قازىنا مينيسترلىگى مەن شۇعىل جاعدايلارعا توتەپ بەرۋدى باسقارۋ مينيسترلىگى تاعى دا 400 ميلليون يۋان قارجى ءبولىپ، گانسۋ ولكەسى مەن چيڭحاي ولكەسىندەگى جەر سىلكىنىسى اپاتىنان قۇتقارۋ قىزمەتىنە قولداۋ كورسەتتى
2023.12.27 15:15 كەلۋ قاينارى : حالىق تورابى
12 - ايدىڭ 25 - كۇنى، قازىنا مينيسترلىگى مەن شۇعىل جاعدايلارعا توتەپ بەرۋدى باسقارۋ مينيسترلىگى ورتالىقتىڭ جاراتىلىستىق اپاتتاردان قۇتقارۋ قاراجاتىنان 400 ميلليون يۋان قاراجاتتى تاعى دا ءبولىپ، گانسۋ ولكەسى مەن چيڭحاي ولكەسىنىڭ جەر سىلكىنىسى اپاتىنان قۇتقارۋ قىزمەتىنە قولداۋ كورسەتتى، بۇل قاراجاتتى اپاتقا ۇشىراعان بۇقاراعا شۇعىل جاعدايدا كومەكتەسۋ، وتپەلى مەزگىلدەگى كوشىرىپ ورنالاستىرۋ، قازا بولعانداردىڭ وتباسىنا قامقورلىق جاساۋ، قۇلاعان جانە بۇلىنگەن تۇرعىن ۇيلەردى قالپىنا كەلتىرۋ جانە قايتادان سالۋ قاتارلى ىستەرگە پايدالانىپ، اپاتقا ۇشىراعان بۇقارانىڭ تۇرمىسىن ۇيلەسىمدى ورنالاستىرۋعا، ولاردىڭ تۇراتىن ورنى بولۋىنا، ىستىق تاماق ىشە الۋىنا، سۋىقتا توڭباۋىنا، اپاتقا ۇشىراعان وڭىردەگى ءوندىرىس پەن تۇرمىس ءتارتىبىنىڭ تەزىرەك قالپىنا كەلۋىنە شىنايى كەپىلدىك ەتەدى.
قازىنا مينيسترلىگى ەكى ولكەدەگى قازىنا مەڭگەرمەلەرىنەن قاراجاتتى اپات تۋىلعان وڭىرگە تەزىرەك ءبولۋدى، قاراجاتتى باقىلاۋ - باسقارۋدى شىنايى كۇشەيتۋدى، قاراجاتتىڭ ونىمدىلىگىن شىنايى ساۋلەلەندىرىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن ءبىرىنشى ورىنعا قويۋدى تالاپ ەتتى.
وسىنىڭ الدىندا، قازىنا مينيسترلىگى قاتىستى تاراۋلارمەن بىرگە گانسۋ، چيڭحاي ەكى ولكەدەگى جەر سىلكىنىسى تۋىلعان وڭىرلەرگە اپاتتان قۇتقارۋ كومەك قاراجاتىنان 700 ميلليون يۋان قاراجات بولگەن، وعان وسى رەت بولىنەتىن 400 ميلليون يۋان قاراجاتتى قوسقاندا، ەكى ولكەگە جيىنى ءبىر ميلليارد 100 ميلليون يۋان قاراجات بولىنگەن، مۇندا، گانسۋ ولكەسىنە 845 ميلليون يۋان، چيڭحاي ولكەسىنە 255 ميلليون يۋان قاراجات بولىنگەن. (باس ستانسيا ورتالىق تەلەۆيزيا ءتىلشىسى ۋاڭ نان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
