دۇرىس كوزدەگەن سوڭ مىقتى يگەرىپ ىستەۋ كەرەك
− 2024 - جىلعى تۇڭعىش قىزمەت كۇنىندە كورگەن - بىلگەنىمىز
«حالىق گازەتىنىڭ» تىلشىلەرى
2024.01.03 21:18 كەلۋ قاينارى : حالىق تورابى
2024 - جىل − جاڭا جۇڭگو قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل. 1 - ايدىڭ 2 - كۇنى، ياعني جاڭا جىلدىڭ العاشقى قىزمەت كۇنىندە جۇڭگونىڭ بايتاق دالاسىنىڭ بارلىق جەرىنەن قۇلشىنا ورگە ۇمتىلۋ اۋقىمىن، كۇرەس جۇرگىزۋ بەينەسىن اڭعاردىق.
”ساپالى دامۋدا، ءسوز جوق، تاباندى بولۋدى جاڭا داۋىردەگى بۇلجىماس قاعيدا ەتۋ كەرەك“. قالىڭ كادرلار مەن بۇقارا ورتالىقتىڭ ەكونوميكالىق قىزمەت ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، بارلىق ءتيىمدى ورايدى مىقتى يگەرىپ، بارلىق ءتيىمدى شارت - جاعدايدان پايدالانىپ، دۇرىس كوزدەگەن سوڭ مىقتى يگەرىپ ىستەپ، مۇمكىندىگىنشە كوبىرەك ىستەپ، دامۋدىڭ ومىرشەڭدىك كۇشىن تاسقىنداتۋدى ىلگەرىلەتتى.
ساپالى دامۋدى كوزدەدى
جاڭا ەنەرگيالى اۆتوموبيل، ليتي باتەرياسى، فوتوۆولتتىق ونىمدەر سىندى ”جاڭا ءۇش ۇلگىنىڭ“ ەڭسە كوتەرۋى جاڭا داۋىردەگى جۇڭگو ەكونوميكاسىنىڭ ساپالى دامۋىنىڭ جاڭا قوزعاۋشى كۇشىنە اينالدى.
ءار 53 سەكۋندتا ءبىر جاڭا ەنەرگيالى اۆتوموبيل ءوندىرىس جەلىسىنەن شىعادى!
1 - ايدىڭ 2 - كۇنى ءتىلشى گۋاڭدۇڭنىڭ گۋاڭجوۋ قالاسى پانيۇي رايونىنداعى گۋاڭجوۋ اۆتوموبيلى اي - ان زەردەلى ەكولوگيالىق زاۆودىنىڭ باس قۇراستىرۋ سەحىنا بارعاندا، ونەركاسىپ قۇلتەمىرىنىڭ ونەركاسىپ جۇمىسشىلارىمەن سەلبەسىپ جۇمىس ىستەپ جاتقانىن، جۇمىس الاڭىنىڭ قىزۋ مەرەيگە شومعانىن كوردى.
”جارتى جىلدان استام ۋاقىت بۇرىن، ءبىر اۆتوموبيلدى جاساپ بولۋ ءۇشىن 60 سەكۋند قاجەت ەدى“. باس قۇراستىرۋ سەحىنىڭ جوعارى دارەجەلى ديرەكتورى جاڭ زىچۋ بىلاي دەدى: ”قىسقارعان وسى 7 سەكۋندقا نەمقۇرايدى قاراماڭىز، ءبىز 220 جۇمىس ورنىنىڭ، 460 جۇمىسشىنىڭ قىزمەت مازمۇنىن رەتتەپ، ساپالىلاندىرىپ، ناقتى ۋاقىتتاعى زەردەلى كومەكشى جۇيەنى جوبالاپ جانە قولدانىپ، سانداعان نازىك بۋىننان ونىمدىلىككە قول جەتكىزىپ وتىرمىز“.
