شينجياڭدا قالا - قالاشىقتاعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى جوعارىلاتىلدى

2023.12.26 15:18 كەلۋ قاينارى : حالىق تورابى

　　شينجياڭ گازەتىنىڭ 12 - ايدىڭ 24 - كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى لي ليننىڭ شينجياڭ ۇيعۇر اۆتونوميالى رايوندىق حالىق ىستەرى مەڭگەرمەسىنەن ۇعىسۋىنشا، جۋىردا شينجياڭدا قالا - قالاشىقتاعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى جوعارىلاتىلعان. اۆتونوميالى رايوندىق حالىق ىستەرى مەڭگەرمەسى مەن قازىنا مەڭگەرمەسى باسىپ تاراتقان «بۇكىل رايونداعى قالا مەن اۋىلداعى ەڭ تومەنگى تۇرمىس دەڭگەيىن قامتاماسىزداندىرۋ ولشەمىن جوعارىلاتۋ جونىندەگى ۇقتىرۋعا» (تومەندە قىسقارتىلىپ «ۇقتىرۋ» دەپ اتالادى) ساي، شينجياڭدا قالا - قالاشىق پەن اۋىل - قىستاقتاعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى ءبىرتۇتاس ءار ادامعا ايىنا %10، %15 جوعارىلاتىلعان. «ۇقتىرۋدا» مىنالار ايقىندالعان: قالا - قالاشىقتاعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى قازىرگى ايىنا 616 يۋاننان تومەن بولماۋ ولشەمىنەن ايىنا 678 يۋاننان تومەن بولماۋ ولشەمىنە جوعارىلاتىلادى. اۋىل - قىستاقتاعى ەڭ تومەنگى تۇرمىس دەڭگەيىن قامتاماسىزداندىرۋ ولشەمى قازىرگى ايىنا 441 يۋاننان تومەن بولماۋ ولشەمىنەن ايىنا 507 يۋاننان تومەن بولماۋ ولشەمىنە جوعارىلاتىلادى. اۆتونوميالى رايوندا قالا مەن اۋىلداعى ەڭ تومەنگى تۇرمىس دەڭگەيىن قامتاماسىزداندىرۋدىڭ وسى رەتكى جوعارىلاتىلعان ولشەمى 2023 - جىلى 7 - ايدىڭ 1 - كۇنىنەن باستاپ اتقارىلادى.

　　«ۇقتىرۋدا» مىنالار تالاپ ەتىلگەن: جەر - جەر يدەيالىق تانىمدى جوعارىلاتۋى، وسى رەتكى ولشەمدى جوعارىلاتۋ قىزمەتىنە وسكەلەڭ ءمان بەرۋى، جاعدايعا قاراي شارا قولدانۋعا تاباندى بولىپ، ەڭ تومەنگى تۇرمىس دەڭگەيى قامتاماسىزداندىرىلاتىن وبيەكتىلەردى دالمە - ءدال بەلگىلەۋدى كۇشەيتىپ، تەكسەرىپ بەكىتۋ ءتارتىبىن قاتاڭداستىرىپ، يكەمدى باسقارۋدى كۇشەيتىپ، حالىق تۇرمىسىنىڭ نەگىزدىك ەڭ تومەنگى شەگىن دالمە - ءدال يگەرۋگە، بەرىك ساقتاۋعا شىنايى كەپىلدىك ەتۋى كەرەك. سونىمەن بىرگە، قاراجات جاعىندا قامتاماسىزداندىرۋدى كۇشەيتىپ، سايكەستى قاراجاتتى تولىق سومادا تياقتاندىرۋى، ولشەم جوعارىلاتىلعان سوڭ تولىقتاپ تاراتىلاتىن قاراجاتتىڭ قيىنشىلىعى بار بۇقارانىڭ قولىنا دالمە - ءدال، تولىق سومادا تاراتىلۋىنا كەپىلدىك ەتۋى كەرەك.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved