بەلسەندى قازىنا ساياساتىندا قايتكەندە ۇيلەسىمدى كۇش قوسىپ، ساپانى جوعارىلاتىپ، ونىمدىلىكتى ارتتىرۋعا بولادى (ساياساتتىق سۇراۋ - جاۋاپ. 2024 - جىلى جۇڭگو ەكونوميكاسىندا وسىلاي ىستەيمىز)
«حالىق گازەتىنىڭ» ءتىلشىسى چۇي جىحان
2024.01.05 16:05 كەلۋ قاينارى : حالىق تورابى
كىرىسپە
بيىل _ جاڭا جۇڭگو قۇرىلعانىنىڭ 75 جىلدىعى، ”14 - بەسجىلدىق“ جوبانىڭ نىسانا - مىندەتتەرىن جۇزەگە اسىرۋداعى شەشۋشى جىل. ورتالىقتىڭ ەكونوميكالىق قىزمەت ءماجىلىسى مىنالاردى تالاپ ەتتى: 2024 - جىلى ورنىقتىلىق بارىسىندا ىلگەرىلەۋدە، ىلگەرىلەۋ ارقىلى ورنىقتىلىقتى جەبەۋدە، الدىمەن قۇرىپ، ونان سوڭ كۇشىنەن قالدىرۋدا تاباندى بولىپ، مەجەنى ورنىقتىرۋعا، ارتۋدى ورنىقتىرۋعا، جۇمىستانۋدى ورنىقتىرۋعا پايدالى ساياساتتاردى كوبىرەك شىعارىپ، تاسىلگە بۇرىلىس جاساۋ، قۇرىلىمدى رەتتەۋ، ساپانى جوعارىلاتۋ، ونىمدىلىكتى ارتتىرۋ جاعىندا بەلسەنە ۇمتىلىس جاساپ، ورنىقتىلىق بارىسىندا جاقسارۋ نەگىزىن ۇزدىكسىز بەكەمدەۋ كەرەك.
گازەتىمىز بۇگىننەن باستاپ ”ساياساتتىق سۇراۋ - جاۋاپ. 2024 - جىلى جۇڭگو ەكونوميكاسىندا وسىلاي ىستەيمىز“ ارناۋلى ايدارىن اشىپ، قالىڭ كادرلار مەن بۇقارا نازار اۋدارىپ وتىرعان قولامتالى ماسەلەلەر جونىندە بەدەلدى تاراۋلاردى، قاتىستى مامان - وقىمىستىلاردى جاۋاپ بەرۋگە ۇسىنىس ەتىپ، ادامداردىڭ پارتيا ورتالىق كوميتەتىنىڭ ەكونوميكالىق جاعداي جونىندەگى عىلمي تۇجىرىمىن تەرەڭ تۇسىنۋىنە، بيىلعى ەكونوميكالىق قىزمەتتىڭ ساياساتتىق بەتالىسىن دۇرىس يگەرۋىنە كومەكتەسىپ، ەكونوميكالىق قىزمەتتى ويداعىداي ىستەۋ سەنىمى مەن جىگەرىن ونان ارى كۇشەيتەدى.
قازىنا ساياساتى _ ۇكىمەتتىڭ ماكرولىق تىزگىندەۋدى اتقارۋداعى ماڭىزدى ءتاسىلى، باستىسى، سالىق، قىزىل سيفر، اۋدارىپ تولەۋ سياقتى تاسىلدەر ارقىلى ەكونوميكالىق اينالىمدى رەتتەيدى. ورتالىقتىڭ ەكونوميكالىق قىزمەت ءماجىلىسىنىڭ رۋحىن تياناقتاندىرعاندا، 2024 - جىلى بەلسەندى قازىنا ساياساتىندا قايتكەندە ۇيلەسىمدى كۇش قوسىپ، ساپانى جوعارىلاتىپ، ونىمدىلىكتى ارتتىرۋعا بولادى؟
”’لايىقتى ارتتىرۋدا‘، باستىسى، قازىنا بايلىعىن ءبىر تۇتاس جوسپارلاۋدى كۇشەيتىپ، كوپ ءتۇرلى ساياساتتىق قۇرالدى بىرىكتىرىپ پايدالانىپ، قازىنالىق شىعىس كولەمىن لايىقتى كەڭەيتىپ، ەكونوميكانىڭ ۇزدىكسىز قايتا ورلەۋىن، جاقسارۋىن جەبەۋ كەرەك“. قازىنا مينيسترلىگىنىڭ قاتىستى جاۋاپتىسى بىلاي دەدى: شىعىستى كەڭەيتۋدە قازىنا قۋاتىن قامتاماسىزداندىرۋدى كۇشەيتۋ كەرەك، بيىل تاعى دا بەلگىلى كولەمدەگى قىزىل سيفر ورنالاستىرىلىپ، قازىنانىڭ جالپى شىعىس كولەمىنىڭ ارتۋىنا كەپىلدىك ەتىلەدى.
