وسەك - اياڭعا تويتارىس بەرۋ
مىندەتتى وقۋ – اعارتۋ كەزەڭىندە وقۋ - وقىتۋعا رەفورما جاساۋداعى سىناق جۇرگىزەتىن رايونداردا ”وقۋ جىلى قىسقارتىلادى“، ”ورتا مەكتەپ ەمتيحانى كۇشىنەن قالدىرىلادى“ دەگەن مازمۇندا ينتەرنەتتە تارالعان ايتىلىمدار جالعان
2024.01.08 15:11 كەلۋ قاينارى : حالىق تورابى
جۋىردا وقۋ - اعارتۋ مينيسترلىگىنىڭ كەڭسە مەڭگەرمەسى مىندەتتى وقۋ - اعارتۋ كەزەڭىندە وقۋ - وقىتۋعا رەفورما جاساۋ سىناق رايوندارىن جانە سىناق جۇرگىزەتىن مەكتەپتەردى كورسەتۋ جونىندەگى ۇقتىرۋدى باسىپ تاراتىپ، ەلىمىز كولەمىندە مىندەتتى وقۋ – اعارتۋ كەزەڭىندەگى وقۋ - وقىتۋعا رەفورما جاساۋدى سىناق ەتەتىن ءبىر توپ رايوندار مەن مەكتەپتەردى بەلگىلەۋدى ماقۇلداعان ءارى مىندەتتى وقۋ – اعارتۋ كەزەڭىندەگى وقۋ -وقىتۋعا رەفورما جاساۋدى سىناق ەتەتىن رايوندار مەن مەكتەپتەر تىزىمدىگىن جاريالاعان.
ۇقتىرۋ مەن تىزىمدىك جاريالانعان سوڭ، ۋيچات توپتارى، ۋيچاتتاعى دوستار شەڭبەرى جانە باسقا دا ينتەرنەت جەلىسىندەگى تەكشەلەردە ”وقۋ - اعارتۋ مينيسترلىگى مەملەكەتتىك وقۋ - اعارتۋعا رەفورما جاساۋدى تۇيىندە سىناق ەتۋ جونىندەگى ەڭ جاڭا جوبانى جاريالادى، سىناق ەتەتىن رايونداردا وقۋ جىلى قىسقارتىلادى، ورتا مەكتەپ ەمتيحانى كۇشىنەن قالدىرىلادى“ دەگەن سياقتى مازمۇندار بايقالدى. 2021 - جىلى دا وسى تەكتەس وسەك - اياڭ ينتەرنەتتە تارالعان بولاتىن، وقۋ - اعارتۋ مينيسترلىگى مەن قاتىستى جەرلەردەگى وقۋ - اعارتۋ تاراۋلارى وسەك - اياڭعا دەرەۋ تويتارىس بەرگەن.
وسى جولى وقۋ - اعارتۋ مينيسترلىگىنىڭ اقپارات كەڭسەسى بارشا توردوستارعا مىنانى ەسكەرتەدى: وقۋ - اعارتۋ مينيسترلىگىنىڭ كەڭسە مەڭگەرمەسىنىڭ مىندەتتى وقۋ – اعارتۋ كەزەڭىندەگى وقۋ - وقىتۋعا رەفورما جاساۋدى سىناق ەتەتىن رايوندار مەن مەكتەپتەردى كورسەتۋ جونىندەگى ۇقتىرۋىندا» مىندەتتى وقۋ – اعارتۋ كەزەڭىندەگى وقۋ - وقىتۋعا رەفورما جاساۋدى سىناق ەتەتىن رايوندار مەن مەكتەپتەردىڭ قىزمەت مىندەتى ايقىن بەلگىلەنگەن، وندا وقۋ جىلىن قىسقارتۋ، ورتا مەكتەپ ەمتيحانىن كۇشىنەن قالدىرۋ قاتارلى مازمۇندار جوق، بەيرەسمي ارنالاردا جاريالانعان ارنالارعا سەنە كەتپەڭىزدەر.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
