ورتالىق راديو - تەلەۆيزيا باس ستانسياسى 2024 - جىلعى كوكتەم مەرەكەسىنە ارنالعان ساۋىق كەشتىڭ قوسىمشا ساۋىق كەش ورىندارىن جاريالادى
2024.01.05 14:56 كەلۋ قاينارى : حالىق تورابى
حالىق گازەتىنىڭ ءتىلشىسى ليۋ ياڭ 1 - ايدىڭ 4 - كۇنى بەيجيڭنەن حابارلايدى. 1 - ايدىڭ 4 - كۇنى، ورتالىق راديو - تەلەۆيزيا باس ستانسياسى 2024 - جىلعى كوكتەم مەرەكەسىنە ارنالعان ساۋىق كەشتىڭ قوسىمشا ساۋىق كەش ورىندارىن جاريالادى. لياۋنيڭنىڭ شىنياڭ قالاسى، حۋناننىڭ چاڭشا قالاسى، شانشيدىڭ شى - ان قالاسى، شينجياڭنىڭ قاشقار قالاسى بەيجيڭ قالاسىنداعى نەگىزگى ساۋىق كەش ورنىمەن بىرگە، ەسكىشە جىلدىڭ سوڭعى كەشىندە دۇنيە جۇزىندەگى حۋارىندارعا شىن ىقىلاسقا تولى، قىزۋ مەرەيلى ۇلۋ جىلعى كوكتەم مەرەكەسىنىڭ ساۋىق كەشىن ارنايدى.
ۇعىسۋعا قاراعاندا، باس ستانسيانىڭ 2024 - جىلعى كوكتەم مەرەكەسىنە ارنالعان ساۋىق كەشى ”1 + 4“ فورماسىن قولدانادى، ءبىر نەگىزگى ساۋىق كەش ورنى مەن 4 قوسىمشا ساۋىق كەش ورنىنان قۇرالىپ، جالپى جاقتان ءبىرتۇتاس جوبالاۋ، كوركەمونەرلىك تۇرعىدان بەينەلەۋ، شەبەرلىكپەن كورسەتۋ ارقىلى قوسىمشا ساۋىق كەش ورىندارىنداعى ويىن نومىرلەرى مەن نەگىزگى ساۋىق كەش ورنىنداعى نومىرلەردى ءبىر تۇلعالاندىرىپ، مازمۇنىن توعىستىرىپ، جەر - جەردىڭ باي مازمۇندى سالت - سانا مادەنيەتىن كورسەتىپ، جاڭا داۋىردەگى الۋان ءتۇرلى جاڭا رايدى ايگىلەيدى. كوكتەم مەرەكەسى ساۋىق كەشىن دايىنداۋ گرۋپپاسى ءارقايسى قوسىمشا ساۋىق كەش ورنىنداعى وزىندىك تاريحي مادەنيەت وزگەشەلىگى مەن وڭىرلىك ەرەكشەلىكتەردى ىشكەرىلەي كادەگە جاراتىپ، نەگىزگى جانە قوسىمشا ساۋىق كەش الاڭدارىنىڭ سايكەسە جۇرگىزۋ باسىمدىلىعىن تولىق ساۋلەلەندىرىپ، الۋان تۇرلىلەنگەن كوركەمونەر فورمالارى ارقىلى كوكتەم مەرەكەسى مەزگىلىندەگى جەر - جەردەگى مەرەيلى ساتتەردى كورسەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
