تياناقتاندىرۋدى بۇلجىتپاي مىقتى يگەرەيىك
جۇڭيىن
2023.12.22 16:42 كەلۋ قاينارى : حالىق تورابى
كەلەر جىلعى ەكونوميكالىق قىزمەتتىڭ كەلەلى باعىت - ساياساتتارى بەلگىلەنىپ بولدى، مۇنىڭ تەتىگى تياناقتاندىرۋدى مىقتى يگەرۋدە. ورتالىقتىڭ ەكونوميكالىق قىزمەت ماجىلىسىندە باس شۋجي شي جينپيڭ تياناقتاندىرۋدى مىقتى يگەرۋ توڭىرەگىندە ايقىن تالاپ قويىپ، ”قاز - قالپىندا تياناقتاندىرۋدى مىقتى يگەرۋدى“، ”شاپشاڭ قيمىلداپ تياناقتاندىرۋدى مىقتى يگەرۋدى“، ”شىندىققا جۇگىنىپ، ناقتى ءىس تىندىرىپ تياناقتاندىرۋدى مىقتى يگەرۋدى“، ”باتىلدىقپەن ءىس تىندىرىپ، شەبەرلىكپەن تياناقتاندىرۋدى مىقتى يگەرۋدى“دارىپتەدى، بۇل پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرى مەن ورنالاستىرۋلارىن ىشكەرىلەي دايەكتى تياناقتاندىرۋعا، ساپالى دامۋدى تىڭعىلىقتى ىلگەرىلەتۋگە ماڭىزدى ءادىس - امال كورسەتىپ، جەتەكشىلىك ەتتى ءارى ءبىزدىڭ جاڭا ءداۋىردىڭ جاڭا جورىعىندا جاڭا تاريحي ۇلى ءىس جاراتۋىمىزعا قۇلشىنۋ بەتالىسىن كورسەتتى.
جوعارى دەڭگەيدە جوبالاۋ جاعىنداعى عىلمي ورنالاستىرۋ دا، تياناقتاندىرۋدى يگەرەتىن ءتۇزىم مەحانيزمى دە بار، بۇل − پارتيامىزدىڭ ەل باسقارۋداعى ماڭىزدى ابزالدىعى. جاڭا داۋىردەن بەرى پارتيامىزدىڭ ءجۇز ميلليونداعان حالىقتى ىنتىماقتاستىرىپ جانە باستاپ، ۇزاق ۋاقىتتان بەرى شەشىلمەي كەلە جاتقان كوپتەگەن قيىن ماسەلەنى شەشىپ، ۇزاق بولاشاققا ساياتىن كوپتەگەن ءىرى، ماڭىزدى ءىستى ىستەي الۋىنداعى توتەنشە ماڭىزدى ءبىر جاق شەگە قاعۋ رۋحىمەن ورنالاستىرۋدى، تياناقتاندىرۋدى، باقىلاۋ - تەكسەرۋدى يگەرىپ، تولىق جەڭىسكە جەتپەيىنشە استە تىنباۋىندا. پارتيا 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدىڭ ۇلى جوباسىن جاساپ، جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرىن دامىتۋدىڭ نىسانا - مىندەتتەرىن ايقىندادى. قازىر ەلىمىزدىڭ دامۋى ستراتەگيالىق وراي مەن حاۋىپ – قاتەر، سىن - سايىس قاتار ءومىر سۇرگەن، تۇراقسىز، مەجەلەۋ قيىن فاكتورلار كوبەيگەن كەزەڭگە ءوتتى. جاعداي نەعۇرلىم كۇردەلى، مىندەت نەعۇرلىم جاپالى بولعان سايىن، جۇڭگو كوممۋنيستىك پارتياسى باسشىلىعىنىڭ ساياسي باسىمدىعى مەن جۇڭگوشا سوتسياليزمنىڭ تۇزىمدىك باسىمدىعىن سولعۇرلىم ساۋلەلەندىرىپ، پارتيانىڭ باسشىلىعىندا ءبىر نيەتپەن ىنتىماقتاسىپ، تياناقتاندىرۋدى مىقتى يگەرىپ، پارتيا ورتالىق كوميتەتى جاساعان كەلەلى شەشىم، ورنالاستىرۋلاردىڭ ىسكە اسۋىن، ونىمدىلىككە قول جەتكىزۋىن نىق قاداممەن ىلگەرىلەتۋ كەرەك.
