىن گەن جوق، ءىرى ەلدىك بەلدەسۋ قىزبالىعى جوق، باتىلدىقپەن تاريحتىڭ دۇرىس جاعىندا بۇلجىماي تۇرىپ، ’داڭعىل جولمەن ءجۇرۋ، دۇنيە كوپكە ورتاق بولۋ‘ دەگەندى باتىل اتقارادى“. 8 - ايدىڭ 22 - كۇنى 2023 - جىلعى بريكس ەلدەرى ونەركاسىپ - ساۋدا تالقى مىنبەرىنىڭ جابىلۋ سالتىندا سويلەگەن سوزىندە باس شۋجي شي جينپيڭ تاعى ءبىر رەت وركەنيەت تۇرعىسىنان جۇڭگونىڭ باستان - اياق بەيبىت دامۋ جولىمەن جۇرەتىن بەرىك مايدانىن پايىمدادى.
دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى الدىندا، جۇڭگو كوممۋنيستىك پارتياسى باستان - اياق بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇنىن ۇستانىپ، وركەنيەتتىڭ اۋىس - كۇيىسىن، ءوزارا ۇلگى الۋىن ىلگەرىلەتۋگە، ادامزات وركەنيەتىنىڭ العا باسۋىن جەبەۋگە كۇش سالدى. ”جۇڭگو ۇلگىسىندەگى وسىزامانداندىرۋ ادامزات وركەنيەتىنىڭ جاڭا فورماتسياسى رەتىندە، الەمدەگى باسقا دا وركەنيەتتەرمەن ءوزارا ۇلگى الاتىن بولسا، دۇنيە ءجۇزى وركەنيەتىنىڭ گۇلزارىن ايرىقشا بايىتاتىندىعى ءشۇباسىز“.
داڭعىل جولمەن جۇرگەن جالعىزسىرامايدى، بارشا الەم ءبىر شاڭىراق. جول ۇزاق، قيىنشىلىق اۋىر بولسا دا، جۇرگىنشىنىڭ كوز اياسى مەن جۇرىسىندە شەكتەمە بولمايدى. جاڭا ءداۋىر، جاڭا جورىقتا يدەيا شۇعىلاسى جۇڭگو ۇلگىسىندەگى وسىزامانداندىرۋدىڭ العا باسۋ جولىن نۇرلاندىردى، اقيقاتتىڭ ۇلى كۇشى جۇڭحۋا وركەنيەتىنىڭ قايتادان شۇعىلا شاشۋىن ىلگەرىلەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
