جۇڭگو — ورتا ازيا باسشىلارى كەڭەسىنىڭ جەتىستىكتەرى ىسكە اسىرىلدى
قازاقستاننىڭ شي - انداعى تەرمينالى رەسمي ىسكە قوسىلدى
2023.12.26 15:02 كەلۋ قاينارى : حالىق تورابى
حالىق تورابىنىڭ ءتىلشىسى ۋاڭ چيڭيۋان 12 - ايدىڭ 24 - كۇنى شي - اننان حابارلايدى. 12 - ايدىڭ 23 - كۇنى، تۇڭعىش كەزەكتى جۇڭگو — ورتا ازيا باسشىلارى كەڭەسىندەگى ماڭىزدى سەلبەستىك جەتىستىكتەرىنىڭ ءبىرى بولعان قازاقستاننىڭ شي - انداعى تەرمينالى شي - ان حالىقارالىق پورت رايونىندا رەسمي ىسكە قوسىلدى، بۇل قازاقستان مەن جۇڭگو اراسىنداعى ساۋدالىق زات اينالىمىنداعى شوعىرلاندىراتىن، جونەلتەتىن ورتالىقتىڭ العاشقى قادامدا قالىپتاسقانىن كورسەتەدى.
ۇعىسۋعا قاراعاندا، قازاقستاننىڭ شي - انداعى تەرمينالىنىڭ جەر اۋماعى 120 مۋ، 5 - ايدىڭ 18 - كۇنىنەن باستاپ سالىنعان. باستىسى، زات ساقتاۋ قويماسى مەن جۇك ساندىقتارىن جيناۋ ورنىن قامتيدى، بۇل ارادان شي - ان حالىقارالىق پورتىنىڭ جۇك ساندىقتارىن تيەۋ - ءتۇسىرۋ اۋماعىنا تەز ارادا جەتۋگە بولاتىندىقتان، جۇك ساندىقتارىن ”تەز جونەلتىپ، تەز قابىلداۋ“ قاجەتىن قاناعاتتاندىرادى. جۇڭگو - ەۆروپا كەزەكشى پويەزدەرىنە (شي - ان) ارقا سۇيەي وتىرىپ، جۇڭگودان قازاقستانعا ەكسپورت ەتىلەتىن، يمپورت ەتىلەتىن تاۋارلاردى شي - انعا شوعىرلاندىرىپ، وسى ارادان ءبولىپ تاراتۋدى جەدەل ورىنداۋعا بولادى.
قازاقستان تەمىر جولى مەملەكەتتىك جارنالىق سەرىكتەستىگىنىڭ ورىنباسار باس ديرەكتورى ەرلان قويشىبايەۆ: ”جىل باسىنان بەرى، قازاقستان مەن جۇڭگو اراسىنداعى زات تاسىمالىنىڭ مولشەرى ۇزدىكسىز ارتتى، قازىر 26 ميلليون تونناعا جەتتى، بىلتىرعى وسى مەزگىلدەگىمەن سالىستىرعاندا، %22 ارتتى. قازاقستاننىڭ شي - انداعى تەرمينالى وتە ورنىقتى، سەنىمدى، حاۋىپسىز تەكشە ازىرلەپ، زاتتاردى يمپورت - ەكسپورت ەتۋگە، شەكارا ارقىلى وتكىزۋگە ساپالى قىزمەت وتەيدى“، — دەيدى.
شي - ان حالىقارالىق پورت رايونىنىڭ جاۋاپتىسى: قازاقستاننىڭ شي - انداعى تەرمينالىنىڭ ىسكە قوسىلۋى جۇڭگو - ەۆروپا كەزەكشى پويەزدەرىنىڭ شي - انداعى شوعىرلاندىرۋ ورتالىعىن اناعۇرلىم بيىك بەلەسكە كوتەرىپ، شانشيدىڭ ”ءبىر بەلدەۋ، ءبىر جول“ سىندى زور اۋقىمىمەن ىشكەرىلەي توعىسىپ، ىشكى قۇرلىقتاعى رەفورما جاساپ، ەسىك اشۋدىڭ بيىك بەلەسىن قالىپتاستىرۋىنا جاڭا ەنەرگيا سيلاپ، جاڭا قوزعاۋشى كۇش قوسادى. ءبىز قازاقستاننىڭ الماتى قالاسىنداعى سەلبەستىك نىسانىنىڭ قۇرىلىسىن باستاپ كەتتىك، الدا ەكى ەلدەگى ”وزەك پەن وزەك ۇشتاسقان“ زات اينالىمى ءدالىزىنىڭ دارەجەسى جوعارىلاپ، ەكى ەل اراسىنداعى زات اينالىمىنىڭ وزىندىك قۇنى اناعۇرلىم تومەندەيدى، قىزمەت وتەۋ ساپاسى اناعۇرلىم جاقسارتىلادى، قارقىنى اناعۇرلىم تەزدەتىلەدى. كەلەسى قادامدا، شي - ان حالىقارالىق پورت رايونى قازاقستان تەمىر جولى سەرىكتەستىگىمەن ىشكەرىلەي سەلبەستىك ورناتىپ، جۇڭگو كاسىپورىندارىنىڭ ”شەتەلگە قادام تاستاۋىنا“، قازاقستان كاسىپورىندارىن ”جۇڭگوعا شاقىرۋعا“ جان - جاقتى قىزمەت وتەۋدى، قامتاماسىزداندىرۋدى ويداعىداي ىستەپ، جۇڭگو مەن قازاقستان ەكى ەلدىڭ ساۋدالىق بارىس - كەلىسى مەن گۋمانيتارلىق سەلبەستىگىنىڭ جاڭا بەلەسكە كوتەرىلۋىنە دەم بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
