مەملەكەتتىك جۇمىسشىلار ۇيىمىنىڭ جۇمىسشى - قىزمەتكەرلەرگە قىزمەت وتەۋ 12351 ىركىلىسسىز لەنياسى بۇكىلدەي سالىنىپ بولىپ، ىسكە قوسىلدى

2024.01.02 14:59 كەلۋ قاينارى : حالىق تورابى

　　گۋاڭميڭ گازەتىنىڭ ءتىلشىسى رىن حۋان 12 - ايدىڭ 29 - كۇنى بەيجيڭنەن حابارلايدى. جۇڭحۋا مەملەكەتتىك باس جۇمىسشىلار ۇيىمى 12 - ايدىڭ 29 - كۇنى سالت وتكىزىپ، مەملەكەتتىك جۇمىسشىلار ۇيىمىنىڭ جۇمىسشى - قىزمەتكەرلەرگە قىزمەت وتەۋ 12351 ىركىلىسسىز لەنياسىنىڭ بۇكىلدەي سالىنىپ بولىپ، ىسكە قوسىلعانىن جاريالادى.

　　ۇعىسۋعا قاراعاندا، مەملەكەتتىك جۇمىسشىلار ۇيىمىنىڭ جۇمىسشى - قىزمەتكەرلەرگە قىزمەت وتەۋ 12351 ىركىلىسسىز لەنياسى بۇكىل ەلىمىز كولەمىندەگى جۇمىسشى - قىزمەتكەرلەردىڭ ۇقىعىن قورعاۋىنا قاتىستى كەلگەن تەلەفوندى ”7 كۇن بويى 24 ساعات“ قابىلداپ، ولاردىڭ قاجەتىنە ساي قىزمەت وتەيدى. 2023 - جىلى 9 - ايدىڭ 27 - كۇنى، مەملەكەتتىك باس جۇمىسشىلار ۇيىمىنىڭ ءوز دارەجەسىندەگى 12351 ىركىلىسسىز لەنياسى ينتەرنەتكە قوسىلىپ، سىناق رەتىندە جۇمىس جۇرگىزگەن بولاتىن. 3 ايدان استام ۋاقىتتان بەرى، مەملەكەتتىك باس جۇمىسشىلار ۇيىمىنىڭ ءوز دارەجەسىندەگى ىركىلىسسىز لەنيا جۇمىسشى - قىزمەتكەرلەردەن كەلگەن 30000 نان استام تەلەفوندى قابىلداعان، كۇنىنە ورتا ەسەپپەن شامامەن 350 ادامعا (رەت) قىزمەت وتەگەن، ىركىلىسسىز لەنيا قىزمەت تالونىنان 991 تالوندى تىركەپ، 892 تالونعا قاتىستى جۇمىستى ورىنداپ بولىپ، كوپ مولشەردەگى جۇمىسشى - قىزمەتكەرلەردىڭ شۇعىل، كۇردەلى، ۋايىمداتقان، زارىقتىرعان ماسەلەلەرىن شەشىم ەتۋدى جەدەلدەتكەن.

　　كەلەسى قادامدا، ءار دارەجەلى جۇمىسشىلار ۇيىمى جۇمىسشى - قىزمەتكەرلەرگە قىزمەت وتەۋ 12351 ىركىلىسسىز لەنياسىن ۇزدىكسىز جاقسارتىپ، ۇزدىكسىز كەمەلدەندىرىپ، 12351 ىركىلىسسىز لەنياسىن جاڭا داۋىردەگى جۇمىسشىلار ۇيىمىنىڭ جۇمىسشى - قىزمەتكەرلەردىڭ شۇعىل، كۇردەلى ماسەلەلەرىن دەر كەزىندە، جوعارى ونىمدىلىكپەن شەشىم ەتەتىن شىن مانىندەگى ماڭىزدى ارناسى ءارى تاماشا ماركاسى ەتىپ جاراتۋعا قۇلشىنادى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved