ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى
مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى
ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
2024.01.05 15:48 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 4 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى كوميتەتى 1 - ايدىڭ 4 - كۇنى تولىق كۇن ءماجىلىس اشىپ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ قىزمەت مالىمەتىن تىڭدادى، ورتالىق كوميتەت شۋجيچۋىنىڭ قىزمەت بايانداماسىن تىڭدادى. ج ك پ ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
ءماجىلىس بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى پارتيا ورتالىق كوميتەتى ءار جىلى مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن ارناۋلى تىڭداپ كەلەدى، بۇل _ پارتيانىڭ جاپپاي باسشىلىعىندا تاباندى بولۋداعى جانە ونى كۇشەيتۋدەگى ماڭىزدى تۇزىمدىك ورنالاستىرۋ. اماليات وسى تۇزىدىك ورنالاستىرۋ پارتيانىڭ ءارقايسى جاقتاردى سايكەستىرۋىنە، پارتيانىڭ ىنتىماعى مەن بىرلىگىن جانە قۇدىرەتتى جاۋىنگەرلىك قۋاتىن ساقتاۋعا، جۇڭگوشا سوتسياليستىك ءتۇزىمنىڭ ابزالدىعىن ساۋلەلەندىرۋگە ءتيىمدى ەكەنىن دالەلدەدى. بۇل رەتكى ءماجىلىس _ پارتيانىڭ 20 - قۇرىلتايىنان كەيىن، ورتالىق كوميتەت ساياسي بيۋروسى تۇراقتى كوميتەتىنىڭ تۇڭعىش رەت 5 پارتيا باسشىلىق گرۋپپاسىنىڭ قىزمەت مالىمەتىن جانە ورتالىق كوميتەت شۋجيچۋىنىڭ قىزمەت بايانداماسىن تىڭداۋى، مۇنداعى ماقسات وسى تۇزىمدە ويداعىداي تاباندى بولۋ، ونى ويداعىداي كەمەلدەندىرۋ بولىپ تابىلادى.
ءماجىلىس بىلاي دەپ قارادى: پارتيانىڭ 20 - قۇرىلتايىنان بەرى مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، تياناقتاندىرىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ مىندەت اتقارىپ، جاۋاپكەرلىكتى ادا ەتىپ، پارتيا باسشىلىق گرۋپپاسىنىڭ وزىندىك قۇرىلىسىن شىنايى كۇشەيتىپ، پارتيانى جاپپاي قاتاڭ جونگە سالۋ جاۋاپكەرلىگىن مۇقيات اتقارىپ، ەكونوميكانىڭ دامۋىن ىلگەرىلەتۋگە، قوعام ورنىقتىلىعىن ساقتاۋعا بەلسەندى ۇلەس قوسىپ، ءار جاقتاعى قىزمەتتەردە تىڭ تابىستارعا قول جەتكىزدى.
ءماجىلىس بىلاي دەپ قارادى: پارتيانىڭ 20 - قۇرىلتايىنان بەرى ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا، جاڭا كەزەكتى ورتالىق كوميتەتتىڭ شۋجيچۋى بەلسەندى، ىرىقتى تۇردە ءىس تىندىرىپ، مىندەتىن مۇقيات اتقارىپ، جاۋاپكەرلىگىن ادا ەتىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنىڭ تياناقتانۋىن ىلگەرىلەتۋ، پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋ، بۇقارالىق ۇيىمدار قۇرىلىسى مەن رەفورماسىنا جەتەكشىلىك ەتۋ سياقتى جاقتاردا قىرۋار ءونىمدى قىزمەتتەر ىستەدى.
ءماجىلىس بىلاي دەپ دارىپتەدى: بيىل _ جاڭا جۇڭگو قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ، مەملەكەتتىك ساياسي كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ پارتيا باسشىلىق گرۋپپالارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعى سىندى ەڭ جوعارى ساياسي پرينسيپتەن جازباي، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى ەڭ ۇلكەن ساياسيدى تىعىز ارقاۋ ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قايراتتانا العا ۇمتىلىپ، باتىلدىقپەن ىستەپ، شەبەرلىكپەن ىستەپ، پارتيا ورتالىق كوميتەتىنىڭ ءبىر تۇتاس قولباسشىلىعىندا بىرىككەن اۋەن قالىپتاستىرىپ، پارتيا 20 - قۇرىلتايىنىڭ ستراتەگيالىق ورنالاستىرۋلارىن دايەكتىلەندىرۋدى، تياناقتاندىرۋدى ”ناقتىلىقپەن“ مىقتى يگەرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋگە اناعۇرلىم زور ۇلەس قوسۋى كەرەك.
ءماجىلىس بىلاي دەپ دارىپتەدى: جاڭا ءبىر جىلدا ورتالىق كوميتەتتىڭ شۋجيچۋى ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ ورنالاستىرۋلارىن، تالاپتارىن ارقاۋ ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن جاپپاي دايەكتىلەندىرىپ، ءوز مىندەتىن تياناق ەتىپ، ساياسي جاۋاپكەرلىكتى كۇشەيتىپ، تىڭعىلىقتى مىندەت اتقارىپ، جاۋاپكەرلىكتى ادا ەتىپ، كەڭەسۋ، ءىس ءبىتىرۋ دەڭگەيىن جوعارىلاتىپ، ماڭىزدى ءتۇيىندى كورنەكتىلەندىرىپ، تياناقتاندىرۋدى مىقتى يگەرىپ، پارتيا ورتالىق كوميتەتى تاپسىرعان ءتۇرلى مىندەتتەردى ۇزدىكسىز ويداعىداي ورىنداۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
