يۇي حۋايىڭنىڭ بالالاردى الداپ ساتۋى دەلوسى قايتا قاراۋعا قايتارىلدى
قوعام حاۋىپسىزدىگى تاراۋلارى ونىڭ بالالاردى الداپ ساتۋىنا قاتىستى باسقا قىلمىستىق فاكتتەردى بايقاعان
2024.01.08 15:14 كەلۋ قاينارى : حالىق تورابى
گۇيجوۋ قالالىق جوعارى دارەجەلى حالىق سوتى جۋىردا يۇي حۋايىڭنىڭ بالالاردى الداپ ساتۋى دەلوسىنا ەكىنشى رەتكى سوتتىڭ ۇكىمىن شىعارىپ، دەلونى قايتا قاراۋعا قايتارعان.
سوت مەكەمەسى بىلاي دەپ قاراعان: اسىلگى ۇكىمدە ايىپكەر يۇي حۋايىڭنىڭ بالالاردى الداپ ساتۋىنا قاتىستى باسقا فاكتتەر قاعىس قالعان، كەيبىر فاكتتەر ايقىن ەمەس، ارىزدانۋشى يۇي حۋايىڭعا ساياتىن بارلىق قىلمىس فاكتتەرىن انىق تەكسەرۋ ءۇشىن، دەلونى قايتا قاراۋ كەرەك.
بۇل دەلو جونىندە 2023 - جىلى 9 - ايدىڭ 18 - كۇنى گۇيجوۋ ولكەسى گۇيياڭ قالالىق ورتا دارەجەلى حالىق سوتى مەكەمەسى ءبىرىنشى رەتكى سوتتىڭ ۇكىمىن جاريالاعان. تەرگەۋ ارقىلى مىنالار انىقتالعان: ايىپكەر يۇي حۋايىڭ 1993 - جىلدان 1996 - جىلعا دەيىنگى ارالىقتا سىبايلاسى گۇڭ X لياڭمەن (قايتىس بولعان) بىرگە گۇيجوۋ ولكەسى، چۇڭچيڭ قالاسى قاتارلى جەرلەردە 11 بالانى الداپ ساتقان. ونىڭ ارەكەتى بالالاردى الداپ ساتۋ قىلمىسىن قالىپتاستىرعان، قىلمىس جاعدايى وتە اۋىر، قوعامعا جەتكىزگەن زيانى وتە زور، قاتاڭ جازالاۋ كەرەك. ايىپكەر يۇي حۋايىڭ بالالاردى الداپ ساتۋ قىلمىسى بويىنشا ءبىرىنشى رەتكى سوتتا ءولىم جازاسىنا ۇكىم ەتىلگەن، ساياسي ۇقىعىنان ومىرلىك ماحرۇم ەتىلگەن ءارى ونىڭ بارلىق مال - مۇلكى ءمۇسادىرالانعان. ايىپكەر يۇي حۋايىڭ سوت ۇستىندە جوعارىلاپ ارىزداناتىنىن ايتقان.
2023 - جىلى 11 - ايدىڭ 28 - كۇنى بۇل دەلوعا ەكىنشى رەتكى سوت اشىلعان، سوت تەرگەۋى اياقتاعان سوڭ، پروكۋراتۋرا ورگاندارى قوعام حاۋىپسىزدىگى ورگاندارى ارقىلى العاشقى تەكسەرۋدى جۇرگىزۋ بارىسىندا تالاپكەر يۇي حۋايىڭنىڭ يۇننان ولكەسىندە بالالاردى الداپ ساتۋعا قاتىستى باسقا قىلمىستىق دەلوعا شاتىلعانى جونىندەگى فاكتتى بايقاعان، بۇل قىلمىسى ءبىرجاقتى ەتىلمەي قالعان، قىلمىستىق ارەكەتتەرگە جان - جاقتى، دۇرىس، پارمەندى سوققى بەرۋ، ايىپكەردىڭ زاڭ بويىنشا جوعارىلاپ ارىزدانۋ ۇقىعىنان يگىلىكتەنۋىنە كەپىلدىك ەتۋ ءۇشىن، بۇل دەلونى قايتالاي قاراۋعا قايتارۋ جونىندە ۇسىنىس بەرىلدى. (باس ستانسيا ورتالىق تەلەۆيزيا ءتىلشىسى چاڭ ياڭ، جاڭ يدان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
