2023 - جىلى ەلىمىز 921 مىڭ تاپقىرلىق پاتەنتىنە ۇقىق بەردى (جاڭا ساندى مالىمەت، جاڭا ءتۇيىن)
2024.01.08 16:04 كەلۋ قاينارى : حالىق تورابى
«حالىق گازەتى»، 1 - ايدىڭ 7 - كۇنى، بەيجيڭ (ءتىلشى گۋ يەكاي). ءتىلشىنىڭ تاياۋدا مەملەكەتتىك ءبىلىم مەنشىك ۇقىعى مەكەمەسىنەن ۇعىسۋىنشا، ەلىمىزدىڭ ءبىلىم مەنشىك ۇقىعىن تەكسەرۋ ساپاسى مەن ونىمدىلىگى ۇزدىكسىز جوعارىلاپ، جاڭالىق جاراتۋ تۇلعالارىنىڭ تابىس سەزىمى ۇزدىكسىز كۇشەيگەن. 2023 - جىلى ەلىمىز 921 مىڭ تاپقىرلىق پاتەنتىنە ۇقىق بەرىپ، سايكەس مەزگىلدەگىدەن %15.4 ارتقان؛ 2 ميلليون 90 مىڭ قولدانىلمالى جاڭا تيپ پاتەنتىنە، 638 مىڭ سىرتقى كورىنىس جوباسى پاتەنتىنە ۇقىق بەرگەن، 4 ميلليون 383 مىڭ تاۋار ماركاسىن تىركەگەن، 11 مىڭ 300 ينتەگرالدى تىزبەك كارتاسى جوباسىن تىزىمگە العان، جاعراپيالىق بەلگى ارناۋلى بەلگىسىن پايدالاناتىن 5 مىڭ 842 تيجارات تۇلعاسىن تەكسەرىپ بەكىتكەن.
2023 - جىلى ەلىمىز پاتەنت سەلبەستىك شارتى ارقىلى 73 مىڭ 812 حالىقارالىق پاتەنت ءوتىنىشىن تاپسىردى، ونەركاسىپ ونىمدەرىنىڭ سىرتقى كورىنىس جوباسى حالىقارالىق تىركەۋگە الۋ گا - اگا كەلىسىمى ارقىلى ءبىر مىڭ 166 سىرتقى كورىنىس جوباسى حالىقارالىق ءوتىنىشىن تاپسىردى (الدىڭعى 11 ايدا)، مادريد تاۋار ماركاسىن حالىقارالىق تىركەۋگە الۋ جۇيەسى ارقىلى 6 مىڭ 196 ءوتىنىش تاپسىردى، بۇلار دۇنيە ءجۇزى بويىنشا الدىڭعى قاتارعا ءوتتى. ءبىلىم مەنشىك ۇقىعىن كادەگە جاراتۋ، پايدالانۋ جاعىندا، 2023 - جىلى بۇكىل ەل بويىنشا پاتەنت تاۋار ماركاسىن كەپىلگە قويىپ قارجى قۇراۋ سوماسى 853 ميلليارد 990 ميلليون يۋانعا جەتىپ، سايكەس مەزگىلدەگىدەن %75.4 ارتىپ، 37 مىڭ كاسىپورىنعا تيىمدىلىك جاسالدى؛ 17 مىڭ پاتەنتتى اشىق ۇستاۋ رۇقساتىنا قول جەتكىزىلدى؛ 2023 - جىلدىڭ الدىڭعى 11 ايىندا ەلىمىزدىڭ ءبىلىم مەنشىك ۇقىعىن پايدالانۋ قاراجاتىنىڭ يمپورت - ەكسپورت جالپى سوماسى 334 ميلليارد 500 ميلليون يۋانعا جەتتى.
قازىر ەلىمىزدىڭ تاپقىرلىق پاتەنتىن ورتاشا تەكسەرۋ مەرزىمى 16 ايعا قىسقاردى، تاۋار ماركاسىن تىركەۋدىڭ ورتاشا تەكسەرۋ مەرزىمى 4 اي، ادەتتەگى جاعدايدا تاۋار ماركاسىن تىركەۋدىڭ پەريودى 7 اي بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
