جۇڭگو ا ق ش – تى ا ق ش – قا بارىپ وقيتىن وقۋشىلاردى قىسپاققا الۋدى توقتاتۋعا قۋزايدى
2024.01.05 16:08 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 4 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبين 1 – ايدىڭ 4 – كۇنى مىنانى ءبىلدىردى: جۇڭگو ا ق ش ـ تى جۇڭگولىق وقۋشىلاردى قارسى الاتىن پوزيتسياسىن شىنايى تياناقتاندىرىپ، مەملەكەت حاۋىپسىزدىگىن سىلتاۋ ەتىپ، جۇڭگولىق وقۋشىلاردىڭ ا ق ش ـ قا بارىپ وقۋىنا قىسىم جاساپ، شەك قويۋدى توقتاتۋعا، جۇڭگونىڭ ا ق ش - تاعى ماماندارىنىڭ، وقۋشىلارىنىڭ حاۋىپسىزدىگى مەن زاڭدى ۇقىق - مۇددەسىن شىنايى قامتاماسىزداندىرۋعا قۋزايمىز.
سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: حابارعا قاراعاندا، كوپتەگەن جۇڭگولىق وقۋشىلار تاياۋدا ا ق ش – قا بارعان كەزدە ۇزاق ۋاقىت تەكسەرۋگە ۇشىراعان، سونداي – اق قول تەلەفون، كومپيۋتەر سياقتى ەلەكتروندى جابدىقتارىن تەكسەرگەن. كەيبىر وقۋشىلاردىڭ ۆيزاسى كۇشىنەن قالدىرىلعان ءارى 5 جىل ىشىندە ا ق ش - قا كىرۋىنە بولمايتىن بولعان. مالىمدەمەشى بۇعان قانداي باعا بەرەدى؟
ۋاڭ ۋىنبين بىلاي دەدى: ۇزاق ۋاقىتتان بەرى ا ق ش ساياسي ماقساتتى كوزدە ۇستاي وتىرىپ، زاڭدى كۇشكە يە كۋالىكتەرى مەن ۆيزاسى بار جۇڭگونىڭ ا ق ش ـ قا بارىپ وقيتىن وقۋشىلارىنا بەتالدى قىسىم ٴتۇسىرىپ، زيانكەستىككە ۇشىراتىپ، قىمسەتسە ـ اق تەكسەرىپ، قاماۋعا الىپ، زورلاپ مويىنداتقان، ءتىپتى قايتارىپ جىبەرگەن. سوڭعى بىرنەشە ايدان بەرى، ءار ايدا ا ق ش – قا بارعان وقۋشىلاردى قامتىعان نەشە ونداعان جۇڭگولىق ادامداردى زورلىقپەن ەلگە قايتارعان.
”ا ق ش جاقتىڭ ارەكەتى تيپتىك تاڭداۋ سيپاتتى، كەمسىتۋ سيپاتتى، ساياسي سيپاتتى زاڭ اتقارۋ. جۇڭگو بۇعان قاتتى نارازى، باتىل قارسى تۇرادى“دەدى ۋاڭ ۋىنبين.
ۋاڭ ۋىنبين بىلاي دەدى: ا ق ش ءوزىن قۇشاعى اشىق، كەڭ پەيىل جانە عىلىم ەركىندىگى بار دەپ ماقتاعانىمەن، ءبىراق 10043 – ءنومىرلى اكىمشىلىك بۇيرىقتى قاتە بەلگىلەپ جانە جاريالاپ اتقارىپ، مەملەكەت حاۋىپسىزدىگى ۇعىمىنان بەتالدى پايدالانىپ، عىلىمي زەرتتەۋدى ساياسيلاندىرىپ، قارۋ - جاراققا اينالدىرىپ، جۇڭگونىڭ ا ق ش - قا بارعان وقۋشىلارىن قايتا - قايتا تەكسەرىپ، مازالاپ، ەلىنە قايتارىپ، جۇڭگونىڭ شەتەلدە وقىعان وقۋشىلارىنىڭ زاڭدى ۇقىق ـ مۇددەسىنە اۋىر زيان جەتكىزىپ، ەكى ەلدىڭ گۋمانيتارلىق اۋىس ـ كۇيىس ورتاسىن اۋىر دارەجەدە ۋلاپ، ەكى ەل باسشىلارىنىڭ ەكى ەلدىڭ گۋمانيتارلىق اۋىس ـ كۇيىسىن كۇشەيتۋ جانە وعان قولايلىلىق جاساۋ جونىندەگى ورتاق تانىمىنا اۋىر قايشىلىق جاساپ، جۇڭگو ـ ا ق ش ەكى ەل حالقىنىڭ دوستىق اۋىس ـ كۇيىس جاساۋ ورتاق تىلەگىنە قايشى كەلدى.
ۋاڭ ۋىنبين مىنانى ءبىلدىردى: جۇڭگو ا ق ش ـ تى جۇڭگولىق وقۋشىلاردى قارسى الاتىن پوزيتسياسىن شىنايى تياناقتاندىرىپ، قاتە 10043 – ءنومىرلى اكىمشىلىك بۇيرىعىن كۇشىنەن قالدىرىپ، مەملەكەت حاۋىپسىزدىگىن سىلتاۋ ەتىپ، جۇڭگولىق وقۋشىلاردىڭ ا ق ش ـ قا بارىپ وقۋىنا قىسىم جاساۋدى توقتاتۋعا، جۇڭگونىڭ ا ق ش - تاعى ماماندارىنىڭ، وقۋشىلارىنىڭ حاۋىپسىزدىگى مەن زاڭدى ۇقىق - مۇددەسىن شىنايى قامتاماسىزداندىرۋعا، ءىس جۇزىندىك ارەكەتتەرى ارقىلى جۇڭگو مەن ا ق ش ـ تىڭ گۋمانيتارلىق اۋىس ـ كۇيىسىن جانە ادامداردىڭ بارىس ـ كەلىسىن قولداۋ جانە وعان قولايلىلىق جاساۋ ۋادەسىن ورىنداۋعا قۋزايمىز.
”جۇڭگو جاق ۇزدىكسىز قاجەتتى شارالار قولدانىپ، جۇڭگو ازاماتتارىنىڭ زاڭدى ۇقىق ـ مۇددەسىن باتىل قورعايدى. ءبىز ا ق ش ـ قا بارىپ وقيتىن وقۋشىلارعا قاتىستى حاۋىپ ـ قاتەردەن قىراعى بولۋدى ەسكەرتەمىز“دەدى ۋاڭ ۋىنبين.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