”مەملەكەت ساپالى دامۋدى كوزدەدى، ءبىزدىڭ جاڭا ەنەرگيالى اۆتوموبيل كاسىپورنىمىز جونىنەن العاندا، ءوندىرىستىڭ اناعۇرلىم جوعارى ءونىمدى بولۋىن، تەحنيكانىڭ ۇزدىكسىز جوعارىلاۋىن جۇزەگە اسىرىپ، جۇڭگونىڭ جاساۋ كاسىبىنە تىڭ كورىك قوسۋىمىز كەرەك“ دەدى جاڭ زىچۋ.
باس الماي ءوز ءىسىن جاقسى ىستەۋ
جاڭا جىلدىڭ العاشقى قىزمەت كۇنىندە جەر - جەردەگى عىلىم - تەحنيكا قىزمەتكەرلەرى قيىن ماسەلەلەردەن قامال الىپ، شىڭعا شىعىپ، عىلىم - تەحنيكادا جاڭالىق اشۋدىڭ كاسىپ سالاسىندا جاڭالىق اشۋعا جەتەكشىلىك ەتۋدەگى تاسقىنداعان قوزعاۋشى كۇشىن جارىققا شىعارۋعا دەم بەردى.
دايىندالعان كۆانتتىق نۇكتە جۇقا پەردەلى كريستال لامپا چيپىن تومەن تەمپەراتۋرالى بارلاۋ ينەسى تۇعىرىنا قويىپ، تەمپەراتۋرا، كەرنەۋ سياقتى پارامەترلەردى بەلگىلەپ، ازوت قوس توتىعى گازىن قۇيادى، ءبىرقىدىرۋ زاڭدىلىققا يە تولقىن ءپىشىندى ساندى مالىمەتتەر ەكراندا تەز ارادا كورسەتىلەدى... ورتا جۇڭگو عىلىم - تەحنيكا داشۋەسىنىڭ كۆانتتىق جاساندى ءيىس تۇيسىگى عىلىمىنىڭ الدىڭعى لەگىندەگى جاستار توبى تاجىريبەحاناسىندا عىلمي زەرتتەۋ قىزمەتكەرلەرى ءتۇرلى تاجىريبە جۇمىستارى مەن ساندى مالىمەتتەردى ەستەلىككە الۋدا.
”جوعارى يقۋاتتى زەردەلى گاز سەنزورى جىلىجاي گازىن تەكسەرۋ، جۇمىس ءتارتىبى ونەركاسىپ حاۋىپسىزدىگى، زەردەلى ەمدەۋ سياقتى سالالاردا كەڭىنەن قولدانىلىپ، ءار ەلدىڭ عىلىم - تەحنيكا باسەكەسىنىڭ جاڭا جارىس جولىنا اينالدى“. ورتا جۇڭگو عىلىم - تەحنيكا داشۋەسى ينتەگرالدى تىزبەك شۋەيۋانىنىڭ پروفەسسورى ليۋ حۋان بىلاي دەدى: ”جاڭا ءبىر جىلدا توبىمىز زەردەلى گاز سەنزورى چيپى مەن ميكرو جۇيەنىڭ شەشۋشى تەحنيكاسىنان ۇزدىكسىز قامال الادى. ءبىز سابىرلىلىقپەن، بار كۇشىمىزبەن ءوز ءىسىمىزدى جاقسى ىستەيمىز“.
”مىڭ جىلدىق ۇلى جوسپار“ ۇزاق ۋاقىت ۇلەس قوسۋدى قاجەت ەتەدى
ءتوراعا شي جينپيڭ 224 - جىلعى جاڭا جىلدى قۇتتىقتاۋ سوزىندە ”شيۇڭ - ان جاڭا رايونىندا نەگىز قالانىپ، دامۋ اياق الىسى جەدەلدەدى“ دەپ اتاپ كورسەتتى، بۇل شيۇڭ - ان جاڭا رايونىنداعى كادرلار مەن بۇقارانى ايرىقشا جەلپىندىردى.
اق قارمەن قىمتالعان، اۋماعى 9 مىڭ 800 مۋ كەلەتىن شيۇڭ - ان جاڭا رايونىنىڭ ”مىڭ جىلدىق كوركەم ورمانى“ داچيڭحى ورمانىندا ماي قاراعايلار جاپ - جاسىل بولىپ، قاراعاشتار بوي سوزىپ تۇر. 1 - ايدىڭ 2 - كۇنى تاڭەرتەڭ ساعات 8 دەن اسقاندا، ءتىلشى داچيڭحى ورمانى 1 - رايونىنداعى 20 نەشە ورمان قورعاۋشىنىڭ قاربالاس ىستەپ جاتقانىن كوردى. ”قىستا ورمان قورعاۋ قىزمەتى ەگجەي - تەگجەيلى، تىڭعىلىقتى ىستەلگەندە عانا، كوكتەمدە اعاشتاردىڭ ءوسۋى ءتىپتى دە جاقسى بولادى“ دەدى شيۇڭ - ان توبى ەكولوگيالىق قۇرىلىسقا قارجى قوسۋ سەرىكتەستىگى باس ديرەكتورىنىڭ ورىنباسارى شۇي چىڭلي.
شيۇڭ - ان جاڭا رايونى قۇرىلىسىن جوعارى ولشەممەن، جوعارى ساپامەن ىلگەرىلەتۋدە ءارى ”مىڭ جىلدىق ۇلى جوسپاردىڭ“ تۇراقتىلىعىن ساقتاۋ، ءارى ۋاقىتپەن جارىسىپ، نىق قاداممەن العا باسۋ جىگەرىن تاسقىنداتۋ كەرەك.
شيۇڭ - ان جاڭا رايونى قۇرىلعان العاشقى ەكى جىلدا جوبا قايتا - قايتا وڭدەلىپ، تىڭعىلىقتى ىستەلدى. جوبا جاسالعاننان كەيىن جاڭا رايوننىڭ بەت - بەينەسى كۇن سايىن جاڭالانىپ، بارلىق جەردەن ”بولاشاق قالانىڭ“ پارمەندى دامۋ اياق الىسى اڭعارىلدى. 1 - ايدىڭ 2 - كۇنى ءتىلشى ”شيۇڭ - ان كوزى“ دەپ اتالعان شيۇڭ - ان قالا ەسەپتەۋ ورتالىعىنىڭ كۇمبەزشە شىعىس بەتى مەن كولدەن كورىنەتىن ساعىمىنىڭ ءوزارا توعىسقانىن؛ تۇتاس لەنيادا اۆتوكولىك ەندى عانا قاتىناعان بەيجيڭ - شيۇڭ - ان جوعارى قارقىندىق تاس جولىندا اۆتوكولىكتەر توقتاۋسىز اعىلىپ جاتقانىن؛ بەيجيڭ 4 - ورتا مەكتەبىنىڭ شيۇڭ - ان مەكتەپ رايونى، شيۇڭ - ان شىجيا حۋتۇڭ باستاۋىش مەكتەبى سىندى 2 مەكتەپكە بارعاندا، كلاستان كىتاپ وقىعان داۋىستاردىڭ ەستىلىپ جاتقانىن بايقادى...
حالىقتىڭ مۇڭ - مۇقتاجىن شەشىپ، جۇرەكتەرگە مەيىر باعىشتادى
”ءبىزدىڭ نىسانامىز وتە ايبىندى ءارى وتە قاراپايىم، سايىپ كەلگەندە، بۇقارانى ءتىپتى دە جاقسى تۇرمىسقا كەنەلتۋ بولىپ تابىلادى“. اۋىل - قىستاقتان قالاعا دەيىن، جەر - جەر حالىق تۇرمىسىن كۇش سالا قامتاماسىز ەتىپ جانە جاقسارتىپ، حالىقتىڭ مۇڭ - مۇقتاجىن بار ىنتا - پەيىلىمەن شەشىپ، جۇرت جۇرەگىن جىلىتتى.
1 - ايدىڭ 2 - كۇنى تاڭەرتەڭ گانسۋ ولكەسى لينشيا وبلىسى جيشىشان اۋدانى شىيۋان قالاشىعى چينيىن قىستاعىندا تۇراتىن ءبىرىنشى شۋجي ليۋ يۇڭدۇڭ قاربالاستىققا ءتۇستى. جەر سىلكىنىسىنىڭ ىقپالىنان قورا قۇلاپ، قىستاق تۇرعىندارىنىڭ قولدا بار سيىر، قويلارىن شۇعىل ساتۋعا تۋرا كەلدى. ”كۇن سۋىقتا سيىر، قوي وڭاي ازادى، قانشالىق ەرتە ساتىلسا، اۋىلداستار سونشالىق الاڭسىز بولادى“.
ليۋ يۇڭدۇڭ ساتىپ الۋشى ساۋداگەردى قىستاق تۇرعىندارىنىڭ ۇيىنە شاقىرىپ، ساتۋ جولىن تاۋىپ، باعاعا كەلىسەدى. ”قازىر ءبىز اۋىلداستارعا كومەكتەسىپ 300 قوي، 10 نەشە سيىر ساتىپ بەردىك، كوپشىلىك تاعى دا كۇش سالدى، قىستاق تۇرعىندارىنىڭ ءبىر جىلدىق جاپالى ەڭبەگىن تەككە كەتىرە المايمىز“.
حالىق تۇرمىسىندا كىشى - گىرىم ءىس جوق، دەن قويا ىستەۋ، ونان دا ماڭىزدىسى، مىقتى يگەرۋ كەرەك. جاڭا جىلدا قىزمەتكە شىققان ءبىرىنشى كۇنى شاڭحاي قالاسىنىڭ ورتالىعىنداعى كولەمى ەڭ ۇلكەن تۇرعىندار شاعىن رايونىن شاعۋ، قايتا سالۋ نىسانى − فانگۋانۇڭ شاعىن رايونىنىڭ كونە ۇيلەرىن جاڭالاۋ جۇمىس ورنىندا ماشينا گۇرىلدەۋدە.
وسى كۇنى فانگۋانۇڭ شاعىن رايونىنداعى كونە ۇيلەردى جاڭالاۋ نىسانىنىڭ جاۋاپتىسى ۋ چاۋدىڭ جۇمىسى ءونىمدى بولدى − الدىمەن جاقىن ماڭداعى الاڭدى سايكەستىرۋگە بارىپ، ”الاڭعا كىرمەكشى بولعان 100 دەن استام جۇمىسشىنىڭ ۋاقىتتىق تۇراعىن سالىپ بولدى، جۇمىس ۋاقىتى ءبىر ءسات تە كەشىكپەدى“؛ ىلە - شالا جۇمىس ورنىنىڭ وڭتۇستىك جاعىنداعى تيانمۋ باتىس جولى ساقشى بولىمشەسىنە باردى، ”فانگۋانۇڭ شاعىن رايونىنداعى جاڭادان سالىنعان جەر استى اۆتوكولىك قويماسىنىڭ كىرەر اۋزى ساقشى بولىمشەسىنە جاقىن، كىرەر اۋىزدى كەڭەيتۋ ءۇشىن كەڭەسۋگە تۋرا كەلەدى“؛ ونان سوڭ جيڭ - ان رايوندىق جوبا - بايلىق مەكەمەسىنە باردى، ”جيڭ - ان رايونى جاسىل ارنا اشىپ، سايكەستى نىسانداردى تەكسەرىپ بەكىتۋدى تەزدەتتى“.
