2024 - جىلعى جاڭا جىل مەرەكەسىنىڭ 3 كۇندىك دەمالىسىندا شاعىن تيپتى جولاۋشىلار اۆتوموبيلىنەن قاتىناۋ اقىسىن الاتىن تاس جولداردا قاتىناۋ اقىسى ادەتتەگىدەي الىنادى
2023.12.27 15:32 كەلۋ قاينارى : حالىق تورابى
12 - ايدىڭ 26 - كۇنى، قاتىناس - تاسىمال مينيسترلىگى «2024 - جىلعى جاڭا جىل مەرەكەسىنىڭ دەمالىسىندا ەلىمىز بويىنشا تاس جولداردا ءجۇرىس - تۇرىسقا قىزمەت وتەۋ باعدارناماسىن» جاريالادى، 2024 - جىلعى جاڭا جىل مەرەكەسىندەگى 3 كۇندىك دەمالىستا، شاعىن جولاۋشىلار اۆتوموبيلدەرى قاتىناعاندا اقى الاتىن تاس جولدار قاتىناۋ اقىسىن ادەتتەگىدەي الادى. مەجەمەن ەلىمىز بويىنشا تاس جولدارداعى قاتىناس جاعدايىندا ءۇش ءتۇرلى ەرەكشەلىك بايقالادى.
01
مەرەكەلىك دەمالىس مەزگىلىندە ەلىمىز بويىنشا جوعارى قارقىندى تاس جولدارداعى اۆتوموبيل سانى سايكەستى مەزگىلدەگىمەن سالىستىرعاندا كورنەكتى ارتادى
مەجەمەن 2024 - جىلعى جاڭا جىل مەرەكەسى مەزگىلىندە، ەلىمىز بويىنشا جوعارى قارقىندى تاس جولدارداعى اۆتوموبيل سانى سايكەستى مەزگىلدەگىمەن سالىستىرعاندا كورنەكتى ارتادى، جوعارى قارقىندى تاس جولدارداعى اۆتوموبيل سانى كۇنىنە ورتا ەسەپپەن شامامەن 35 ميلليون 300 مىڭ اۆتوموبيل بولىپ، ادەتتەگى كۇندەردەگىمەن سالىستىرعاندا شامەمەن %9 ارتادى. جاي تاس جولدارداعى بىرلىك ۋاقىتتاعى بەلگىلى ارالىقتاعى اۆتوموبيل سانى سالىستىرمالى تۇردە ءبىرشاما قالىپتى بولادى، كورنەكتى تۇردە كۇرت ارتۋ جاعدايى بولمايدى.
02
مەرەكەلىك دەمالىستان ءبىر كۇن بۇرىن قاتىنايتىن اۆتوموبيل سانى ەڭ جوعارى شەككە جەتەدى
مەرەكەلىك دەمالىستا ساپارعا شىعۋ جاعىندا دەمالىس باستالعاندا جانە اياقتالعاندا اۆتوموبيل سانى كوپ بولۋ، دەمالىس بارىسىندا اۆتوموبيل سانى ازايۋ جاعدايى جارىققا شىعادى، مەرەكەلىك دەمالىستان ءبىر كۇن بۇرىن قاتىنايتىن اۆتوموبيل سانى ەڭ جوعارى شەككە جەتەدى، قايتۋ ءۇردىسى مەرەكەلىك دەمالىستىڭ ەڭ سوڭعى كۇنىنە شوعىرلانادى. شامامەن مەرەكەلىك دەمالىستان ءبىر كۇن بۇرىن، 12 - ايدىڭ 29 - كۇنى ساعات 15 تەن باستاپ، تاس جولداردا قاتىنايتىن اۆتوموبيل سانى ارتا باستايدى، ساعات 18 دەن 20 عا دەيىن شاعىن بەلەسكە جەتەدى؛ دەمالىستىڭ العاشقى كۇنى، 12 - ايدىڭ 30 -كۇنى تۇستەن بۇرىن ساعات 9 دان 12 گە دەيىن، ءجۇرىس - تۇرىستىڭ ەكىنشى رەتكى شاعىن بەلەسى جارىققا شىعادى؛ ەكىنشى كۇنى اۆتوموبيل سانىندا ازداپ كەمەيۋ بايقالادى؛ ەڭ سوڭعى كۇنى، 2024 - جىلى 1 - ايدىڭ 1 - كۇنى كەرى قايتاتىن اۆتوموبيلدەر سانى شامامەن ءبىرشاما جوعارى ورىندا بولادى، ساعات 16 دان 19 عا دەيىنگى ارالىقتا كەرى قايتۋدىڭ جوعارى شەگى بايقالادى؛ دەمالىس اياقتاعان سوڭ، تاس جولداعى اۆتوموبيل مولشەرى تەز ارادا كۇندەلىكتى ورەگە قايتىپ ورالادى.
03
دەمالىس مەزگىلىندە اۆتوموبيلمەن ورتاشا، قىسقا ارالىقتى ساپارلاۋ باستى ورىندا بولادى
دەمالىستاعى كۇن سانى، قىس مەزگىلىندەگى اۋا رايى قاتارلى فاكتورلاردىڭ ىقپالىنا ۇشىرايتىندىقتان، جاڭا جىل دەمالىسى مەزگىلىندە اۆتوموبيلمەن تۋىس - تۋعان، دوس - جاراندارعا امانداسا بارۋ، ولكە كولەمىندە ساياحاتقا شىعۋ سىندى ورتاشا، قىسقا ارالىققا اۆتوموبيلمەن ساپارلاۋ باستى ورىندا بولادى، شاعىن اۆتوموبيلدەردىڭ سانى ادەتتەگىمەن سالىستىرعاندا از مولشەردە ارتادى، ءىرى، ورتاشا قالالاردىڭ ماڭىنداعى تاس جولداردا اۆتوموبيل سانى جوعارى شەككە جەتكەن كەزدە قىسقا ۋاقىتتىق كەپتەلىس، باياۋلاۋ جاعدايى جارىققا شىعادى، بەيجيڭ - تيانجين - حىبەي، چاڭجياڭ اتىراۋى، گۋاڭدۇڭ - شياڭگاڭ - اۋمىن ۇلكەن شىعاناق رايونى قاتارلى وڭىرلەردە مۇنداي جاعداي ءبىرشاما شوعىرلى بايقالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
