مادەنيەت جانە ساياحات مينيسترلىگى جاڭا جىل مەرەكەسى، كوكتەم مەرەكەسى مەزگىلىندە ساياحاتقا شىعۋ تۋرالى ەسكەرتۋ جاريالادى
2023.12.26 15:19 كەلۋ قاينارى : حالىق تورابى
2024 - جىلعى جاڭا جىل مەرەكەسى مەن كوكتەم مەرەكەسى تاياپ قالدى، مادەنيەت جانە ساياحات مينيسترلىگى 12 - ايدىڭ 25 - كۇنى جاڭا جىل مەرەكەسى مەن كوكتەم مەرەكەسى مەزگىلىندە ساپارعا شىعۋ جونىندە ەسكەرتۋ جاريالاپ، بارشا ساياحاتشىلارعا قىس مەزگىلىندە ساياحاتتاعاندا حاۋىپسىزدىك پەن ساقتىق تانىمىن ارتتىرۋدى، ساپاردى حاۋىپسىز، ۇيلەسىمدى ورنالاستىرۋدى، اسا حاۋىپتى ساياحات تۇرلەرىنە قاتىناسۋدان اباي بولۋدى، وركەنيەتتى، اقاۋسىز، جاسىل تيپتى ساياحات ورنالاستىرۋدى ەسكەرتتى.
مادەنيەت جانە ساياحات مينيسترلىگى مىنانى ەسكەرتتى: قىس مەزگىلىندە ساياحاتقا شىققاندا، تومەن تەمپەراتۋرا، قار جاۋۋ، مۇز قاتۋ سىندى سۇركەيلى اۋا رايىنا جولىعىپ قالۋدان اباي بولىپ، ىزعارلى سۋىقتان ساقتانىپ، جىلى جۇرۋگە ويداعىداي دايىندالعان ءجون. اۆتوموبيلمەن ساياحاتقا شىققان كەزدە، جول ۇستىندە حاۋىپسىزدىك بەلبەۋىن تاعىپ، قاجەت بولعاندا تايعاناۋدان ساقتانۋ سىندى حاۋىپسىزدىك شارالارىن ويداعىداي ىستەۋ قاجەت. اشىلماعان، اشىق ۇستالماعان، اماندىقتى قامتاماسىزداندىرۋ شارالارى جەتكىلىكسىز وڭىرلەرگە بارماعان ءجون.
ساياحاتشىلار جول بويىنداعى جەرلەردىڭ جاعدايىن، باراتىن جەردىڭ اۋا رايىن، قاتىناس جاعدايى مەن كورىنىس رايونى اشىق پا، ەمەس پە دەگەن سياقتى جاعدايلاردى الدىن الا ۇعىسۋى ءارى بەلەتكە الدىن الا تاپسىرىس بەرۋى قاجەت، ساياحات جەلىسى مەن ۋاقىتتى ۇيلەسىمدى ورنالاستىرعانى ءجون. دەمالىس مەزگىلىندەگى جولاۋشى مولشەرى كوپ بولۋدان تۋىندايتىن كەپتەلىستەن مۇمكىندىگىنشە اۋلاق بولعانى ءجون. ورتتەن ساقتانۋ حاۋىپسىزدىگى جونىندەگى بەلگىلەمەلەرگە قاتاڭ بويسۇنىپ، توساتتان تۋىلعان شۇعىل جاعدايلارعا جولىققاندا سول جەردەگى قىزمەتكەرلەردىڭ جول كورسەتۋى مەن جەتەكشىلىك ەتۋىنە بويسۇنۋى قاجەت. دالادا ساياحاتتاعاندا ءورت اپاتىنىڭ تۋىلۋىنان ساقتانۋى قاجەت.
مۇنان سىرت، ساياحاتشىلاردىڭ جوعارى بيىكتىكتەگى ويىندار، جوعارى قارقىندى ويىندار، سۋ ۇستىندەگى ويىندار، سۋعا سۇڭگۋ، جاھانگەزدىك قاتارلى اسا حاۋىپتى ساياحات تۇرلەرىنە قاتىناسۋدان اباي بولۋى، ءوزىنىڭ جاسىنا، دەنساۋلىق جاعدايىنا قاراي شاما - شارقىنشا ساياحاتتاۋى قاجەت. حاۋىپسىزدىككە قاتىستى بەلگىلەمەلەردى الدىن الا ۇعىسۋى، وعان سانالىلىقپەن بويسۇنۋى، كاسىپتىك قىزمەتكەرلەردىڭ جەتەكشىلىك ەتۋى مەن جول كورسەتۋىنە بويسۇنۋى، ءوزىنىڭ جانە باسقالاردىڭ حاۋىپسىزدىگىنە قاتەر توندىرەتىن ارەكەتتەردى ىستەۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