”بيىل لايىقتى كولەمدەگى ارناۋلى قارىز ۇزدىكسىز ورنالاستىرىلىپ، جەرگىلىكتى ورىنداردىڭ ءتۇيىندى سالالارداعى ولقىلىقتاردى تولىقتاۋ تەبىنىن ارتتىرۋىنا قولداۋ كورسەتىلەدى. 2023 – جىلى اتقارۋ بارىسىندا كوبەيتىپ تاراتىلعان ءبىر تريلليون يۋاندىق زايوم اپاتتان كەيىنگى قالپىنا كەلتىرۋ، قايتا قۇرۋدى پارمەندى قارجىمەن قامتاماسىزداندىرادى جانە اپاتتان ساقتانۋ، اپات زيانىن ازايتۋ، اپاتتان قۇتقارۋ قۋاتىن جوعارىلاتادى“ دەدى قازىنا مينيسترلىگى مەجە ەسەپ تارماق مەكەمەسىنىڭ باستىعى ۋاڭ جيانفان.
وسى جىلداردا ورتالىق قازىنانىڭ مەجە ەسەبى جەرگىلىكتى ورىندارعا بەيىمدەلۋ تەبىنىن ۇزدىكسىز ارتتىردى. ”بيىل ورتالىقتىڭ جەرگىلىكتى ورىندارعا اۋدارىپ تولەۋى ءالى دە بەلگىلى كولەمدى ساقتادى ءارى قيىنشىلىعى بار رايوندار مەن دامۋدا ارتتا قالعان رايوندارعا بەيىمدەلىپ، قازىنا قۋاتى ءالسىز رايونداردىڭ قارجىمەن قامتاماسىزداندىرۋىن كۇشەيتىپ، نەگىزگى ساتىنىڭ ’ءۇشتى قامتاماسىزداندىرۋ‘ تومەنگى شەگىن مىقتى يگەردى“ دەدى ۋاڭ جيانفان.
سالىقتى، اقىنى كەمەيتۋ ساياساتتىق شارالارىن تياناقتاندىرىپ، تامىر تارتتىرىپ، كاسىپورىنداردىڭ جەڭىلدەنىپ العا تارتۋىنا مۇمكىندىك جاساۋ كەرەك. 2023 - جىلى ەلىمىز 70 نەشە ءتۇرلى سالىق - اقى جەڭىلدىك ساياساتىن توپقا ءبولىپ جالعاستىردى، ساپالىلاندىردى جانە كەمەلدەندىردى. قازىنا مينيسترلىگى سالىق تارماق مەكەمەسىنىڭ باستىعى جيا رۇڭى بىلاي دەدى: جوعارىداعى ءتيىمدى ساياساتتاردىڭ كوبى 2027 – جىلدىڭ سوڭىنا دەيىن تىكەلەي جالعاسۋمەن بىرگە، 2024 – جىلى سالىقتى قۇرىلىمدىق كەمەيتۋ، اقىنى تومەندەتۋ ساياساتى ويداعىداي تياناقتاندىرىلىپ، ساياساتتىڭ دالدىگى مەن باعىتتامالىلىعى جوعارىلاتىلىپ، عىلىم – تەحنيكادا جاڭالىق جاراتۋ مەن جاساۋ كاسىبىنىڭ دامۋىنا ءتۇيىندى قولداۋ كورسەتىلەدى.
”ساپانى جوعارىلاتىپ، ونىمدىلىكتى ارتتىرۋ“ ۇقساس اقشانى ءتىپتى دە زور ونىمدىلىك جاراتاتىنداي ەتىپ جۇمساۋدان دەرەك بەرەدى ءارى باسقا ماكرولىق ساياساتتارمەن سايكەسۋدى، ىقپالداستىقتى كۇشەيتىپ، بىرگە كۇش سالىپ، بىرىككەن كۇش قالىپتاستىرىپ، ماكرولىق ساياساتتىڭ رەتتەۋ - مەڭگەرۋ ونىمدىلىگىن ەڭ زور دارەجەدە جوعارىلاتادى.
قازىنالىق شىعىس قۇرىلىمىن ساپالىلاندىرۋ جاعىندا، جۇڭگو قازىنا عىلىمىن زەرتتەۋ ورنىنىڭ اعا زەرتتەۋشىسى ۋاڭ زىساي بىلاي دەپ قارادى: ساپالى دامۋ تالابىن تىعىز ارقاۋ ەتىپ، مەملەكەتتىڭ كەلەلى ستراتەگيالىق مىندەتتەرىنىڭ قازىنالىق قۋاتىن قامتاماسىز ەتۋدى كۇشەيتىپ، قازىنالىق قارجىنى ۇرىمتال جەرگە جۇمساپ، ”نەگىزدىك زەرتتەۋگە قوسىلىمدى ارتتىرىپ، بەيجيڭ - تيانجين - حىبەيدىڭ سايكەستى دامۋىن ىلگەرىلەتۋ سياقتى كەلەلى ستراتەگيالاردىڭ قازىنا - سالىق شارالارىن تياناقتاندىرىپ، ەكولوگيالىق فۋنكتسياسى ماڭىزدى وڭىرلەرگە اۋدارىپ تولەۋ تەبىنىن ۇزدىكسىز كۇشەيتۋ كەرەك“.
ۋاڭ زىساي بىلاي دەپ قارادى: قازىنا − مەملەكەتتى جونگە سالۋدىڭ نەگىزى جانە تىرەگى، بەلسەندى قازىنا ساياساتىندا لايىقتى كۇش قوسىپ، ساپانى جوعارىلاتىپ، ونىمدىلىكتى ارتتىرىپ، ەكونوميكانىڭ قايتا ورلەۋىنە ونان ارى جەتەكشىلىك ەتىپ، ەكونوميكانىڭ دامۋى مەن قازىنانىڭ ارتۋىنداعى تاماشا اينالىمدى قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