”قىزمەتتى دۇرىس ءادىستى تاڭداپ، ويداعىداي ىستەۋدىڭ ەڭ تەرەڭ اسەرى __ پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن قاز - قالپىندا تياناقتاندىرۋ“. باس شۋجي شي جينپيڭ كەيبىر باسشى كادرلاردىڭ ءىس جۇزىندىك اسەرىن ەرەكشە تىلگە تيەك ەتىپ، ”پارتيا ورتالىق كوميتەتىنىڭ ەكونوميكالىق قىزمەت جونىندەگى كەلەلى شەشىم، ورنالاستىرۋلارى ءار دارەجەلى باسشى كادرلاردىڭ كوكەيىنەن كەتپەۋى كەرەك“ دەپ دارىپتەدى. قاز - قالپىندا تياناقتاندىرۋدى يگەرۋدە، ەڭ اۋەلى، تولىق، دۇرىس، جان - جاقتى يگەرۋگە كۇش سالىپ، مەملەكەتتىڭ زور ىستەرىن جەتە ءتۇسىنىپ، نە ەكەنىن، نە ىستەيتىنىن، قالاي ىستەيتىنىن كوكەيدەن شىعارماي، پارتيا ورتالىق كوميتەتىنىڭ كەلەلى باعىت - ساياساتتارى مەن ستراتەگيالىق ورنالاستىرۋلارىنىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن تەرەڭ ءتۇسىنىپ، ونىڭ نە ەكەنىن بىلۋگە، ونان دا ماڭىزدىسى، نەلىكتەن سولاي ەكەنىن بىلۋگە كەپىلدىك ەتىپ، دايەكتىلەندىرۋگە، تياناقتاندىرۋعا بەرىك نەگىز قالاۋ كەرەك. ەكونوميكالىق قىزمەت ەجەلدەن ابستراكت، وقشاۋ ەمەس، قايتا ناقتى، بايلانىستى. تەك ساياسي تۇرعىدان قاراعاندا، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن اناعۇرلىم تەرەڭ تۇسىنۋگە، قىزمەتتە اناعۇرلىم كورەگەندىك پەن ىرىقتىلىققا يە بولۋعا بولادى. ءار دارەجەلى باسشى كادرلار ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ، ماسەلەلەردى ساياسي جاقتان بايقاۋعا جانە ءبىر جاقتى ەتۋگە شەبەر بولىپ، پارتيا ورتالىق كوميتەتىنىڭ كەلەلى باعىت - ساياساتتارىن شىنايى ءتۇسىنىپ، پارتيا ورتالىق كوميتەتىنىڭ رۋحىن دايەكتىلەندىرۋدى كەلەلى ستراتەگيالاردى جوسپارلاۋ، كەلەلى ساياساتتاردى بەلگىلەۋ، كەلەلى مىندەتتەردى ورنالاستىرۋ، كەلەلى قىزمەتتەردى ىلگەرىلەتۋ امالياتىندا ايگىلەۋى كەرەك.
تياناقتاندىرۋدى قاز - قالپىندا يگەرۋدىڭ تەتىگى ءدال يگەرۋدە، تالماۋ جەرى تياناقتاندىرۋدا. پارتيا ورتالىق كوميتەتىنىڭ شەشىمدەرى مەن ورنالاستىرۋلارى ءار جاققا سايادى، بەلگىلەنگەن نىسانا - مىندەتتەر تاياۋ مەزگىلدىك، ورتا مەزگىلدىك، ۇزاق ۋاقىتتىق بولادى، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تىعىز ارقاۋ ەتكەندە اۋىتقۋعا بولمايدى. مىسالى، جاڭا دامۋ ۇستانىمى − تۇتاس تۇلعا، قىزمەت بارىسىندا وعان نازار اۋدارىپ، سايكەستى كۇش سالىپ، بىرىككەن كۇش قالىپتاستىرۋ كەرەك، جەڭىل - جەلپى ىستەۋگە، ءىشىنارالىقتى جالپىعا بالاۋعا بولمايدى؛ جەر - جەر ءوز شارت - جاعدايى مەن مۇمكىندىگىنە نەگىزدەلىپ، ءارى جاڭا دامۋ ۇستانىمىن تولىق، دۇرىس، جاپپاي دايەكتىلەندىرۋى، ءارى ولقىلىقتاردى، ءالسىز بۋىنداردى مىقتى يگەرىپ، ءتۇيىندى تۇردە ىلگەرىلەتۋى كەرەك، ءىس جۇزىندىكتەن قول ءۇزىپ، الكەۋدەلىكپەن ىستەۋگە بولمايدى، ساياسي ناتيجە شىعارۋ ءۇشىن شارت - جاعدايمەن ساناسپاي، ءبارىن دە ىستەگىسى كەلۋگە ءتىپتى دە بولمايدى. تاعى ءبىر مىسال، چاڭجياڭ اتىراۋىن ءبىر تۇلعالاندىرىپ دامىتۋدى ىشكەرىلەي ىلگەرىلەتۋدە ءبىر تۇلعالاندىرۋ مەن ساپالى بولۋ سىندى ەكى ءتۇيىندى ءسوزدى تىعىز ارقاۋ ەتىپ، ءبىر تۇلعالاندىرۋ وي جەلىسى مەن شاراسى ارقىلى اكىمشىلىك قامالدى تالقانداپ، ساياساتتىڭ سايكەسۋىن جوعارىلاتۋ كەرەك. جاڭا جورىقتا ءبىز پارتيانىڭ نازارياسى مەن لۋشيان، باعىت - ساياساتتارىن باتىل دايەكتىلەندىرىپ، اتقارىپ، نازاردى ەكونوميكالىق قۇرىلىس سىندى وزەكتى قىزمەت پەن ساپالى دامۋ سىندى ماڭداي الدى مىندەتكە شوعىرلاندىرىپ، پارتيا ورتالىق كوميتەتى ايقىنداعان نىسانا - مىندەتتەرمەن، ستراتەگيالىق ورنالاستىرۋلارمەن جانە نەگىزگى قامال الۋ بەتالىسىمەن، ءداۋىردىڭ دامۋ تامىرىمەن جانە جەر - جەردىڭ دامۋ ءىس جۇزىندىگىمەن تىعىز ۇشتاستىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتانۋىن ىلگەرىلەتۋىمىز كەرەك.