جول بويى قاربالاستىققا تۇسكەن ۋ چاۋ: ”ءبىز فانگۋانۇڭ تۇرعىندارىمەن 3 جارىم جىلدىق جۇمىس مەرزىمىنە كەلىستىك، ءسوز جوق، قارقىندى تەزدەتىپ، ساپاعا كەپىلدىك ەتۋىمىز كەرەك، دامىلداپ، باياۋلاۋعا بولمايدى“ دەدى.
ارىزدى تاپسىرىپ العان سوڭ دەرەۋ ءبىتىرىپ، ءاربىر دەلوعا جاۋاپ قايتارىپ تۇردى
جاڭا جىل باستالىسىمەن جەر - جەردەگى پارتيالى كادرلار ستيلگە بۇرىلىس جاساپ، شىنايى يگەرىپ، ناقتى ىستەپ، يگى ىستەردى ويداعىداي ىستەپ، ناقتى ىستەردى شىنايى ىستەپ، قيىن ىستەردى تىڭعىلىقتى ىستەپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتتى.
1 - ايدىڭ 2 - كۇنى تاڭەرتەڭ ساعات 8 دەن 30 مينۋت وتكەندە، ءتىلشى بەيجيڭ قالاسى حايديان رايونى زىجۋيۋان ءمالى باسقارماسى چاڭۋا كوشەسى 3 - اۋلاسىنا كەلدى. چاڭۋا 2 - الەۋمەتتىك اۋماعى پارتكومىنىڭ شۋجيى دۇڭ جيانپيڭ لاس سۋ قۇبىرىن جوندەيتىن 2 جۇمىسشىمەن مەزگىل قاربالاس جۇمىس ىستەپ جاتىر ەكەن، ”جاڭا جىل دەمالىسىندا وسى ىسكە الاڭ بولىپ وتىردىم“ دەدى ول.
”وسى ءىس“ دەپ وتىرعانى بىلتىر 12 - ايدىڭ 29 - كۇنى كەشتە تۇرعىن يىن فىڭرۋ قارتتىڭ ۇيىندەگى لاس سۋ قۇبىرى بىتەلىپ قالعان ەكەن. قارتتىڭ تالابىن تاپسىرىپ العاننان كەيىن، دۇڭ جيانپيڭ سول كۇنى كەشتە ءمالىنىڭ قالا باسقارۋ كەڭسەسىمەن بايلانىس جاساپ، تازارتۋ اۆتوكولىگىن الدىرىپ، ءۇرتىس 2 ساعاتتان استام ۋاقىت تازالاپ، لاس سۋدىڭ قايتا اعۋىن ۋاقىتشا توقتاتتى. الايدا، ”ماسەلەنى تۇبەگەيلى شەشۋ ءۇشىن، ءسوز جوق، توزىعى جەتكەن قۇبىرلاردى اۋىستىرۋ كەرەك“.
جوبا جاسالىپ، مەرەكەدەن كەيىن جۇمىس باستالدى. كونە قۇبىردى كەسۋ، جاڭا قۇبىر اۋىستىرۋ، سۋ جۇرگىزىپ سىناپ كورۋ جۇمىستارى ىستەلدى... تۇسكە تاياعاندا، ينجەنەريا ءساتتى اياقتالدى، دۇڭ جيانپيڭ سوندا عانا ءسال تىنىستاپ: ”بارلىق ىسكە جاۋاپ بەرسەك، بارلىق ءىستى تياناقتاندىرساق، سوندا عانا بۇقارا رازى، الاڭسىز بولادى“ دەدى.
(«حالىق گازەتىنىڭ» تىلشىلەرى شۇي چيڭ، چيان ي - بين، لي گاڭ، چىڭ يۋانجوۋ، فان حاۋتيان، شاۋ يۇيزى، ۋاڭ جينتاۋ، حۋاڭ شياۋحۇي، ۋاڭ حاۋنان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
