بەيجيڭ شيچىڭ رايونى مادەني مۇرالار قۇرىلىسىن يكەمدى پايدالانۋدى ىلگەرىلەتتى
تاي - انلي تىڭ ومىرشەڭدىك كۇشكە يە بولدى
«حالىق گازەتىنىڭ» تىلشىلەرى شى فاڭ، ۋاڭ جوۋ
2024.01.05 16:08 كەلۋ قاينارى : حالىق تورابى
باس شۋجي شي جينپيڭ بىلاي دەپ دارىپتەدى: ”اناعۇرلىم كوپ مادەني ەسكەرتكىشتەر مەن مادەنيەت مۇرالارىن جانداندىرىپ، جۇڭحۋا وركەنيەتىنە مۇراگەرلىك ەتەتىن قويۋ قوعامدىق راي قالىپتاستىرۋ كەرەك“.
بەيجيڭ قالاسى شيچىڭ رايونىنىڭ تاي – انلي دەگەن جەرىندە بايىرعى زامان مەن قازىرگى زامان توعىسىپ، 100 جىلدىق مادەني مۇرا قۇرىلىسىنان جاڭا داۋىرلىك تۇسكە يە، ساياحاتشىلار ات باسىن بۇراتىن ءمالى قۇرۋعا دەيىنگى امالياتتىق ىزدەنىس مادەني مۇرالاردى يكەمدى پايدالانۋدىڭ جاندى تۇسىندىرمەسىنە اينالدى.
اعاش باسپالداق كۇن نۇرىنا مالىنعان، كونە ۇلگىدەگى پاتەفوننان مۋزىكا ءۇنى اۋەلەيدى، اۋلادا كوفەنىڭ حوش ءيىسى اڭقيدى... تاي - انلي مادەنيەت - كوركەمونەر ورتالىعىندا ”تاريحي مادەنيەت تۇسكى شايى“ قيمىلىنىڭ رايى كۇشەيە ءتۇستى. 69 جاستاعى قالا تۇرعىنى جاڭ يۇيمين كورشى - قولاڭدارمەن وتكەن - كەتكەندەرىن اڭگىمەلەۋدە.
”تاي - انليدىڭ 100 جىلدان استام تاريحى بار، ول − كونە شاڭحاي شىكۋمىن ۇلگىسىندەگى قۇرىلىس“. جاڭ يۇيمين بىلاي دەدى: ”10 نەشە جىلدىڭ الدىندا ونداعان وتباسى وسىندا تۇراتىن، ءار وتباسىنىڭ يەلەيتىن ورتاشا جەر اۋدانى 20 شارشى مەتر اينالاسىندا ەدى، ۇيلەردىڭ توزىعى جەتكەن، داۋالداردىڭ كەرپىشى تۇسە باستاعان، اس ءۇي، تازالىق بولمەسى تۇگەلدەي الەۋمەتكە ءتان، ونىڭ ۇستىنە بەتالدى ءۇيىپ تاستاۋ، بەتالدى سالۋ جايتتەرى اۋىر، تۇرمىس ورتاسى ونشا جاقسى ەمەس ەدى“.
2009 - جىلى تاي - انلي مادەني مۇرالاردى قورعاۋ ورنى دەپ جاريالاندى. مادەني مۇرا قۇرىلىستارىن قورعاۋ، تۇرعىن ءۇي ورتاسىن جاقسارتۋ، تاي – انليدى بوساتۋ قىزمەتى سول جىلى باستالدى. 2018 - جىلى بوساتۋ قىزمەتى ورىندالىپ، بايىرعى تۇرعىندار جاڭا عيماراتقا كوشىپ كىردى. تاي - انليگە قايتادان قادام تاستاعاندار شىت جاڭا بەينەگە تاڭىرقاي قارايتىن بولدى. 2019 - جىلى تاي - انلي جوندەلىپ بولدى، كونە قۇرىلىستار اقىرى جاڭا ومىرگە قادام تاستادى، تاي - انلي ءتىپتى دە جالىندى ومىرشەڭدىك كۇشكە بولدى.
شيچىڭ رايونىندا جاڭا بەينەگە ەنگەندەر تاي - انلي عانا ەمەس. شيچىڭ رايونى 2016 - جىلى ۇكىمەت ءۇيى تۇرىندەگى مادەني مۇرا ورىندارىن بوساتۋ قىزمەتىن باستادى، قازىر 36 نىسان بوساتىلدى.
مادەني مۇرالاردى جانداندىرۋ ءۇشىن قۇلشىنا ىستەۋگە تۋرا كەلەدى. ”مادەني مۇرالاردىڭ الەۋمەتتىك مادەنيەتتىك قىزمەت وتەۋمەن قامداۋ، حالىقتىڭ رۋحاني مادەنيەت تۇرمىس قاجەتىن قاناعاتتاندىرۋ جاعىنداعى رولىن تولىق ساۋلەلەندىرۋىنە، ءسوز جوق، مۇمكىندىك جاساۋ كەرەك“ دەدى شيچىڭ رايوندىق پارتكومنىڭ شۋجيى سۇن شو.