باس شۋجي شي جينپيڭ بىلاي دەپ دارىپتەدى: ”بۇلجۋ __ ءتۇسى وزگەرگەن تۇرلەندىرۋ، ساتى - ساتى بويىنشا ولشەم قوسۋ دا __ ءتۇسى وزگەرگەن تۇرلەندىرۋ. مۇنداعى شەشۋشى ءتۇيىن، ەڭ سوڭعى ونىمدىلىكتىڭ پارتيا ورتالىق كوميتەتىنىڭ شەشىم جاساۋ ماقساتىنا ساي كەلۋىنە شىنايى كەپىلدىك ەتۋ كەرەك“. بۇل بىزگە مىنانى ۇعىندىردى: تياناقتاندىرۋدى قاز - قالپىندا يگەرۋدە ءارى تولىق، دۇرىس، جان - جاقتى تياناقتاندىرىپ، اتقارۋدىڭ اۋىتقىماۋىنا، وزگەرمەۋىنە، تۇرلەنبەۋىنە كەپىلدىك ەتۋ، ءارى نىسانانى باعدار ەتۋدى، ونىمدىلىكتى باعدار ەتۋدى كورنەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاسامپازدىقپەن ناقتى تياناقتاندىرۋ كەرەك. قۇبىلمالى بولۋ، جاقسى امالدى تەرىس وقۋ، سايىپ كەلگەندە، فورماشىلدىقتىڭ، تورەشىلدىكتىڭ كەسىرى، تيپتىك مىندەتىن وتەمەگەندىك، الباتى ىستەگەندىك، پارتيا مەن مەملەكەت ىستەرىنە كەسىرىن تيگىزگەندىك، بۇقارانىڭ ءتول مۇددەسىنە زيان جەتكىزگەندىك، مۇنىڭ زاردابى شەكسىز. بۇيرىقتى اتقارمايتىن، تيىم سالسا دا تيىلمايتىن ارەكەتتەردى دەر كەزىندە دۇرىس بايقاپ، دايەكتى اتقارۋ بارىسىنداعى بوگەلۋ تۇيىندەرىن، قيىن تۇيىندەردى شىنايى اشىپ، پارتيا ورتالىق كوميتەتىنىڭ دارىپتەمەسىنە باتىل ءۇن قوسىپ، پارتيا ورتالىق كوميتەتىنىڭ قاۋلىسىن باتىل اتقارىپ، پارتيا ورتالىق كوميتەتى تيىم سالعان ىستەردەن باتىل تيىلۋ كەرەك.
”دۇرىس ستراتەگيا دۇرىس تاكتيكا ارقىلى تياناقتاندىرىلادى جانە اتقارىلادى، تياناقتاندىرعاندا عانا ناتيجە شىعادى، اتقارعاندا عانا ونىمدىلىك شىعادى. ءارقانداي ءبىر قىزمەتتى ىستەگەندە، اۋىردىڭ استىمەن، جەڭىلدىڭ ۇستىمەن جۇرۋىمىزگە بولمايدى، قايتا شىنايى يگەرىپ، ناقتى ىستەپ، جاقسى ىستەپ، جاقسى ناتيجەگە قول جەتكىزۋىمىز كەرەك“. جاڭا جورىقتا ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، شىنايى يگەرەتىن ناقتى كۇشپەن، باتىلدىقپەن يگەرەتىن قاجىر - قايراتپەن، ۇتىمدى يگەرەتىن شەبەرلىكپەن، ۇنەمى يگەرەتىن قايسارلىقپەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، جۇڭگو ۇلگىسىندەگى وسىزامانداندىرۋدىڭ تاماشا جوباسىن بىرتىندەپ رەالدىققا اينالدىرايىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
