شينجياڭ اۋىل شارۋاشىلىعى، مال شارۋاشىلىعى توبى قۇنى 400 مىڭ يۋاننان اساتىن ءسۇت ونىمدەرى مەن ۇندى گانسۋدەگى جەر سىلكىنىسى اپاتى تۋىلعان جەرگە جونەلتتى
2023.12.28 13:17 كەلۋ قاينارى : حالىق تورابى
سۋرەتتە: 12 - ايدىڭ 25 - كۇنى، شييۇيچۇن ءسۇت ونىمدەرى سەرىكتەستىگى قۇنى 300 مىڭ يۋاننان اساتىن 5500 دانا ساپالى ءسۇت ءونىمىن اۆتوموبيلگە تيەپ، گانسۋدەگى جەر سىلكىنىسى تۋىلعان وڭىرگە جونەلتتى. لي جيڭ فوتوسى
انار بۇلت \ شينجياڭ گازەتىنىڭ ءتىلشىسى شى شين حابارلايدى. جۋىردا، شينجياڭ اۋىل شارۋاشىلىعى، مال شارۋاشىلىعى قارجىلاندىرۋ (توبى) شەكتى جاۋاپكەرشىلىك سەرىكتەستىگى شۇعىل دايىنداعان قۇنى 400 مىڭ يۋاننان اساتىن ساپالى ءسۇت ونىمدەرى مەن ۇن شينجياڭنان ىلگەرىندى - كەيىندى گانسۋدەگى جەر سىلكىنىسى اپاتى تۋىلعان جەرگە جونەلتىلدى.
12 - ايدىڭ 18 - كۇنى گانسۋ ولكەسى لينشيا حۇيزۋ اۆتونوميالى وبلىسى جيشىشان باۋ - ان ۇلتى، دۇڭشياڭ ۇلتى اۆتونوميالى اۋدانىندا 6.2 بال جەر سىلكىندى. جەر سىلكىنىسى اپاتى تۋىلعان سوڭ، شينجياڭ اۋىل شارۋاشىلىعى، مال شارۋاشىلىعى قارجىلاندىرۋ توبى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ ۇندەۋىنە بەلسەندى ءۇن قوسىپ، جەر سىلكىنىسى اپاتىنان قۇتقارۋ قىزمەتى جونىندە دەرەۋ ورنالاستىرۋ جاساپ، ”ءبىر جەر قيىنشىلىققا ۇشىراسا، جان - جاقتان كومەكتەسۋ“ رۋحىن ساۋلەلەندىرىپ، ”اپات تۋىلعان وڭىرگە مەيىرىمدىلىكپەن جىلۋ اتاۋ“ قيمىلىن ورىستەتتى.
شييۇيچۇن ءسۇت ونىمدەرى سەرىكتەستىگى قۇنى 300 مىڭ يۋاننان اساتىن 5500 دانا ساپالى ءسۇت ءونىمىن شۇعىل جوتكەدى. اتالعان سەرىكتەستىكتىڭ سەحتاعى گرۋپپا باستىعى چىن حۇڭمەي: ”جەر سىلكىنىسى اپاتى تۋىلعانىن ەستىگەن سوڭ، مەن جانە قىزمەتتەستەرىم ۇستەمە جۇمىس ىستەپ، ءسۇت ونىمدەرىن جەدەل وندىردىك، اپاتقا ۇشىراعان بۇقارانىڭ قولىنا تەزىرەك تيسە ەكەن، كوپشىلىككە ازداپ زات جەتكىزىپ بەرۋ ارقىلى ىقىلاسىمىزدى بىلدىرسەك دەگەن ۇمىتتەمىز“، — دەدى.
12 - ايدىڭ 26 - كۇنى، شينجياڭ شينلياڭ حۋاماي ۇن ءوندىرۋ شەكتى سەرىكتەستىگى (تومەندە قىسقارتىلىپ ”شينلياڭ حۋاماي سەرىكتەستىگى“ دەپ اتالادى) اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومى مەن شينجياڭ اۋىل شارۋاشىلىعى، مال شارۋاشىلىعى قارجىلاندىرۋ توبى پارتكومىنىڭ ۇندەۋىنە بەلسەندى ءۇن قوسىپ، قۇنى 130 مىڭ يۋان كەلەتىن 300 توننادان استام ساپالى ۇندى جوتكەۋ ارقىلى ىقىلاسپەن كومەك كورسەتتى. بۇل توپتاعى ۇن جيشىشانداعى قايىر - ساحابات قۇرىلىمدارى ارقىلى اپات تۋىلعان وڭىرگە جەتكىزىلىپ، اپاتقا ۇشىراعان بۇقارانىڭ دەر كەزىندە كومەككە يە بولۋىنا كەپىلدىك ەتەتىن بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