2020 - جىلى شيچىڭ رايونى 1 - توپتاعى مادەني مۇرالار قۇرىلىسىن يكەمدى پايدالانۋ جوسپارىن جاريالاپ، ”قابىلەتتىلەر باستاماشى بولىپ ىستەۋ“ مەحانيزمىن قولدانىپ، تاي - انليدى قامتىعان 7 مادەني مۇرالار قۇرىلىسىنا ”باسقارۋشى“ تاۋىپ بەردى. ەڭ سوڭىندا، بەيجيڭ شۋانفاڭ داحوۋ قارجى قوسۋدى باسقارۋ شەكتى جاۋاپكەرلىك سەرىكتەستىگى اعالاپ العا شىعىپ، تاي - انليدىڭ باسقارۋشىسىنا اينالدى. ”ءبىز تاي - انلي زەرتتەۋ قوعامىن ارناۋلى قۇرىپ، 100 جىلدىق بايىرعى قۇرىلىستىڭ تاريحي مادەنيەت ءمانىن ىشكەرىلەي اشتىق، سونىمەن بىرگە، توڭىرەكتەگى تۇرعىنداردان كەڭ كولەمدە ۇسىنىس الىپ، قورعاۋ جانە جالعاستىرۋ نەگىزىندە كاسىپ فورماتسياسىندا ۇزدىكسىز جاڭالىق اشۋعا كۇش سالدىق“ دەدى سەرىكتەستىكتىڭ باس ديرەكتورى لۋ گوۋاڭ.
2021 - جىلى شيچىڭ رايونىنداعى 6 مادەني مۇرا قۇرىلىسىن يكەمدى پايدالانۋ جوباسىندا تاي - انليدى مادەنيەت - كوركەمونەر ورتالىعىن قۇرۋعا پايدالانۋ جوسپارلاندى. 2023 - جىلى 4 - ايدا تاي - انلي مادەنيەت - كوركەمونەر ورتالىعى رەسمي سىرتقا اشىلدى. تاي - انليدىڭ يكەمدى پايدالانۋ بولاشاعىنا زور ءۇمىت ارتقاندىقتان، بەيجيڭ بانكەسىنىڭ چيانمىن ۋىنچۋاڭ تارماق بانكەسى تومەن ءوسىمدى امانات - قارىز اقشاسىنان 10 ميلليون يۋان بەردى.
كوپتەگەن ستيلى مۇلدە وزگەشە كاسىپ كۇيىن ەنگىزىلىپ، تاي - انلي مادەنيەت - كوركەمونەر ورتالىعى قوعامدىق قارىم - قاتىناس، جاسامپازدىق، كىتاپ وقۋ، ءدامدى تاعام، مادەنيەت كەشىرمەلەرى ءبىر تۇلعالانعان جالپىلىق مادەنيەت - كوركەمونەر كەڭىستىگىنە اينالدى. ”مادەني مۇرا قۇرىلىستارىن يكەمدى پايدالانۋدا امالىن تاۋىپ اناعۇرلىم كوپ جاستاردى باۋراۋ كەرەك“ دەدى شيچىڭ رايوندىق مادەنيەت جانە ساياحات مەكەمەسىنىڭ باستىعى جين جىن. تاي - انلي مادەنيەت - كوركەمونەر ورتالىعى ساياحاتشىلاردىڭ ات باسىن بۇراتىن ورنىنا جانە توڭىرەكتەگى تۇرعىنداردىڭ قيمىل جاسايتىن تاماشا جەرىنە اينالدى، 2024 – جىلى 1 - ايدىڭ 1 - كۇنىنە دەيىن، سەرۋەندەۋشىلەردىڭ جالپى مولشەرى 50 مىڭ ادام - رەتتەن اسىپ، 555 رەت تاقىرىپتىق قيمىل وتكىزىلدى، مۇنىڭ ىشىندە الەۋمەتتىك يگىلىك قيمىلى 465 رەت وتكىزىلدى.
بەيجيڭ قۇرىلىس داشۋەسى تاي - انلي قۇرىلىس مادەنيەت - كوركەمونەر ورتالىعى ”شىكۋمىن ءداۋىرى“ عيماراتىنىڭ 2 - قاباتىنا ورنالاسقان. جاۋاپتى ادام ليۋ بيڭ بىلاي دەپ تانىستىردى: وقىتۋشى - وقۋشىلار مەرزىم بويىنشا وسى ارادا سالون، تالقى مىنبەرى، مەكتەپ سىرتىنداعى اماليات ساباق سياقتى زەرتتەۋ - ۇيرەنۋ قيمىلدارىن وتكىزىپ، وقۋشىلاردىڭ قۇرىلىس مادەني مۇرالارىن ىشكەرىلەي زەرتتەۋىنە مۇمكىندىك جاسايدى، ءبىزدىڭ قاتىستى زەرتتەۋ جەتىستىكتەرىمىز بەيجيڭ كونە قالاسىن قورعاۋعا جانە قالانىڭ جاڭالانۋىنا انعۇرلىم دەم بەرەدى.
2024 - جىلى تاي - انلي مادەنيەت - كوركەمونەر ورتالىعىنىڭ 2 - مەرزىمدىك نىسانىندا جۇمىس باستالدى، شيچىڭ رايونىنداعى تۇڭعىش توپتاعى مادەني مۇرالار قۇرىلىسىن يكەمدى پايدالانۋ جوسپارىنداعى باسقا نىساندار دا ىركەس - تىركەس بوي سالىنا باستادى. 2 - توپتاعى مادەني ەسكەرتكىشتەر قۇرىلىسىن يكەمدى پايدالانۋ نىسانىنا قازىر قول قويىلدى، 9 جەردەگى مادەني ەسكەرتكىشتەر قۇرىلىسىندا شاماعا قاراي جاسالعان جاڭارتۋ جوباسى بار. تاي - انليدىڭ جاڭارۋ حيكاياسى ءۇرتىس جازىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
