تومەن تەمپەراتۋرالى اۋا رايى جۇرەك - قان تامىرى اۋرۋلارىنا وڭاي شالدىقتىرادى
شيپاگەر مىنانى ەسكەرتەدى: قاقاعان سۋىق مەزگىلدە شۇعىل ارەكەت جاساماعان ءجون
2023.12.22 16:34 كەلۋ قاينارى : حالىق تورابى
جۋىرداعى بىرنەشە كۇننەن بەرى، ەلىمىزدىڭ كوپ ءبولىم جەرلەرىندە اۋا تەمپەراتۋراسى بۇرىنعى جىلدارداعى وسى مەزگىلدەگىمەن سالىستىرعاندا تومەندەۋ بولىپ، ادامدارعا قاتتى سۋىق سەزىلدى. ماماندار مىنانى ەسكەرتەدى: تومەن تەمپەراتۋرا جۇرەك - قان تامىرى اۋرۋلارىنا وڭاي شالدىقتىرادى، قانداعى ماي قۇرامى جوعارى، قانداعى قانت قۇرامى جوعارى، قان قىسىمى جوعارى ادامدار مەن جۇرەك - قان تامىرى نەگىزدىك اۋرۋلارىنا شالدىققان ادامداردىڭ مەرزىم سايىن تەكسەرىلىپ وتىرعانى ءجون.
جۋىردان بەرى، اۋا تەمپەراتۋراسى كۇرت تومەندەدى، ونىڭ ۇستىنە، تەمپەراتۋرا ۇزدىكسىز تومەن بولدى، ەمحانالاردا جۇرەك - قان تامىرى اۋرۋلارىنا شالدىققان ناۋقاستاردان ەمدەلۋشىلەردىڭ سانى ارتۋدا. قاقاعان سۋىق اۋا تەمپەراتۋراسى ادام دەنەسىندەگى سەزىمتال جۇيكەلەردى قوزدىرادى، قان قىسىمى قىسقا ۋاقىت ىشىندە كۇرت جوعارىلاۋ، جۇرەك سوعۋى تەزدەۋ قاتارلى اۋرۋ بەلگىلەرى بايقالىپ، جۇرەكتىڭ اۋىرتپالىعىن ارتتىرىپ، جۇرەك - قان تامىرى اۋرۋلارىن قوزعايدى.
بەيجيڭ انجىن ەمحاناسى جۇرەك اۋرۋى ءبولىمىنىڭ مەڭگەرۋشىسى گاۋ حاي بىلاي دەيدى: قاقاعان سۋىق ماۋسىمدا سەزىمتال جۇيكەلەردەگى قان تامىرى تارايىپ، وعان تۇسەتىن سالماق ارتادى. ادەتتە ارەكەت مولشەرىن مۇمكىندىگىنشە ازايتقان ءجون، سونىمەن بىرگە، قاقاعان سۋىقتان مۇمكىندىگىنشە ساقتانۋ، شۇعىل ارەكەتتەنۋدەن مۇمكىندىگىنشە ساقتانۋ قاجەت، مۇمكىندىگىنشە ۇيدەگى جىلى ورىندا بولعانى جاقسى.
قانداعى ماي قۇرامى جوعارى، قانداعى قانت قۇرامى جوعارى، قان قىسىمى جوعارى ادامدار مەن جۇرەك - قان تامىرى نەگىزدىك اۋرۋىنا شالدىققان ناۋقاستار قىس مەزگىلىندە شيپاگەردىڭ ەسكەرتۋى بويىنشا ءدارى ىشۋگە كەپىلدىك ەتۋى، مەرزىم سايىن قايتالاي تەكسەرتىپ وتىرۋى قاجەت، ەگەر اۋرۋ جاعدايىندا وزگەرىس بايقالسا، دەر كەزىندە شيپاگەرگە كورىنۋى، ءدارىنى شيپاگەردىڭ جەتەكشىلىگىندە رەتتەپ پايدالانۋ قاجەت، ءدارىنى ءوز بىلگەنىنشە الباتى ازايتپاۋى نەمەسە ءدارى ءىشۋدى توقتاتپاۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
