مەملەكەتتىك ەمدەۋدى قامتاماسىزداندىرۋ مەڭگەرمەسى 2023 - جىلى كەلىسسوز وتكىزگەن دارىلەردىڭ باعاسى ورتا ەسەپپەن %40 تەن استام ارزاندادى
2024.01.05 15:46 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى پىڭ يۇنجيا، مۋ تيەچىڭ 1 - ايدىڭ 4 - كۇنى بەيجيڭنەن حابارلايدى. مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ 1 - ايدىڭ 4 - كۇنى جاريالاۋىنشا، 2023 - جىلدىڭ باسىنان بەرى، از ساندى كاسىپورىنداردىڭ ءبىر ءبولىم ءدارى - دارمەكتەردىڭ ساتىلىمىن جەكەلەي مەڭگەرىپ الۋى، وزىندىك قۇنىن جالعاننان ارتتىرۋى قاتارلى ماسەلەلەرگە باعىتتاي وتىرىپ، مەملەكەتتىك ەمدەۋدى قامتاماسىزداندىرۋ مەڭگەرمەسى 2023 - جىلى تۇتاس جىل بويى جيىنى 23 كاسىپورىندى شاقىرىپ سويلەسىپ، 30 نەشە ءتۇرلى دارىگە قاتىستى كەلىسسوز وتكىزدى، كەلىسسوز وتكىزۋ ارقىلى ءدارى - دارمەكتەردىڭ باعاسى ورتا ەسەپپەن %40 تەن استام ارزانداعان.
ءدارى - دارمەكتەردىڭ باعاسىن ۇدايى باقىلاپ - باسقارۋدى ۇزدىكسىز كۇشەيتۋ ارقىلى مەملەكەتتىك ەمدەۋدى قامتاماسىزداندىرۋ مەڭگەرمەسى باقىلاۋ - تەكسەرۋ جانە ساقتىق سيگنالىن بەرۋ، حات ارقىلى ۇعىسۋ جانە شاقىرىپ سويلەسۋ، سەنىمدىلىگىنە باعا بەرۋ، ينفورماتسيالاردى اشىق جاريالاۋ قاتارلى تاسىلدەر ارقىلى، شيكىزاتتىق ءدارى - دارمەكتەردىڭ باعاسىن جالعاننان قىمباتتاتۋ، جاساۋلى ءدارى - دارمەكتەردىڭ باعاسىنىڭ قىمباتتاۋىنا ىقپال جاساۋ قاتارلى ءبىر توپ ماسەلەنى ءونىمدى ءبىرجاقتى ەتكەن.
مەملەكەتتىك ەمدەۋى قامتاماسىزداندىرۋ مەڭگەرمەسى مىنانى ءبىلدىردى: ءدارى - دارمەك جاسايتىن كاسىپورىنداردىڭ زەرتتەۋ ارقىلى جاڭالىق جاراتۋ، بىركەلكى باعا بەرۋدى ورىستەتۋ قاتارلى تاسىلدەر ارقىلى حالىق بۇقاراسىنا جوعارى ساپالى، جوعارى ءونىمدى، قولجەتىمدى ءدارى - دارمەك ونىمدەرىن ازىرلەۋىنە قولداۋ كورسەتىلەدى، ءدارى - دارمەك جاسايتىن كاسىپورىنداردىڭ ءادىل دە ۇيلەسىمدى تۇردە دەربەس باعا بەلگىلەۋىنە، وسى ارقىلى وزىندىك قۇندى تولىقتاپ، تابىس تابۋىنا قولداۋ كورسەتىلەدى، سونىمەن بىرگە، ءدارى - دارمەك جاسايتىن كاسىپورىنداردىڭ ادالدىقپەن، زاڭدى تۇردە ساۋدا جۇرگىزۋى جانە باعا بەلگىلەۋى، ءوندىرىستىڭ وزىندىك قۇنىن، ساتىلىم قاراجاتىن جانە كاسىپورىننىڭ تاپقان پايداسىن شىندىقتى ءىس جۇزىنەن ىزدەي وتىرىپ مالىمدەۋى دارىپتەلەدى، ءتۇرلى فورمالار ارقىلى وزىندىك قۇنعا كەتكەن قاراجاتتى جالعاننان ارتتىرۋ، ”قول ۇزدىكتى قوسىپ ەسەپتەۋ“ ارەكەتتەرىنە باتىل سوققى بەرىلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
