وقۋ - اعارتۋ مينيسترلىگى ”ساياحاتتاپ ءجۇرىپ ۇيرەنۋ، زەرتتەپ ۇيرەنۋ“ دەگەندەردى جەلەۋ ەتىپ، ءتۇرىن وزگەرتىپ، بەلگىلەمەگە قايشى كۋرس اشۋعا قاتاڭ سوققى بەرەدى
2024.01.05 15:35 كەلۋ قاينارى : حالىق تورابى
جۇڭگو اقپارات تورابىنىڭ 1 - ايدىڭ 4 - كۇنى بەرگەن حابارى. وقۋ - اعارتۋ تورابىنىڭ حابارلاۋىنشا، وقۋ - اعارتۋ مينيسترلىگى جۋىردا ۇقتىرۋ شىعارىپ، 2024 - جىلعى قىستىق دەمالىس مەزگىلىندە مەكتەپ سىرتىنداعى كۋرستەردى جونگە سالۋ قىزمەتىن ويداعىداي ىستەۋ جونىندە ورنالاستىرۋ جاساعان.
ۇقتىرۋدا مىنالار تالاپ ەتىلگەن: باقىلاۋ مەن زاڭ اتقارۋدى كۇشەيتىپ، بەلگىلەمەگە قايشى تۇردە كۋرس اشۋدى قاتاڭ تەكسەرۋ كەرەك. جەر - جەر مەكتەپ سىرتىنداعى كۋرس قۇرىلىمدارىنا قاتىستى زاڭ اتقارۋ جۇيەسىن كەمەلدەندىرىپ، زاڭدى ءادىل دە وركەنيەتتى تۇردە اتقارۋدى قاتاڭ جۇيەگە ءتۇسىرۋى كەرەك. ”ءتورتتى ىستەمەۋ، ەكىنى توتە اتقارۋ“ ءتاسىلىن قولدانىپ، ”كۇندىز تەكسەرۋ + تۇندە تەكسەرۋ“، ”بىرلەسىپ تەكسەرۋ + ۇلگى الىپ تەكسەرۋ“ قاتارلى فورمالار ارقىلى بەلگىلەمەگە قايشى تۇردە كۋرس اشۋ كوپ تۋىلاتىن ساۋدا عيماراتتارى، تۇرعىندار شاعىن اۋماعى قاتارلى ءتۇيىندى ورىندارعا ءبىر - بىرلەپ تەكسەرۋ جۇرگىزىپ، مەيمانساراي، كوفەحانا، تۇرعىندار عيماراتى قاتارلى ورىندارعا جاسىرىنىپ، بەلگىلەمەگە قايشى تۇردە ءپان تۇرىندەگى كۋرستەردى ۇيىمداستىرۋدان قاتاڭ ساقتانۋى ءارى قاتاڭ تەكسەرۋى كەرەك. ءتۇيىندى قۇرىلىمدار مەن ادامداردى باسقارۋدى كۇشەيتىپ، توراپتاندىرىلعان جان - جاقتى جونگە سالۋ جۇيەسىن ويداعىداي پايدالانىپ، ”ءۇي شارۋاسى جاعىندا قىزمەت وتەۋ“، ”كوپ ادام اقشا توپتاپ، جەكەلىك مۇعالىم ۇسىنىس ەتۋ“، ”ساياحاتتاپ ءجۇرىپ ۇيرەنۋ، زەرتتەۋ ارقىلى ۇيرەنۋ“، ”قىستىق لاگەر“ دەگەن قاتارلىلاردى جەلەۋ ەتىپ، ءتۇرى وزگەرگەن فورمادا بەلگىلەمەگە قايشى كۋرس اشۋعا قاتاڭ سوققى بەرۋى كەرەك.
ءارقايسى ولكە دارەجەلى وقۋ - اعارتۋدى اكىمشىلىك جاقتان باسقارۋعا جاۋاپتى تاراۋلار ونەركاسىپ جانە ينفورماتسيالاندىرۋ تاراۋلارى، ينتەرنەت ينفورماتسياسى تاراۋلارى قاتارلى تاراۋلارمەن بىرلەسىپ، ينتەرنەت ارقىلى كۋرس ۇيىمداستىراتىن نەگىزگى تۇلعالار مەن ءتۇيىندى تور بەكەتتەرىنە، تەكشەلەرگە بارلىق ۋاقىتتا ىشكەرىلەي شارلاپ تەكسەرۋ جۇرگىزۋى، ينتەرنەت ارقىلى بەلگىلەمەگە قايشى كۋرس ۇيىمداستىرۋ جانە ونى جارنامالاۋ، ۇگىتتەۋ قاتارلى ماسەلەلەردەن قاتاڭ ساقتانۋى كەرەك. زاڭ - تۇزىمگە قايشى دەلولاردى اشكەرەلەۋ، جازالاۋ تەبىنىن ارتتىرۋى، بىرەۋى بايقالسا، بىرگە تەكسەرىپ ءبىرجاقتى ەتۋدى، بىرگە حابارلاندىرۋ شىعارۋدى ورىنداۋى، پارمەندى سەسكەندىرۋ رولىن قالىپتاستىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
