«شي جينپيڭ ەل باسقارۋ جونىندەنىڭ» 1 - تومىنىڭ بەلورۋس تىلىندەگى باسىلىمىنىڭ تۇڭعىش تاراتىلۋ سالتى جانە جۇڭگو مەن بەلورۋسسيانىڭ ەل باسقارۋ جونىندەگى زەرتتەۋ - تالقى ءماجىلىسى مينسكىدە وتكىزىلدى
2023.12.22 16:40 كەلۋ قاينارى : حالىق تورابى
شينحۋا اگەنتتىگى، 12 - ايدىڭ 21 – كۇنى، مينسكى. «شي جينپيڭ ەل باسقارۋ جونىندەنىڭ» 1 - تومىنىڭ بەلورۋس تىلىندەگى باسىلىمىنىڭ تۇڭعىش تاراتىلۋ سالتى جانە جۇڭگو مەن بەلورۋسسيانىڭ ەل باسقارۋ جونىندەگى زەرتتەۋ - تالقى ءماجىلىسى بىرنەشە كۇننىڭ الدىدنا بەلورۋسيانىڭ استاناسى مينسكىدە وتكىزىلدى. جۇڭگو مەن بەلورۋسسيانىڭ ساياسي قايراتكەرلەرىنىڭ، اقپارات قۇرالدارىنىڭ، اقىل - پاراسات قويماسىنىڭ ۋاكىلدەرى قاتارلى 500 دەن استام ادام قيمىلعا قاتىناستى.
ماجىلىسكە قاتىناسقان سيلى قوناقتار بىلاي دەپ قارادى: «شي جينپيڭ ەل باسقارۋ جونىندە» كىتابىنىڭ مازمۇنى باي، يدەياسى تەرەڭ، جاڭا داۋىردەگى جۇڭگو كوممۋنيستىك پارتياسىنىڭ ەل باسقارۋ جالپى جوباسىن تۇسىنۋدەگى، جۇڭحۋا ۇلتىنىڭ وسى زامانعى وركەنيەتىن تۇسىنۋدەگى، جۇڭگو ۇلگىسىندەگى وسىزامانداندىرۋدى تۇسىنۋدەگى ەڭ تاماشا وقۋلىق. وسى كىتاپتان جۇڭگو ۇلگىسىندەگى وسىزامانداندىرۋدا حالىقتىڭ قۇن بەتالىسى، ءىس جۇزىندىكتى تياناق ەتكەن دامۋ ۇستانىمى، اشىق، سيىسىمدى وركەنيەت ءمانى، سونداي - اق سەلبەسىپ تەڭ يگىلىككە كەنەلەتىن دۇنيە جۇزىلىك سۇيىسپەنشىلىك قامتىلعان.
ماجىلىسكە قاتىناسقان سيلى قوناقتار مىنانى ءبىلدىردى: ءتوراعا شي جينپيڭنىڭ باسشىلىعىندا، جۇڭگونىڭ دامۋى دۇنيە ءجۇزىن جالت قاراتقان تابىستارعا قول جەتكىزدى، حالىق باقىتتى تۇرمىس كەشىرىپ، مەملەكەت گۇلدەنىپ - كوركەيدى. جۇڭگونىڭ ەل باسقارۋ جاعىنداعى تابىستى تاجىريبەلەرى بەلورۋسسيانى قامتىعان قالىڭ وركەندەپ كەلە جاتقان ەلدەرگە پايدالى ۇلگى بولدى، جۇڭگونىڭ دامۋى اۋمالى - توكپەلى، وزگەرگەن دۇنيە جۇزىنە اناعۇرلىم كوپ ورنىقتىلىق پەن تۇراقتىلىق ۇستەيدى. جۇڭگو العا قويعان ”ءبىر بەلدەۋ، ءبىر جولدى“ بىرگە قۇرۋ باستاماسى − حالىقارالىق قوعامنىڭ ورتاق تانىمى مەن سەلبەستىگىن ۇيىستىراتىن ۇلى ءىس، وعان قاتىناسقان ەلدەر ودان يگىلىكتەنەدى.
«شي جينپيڭ ەل باسقارۋ جونىندەنىڭ» 1 - تومىنىڭ بەلورۋس تىلىندەگى نۇسقاسىن شەتەل تىلدەرى باسپاسى مەن بەلورۋسسيا ادەبيەت - كوركەمونەر باسپاسى بىرگە اۋدارىپ باسپادان شىعاردى. ماجىلىسكە قاتىناسقان سيلى قوناقتار مىنانى ءبىلدىردى: بۇل − جۇڭگو مەن بەلورۋسسيا ەلدەرىنىڭ ەل باسقارۋ تاجىريبەلەرىن اۋىستىرۋ جاعىنداعى كەلەلى تابىسى، وسى رەتكى قيمىلدى وراي ەتىپ، جۇڭگو مەن بەلورۋسسيا ەلدەرىنىڭ مەملەكەت باسشىلارى كەلىسكەن ماڭىزدى ورتاق تانىمدى تياناقتاندىرىپ، اۋىس - كۇيىستى ۇزدىكسىز تەرەڭدەتىپ، ەكى ەلدىڭ بارلىق جاعدايدا بىردەي جان - جاقتى ستراتەگيالىق سەرىكتەستىك قارىم - قاتىناسىن ورناتۋعا بەلسەندى ۇلەس قوسۋدى ءۇمىت ەتەمىز.
بۇل رەتكى قيمىلدى جۇڭگو مەملەكەتتىك كەڭەسىنىڭ اقپارات كەڭسەسى، جۇڭگو شەتەل تىلدەرى مەكەمەسى، جۇڭگونىڭ بەلورۋسسيادا تۇراتىن باس ەلشىحاناسى بىرگە وتكىزدى، شەتەل تىلدەرى باسپاسى، بەلورۋسسيا ادەبيەت - كوركەمونەر باسپاسى ۇستىنە الدى.
تۇڭعىش تاراتۋ سالتىندا جۇڭگولىق، بەلورۋسسيالىق سيلى قوناقتار «شي جينپيڭ ەل باسقارۋ جونىندەنىڭ» 1 - تومىنىڭ بەلورۋس تىلىندەگى جاڭا كىتابىنىڭ جامىلعىسىن اشتى، جۇڭگو جاق بەلورۋسيا جاققا جاڭا كىتاپ ۇسىندى. تۇڭعىش تاراتۋ سالتىنان كەيىن ەكى ەلدىڭ مامان - وقىمىستىلارى جۇڭگو مەن بەلورۋسسيانىڭ ەل باسقارۋ تاجىريبەلەرىن ارقاۋ ەتىپ، پىكىر اۋىستىرىپ، تالقى جۇرگىزدى. قازىرگە دەيىن «شي جينپيڭ ەل باسقارۋ جونىندەنىڭ» 1 - تومى 40 تىلگە اۋدارىلىپ باسپادان شىقتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
