حىبەي ولكەسى بەيجيڭ - تيانجين - حىبەيدىڭ ەمدەۋ - دەنساۋلىق ساقتاۋ ىستەرىنىڭ سايكەستى دامۋىن ىشكەرىلەي ىلگەرىلەتتى
«حالىق گازەتىنىڭ» تىلشىلەرى ۋان شيۋبين، شاۋ يۇيزى
2024.01.08 16:11 كەلۋ قاينارى : حالىق تورابى
2019 - جىلى 1 - ايدا باس شۋجي شي جينپيڭ بەيجيڭ - تيانجين - حىبەيدى سايكەستىرە دامىتۋ اڭگىمە ءماجىلىسىن باسقارىپ اشقاندا بىلاي دەپ اتاپ كورسەتتى: ”بۇقارا كوڭىل بولەتىن، ولاردىڭ ءتول مۇددەسىنە ساياتىن قولامتالى، قيىن ماسەلەلەردى كۇش سالا شەشۋ، وقۋ - اعارتۋ، ەمدەۋ بايلىقتارىن ورنالاستىرۋدى ساپالىلاندىرۋ كەرەك“. 2023 - جىلى 5 - ايدا باس شۋجي شي جينپيڭ بەيجيڭ - تيانجين - حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ءماجىلىسىن باسقارىپ اشقاندا بىلاي دەپ دارىپتەدى: ”ەمدەۋ بىرىككەن تۇلعاسى قۇرىلىسىن ىلگەرىلەتۋ، بەيجيڭ مەن تيانجيننىڭ قارتتاردى كۇتىمدەۋ نىساندارىن حىبەيدەگى شارت - جاعدايى بار جەرلەرگە كەڭەيتە ورنالاستىرۋدى ىلگەرىلەتۋ كەرەك“.
حىبەيدەگى قالىڭ كادرلار مەن بۇقارا باس شۋجي شي جينپيڭنىڭ تاپسىرماسىن ەستە بەرىك ساقتاپ، بۇكىل ولكە بويىنشا بەيجيڭ - تيانجين - حىبەيدىڭ ەمدەۋ - دەنساۋلىق ساقتاۋ ىستەرىنىڭ سايكەستى دامۋىن ىشكەرىلەي ىلگەرىلەتىپ، كوپ ءتۇرلى شارا قولدانىپ، بۇقارانىڭ ەمدەلۋىنە قولايلىلىق جاساپ، كوپ ءتۇرلى جولدارمەن ەمدەۋ قىزمەت وتەۋ قابىلەتىن جوعارىلاتىپ، ەمدەۋ - كۇتىمدەۋ، سالاماتتىق كاسىبىن دامىتىپ، زورايتىپ، بەيجيڭ، تيانجيندەگى قارتتاردى حىبەيگە كەلىپ كۇتىمدەلۋگە باۋراپ، بەيجيڭ - تيانجين - حىبەيدى ۇشتاستىرۋ جانە وعان قىزمەت وتەۋ بارىسىندا جەدەل دامىدى.
باسقا جەردە ەمدەلۋدە تىكەلەي ەسەپ جابۋ ىسكە قوسىلدى، بەيجيڭ مەن تيانجيننىڭ باسقا جەردە ەمدەلۋىن ەستەلىككە الۋ كۇشىنەن قالدىرىلدى، بەيجيڭ - تيانجين - حىبەيدىڭ ەمدەۋ بىرىككەن تۇلعاسى قۇرىلىسى ىلگەرىلەتىلدى... ”اۋرۋ كورسەتۋ، قارتتاردى كۇتىمدەۋ اناعۇرلىم قولايلى بولدى“. حىبەيدە كوپتەگەن بۇقارا بەيجيڭ - تيانجين - حىبەيدىڭ سايكەستى دامۋ ستراتەگياسى الا كەلگەن حالىق تۇرمىسىنىڭ باقىتىن تىكە، شىنايى سەزىندى.
ەستەلىككە الۋ جاپپاي كۇشىنەن قالدىرىلىپ، 3 جەردە باسقا جەردە ەمدەلۋدە ”ءبىر كارتوچكانى ورتاق پايدالانۋ“ جولعا قويىلدى
جۇڭگو مەديتسينا عىلىم اكادەمياسى وسپە اۋرۋلار شيپاحاناسىنىڭ قىزمەت وتەۋ تەرەزەسىندە ۋەي يۇيحاي بىرنەشە مينۋتتا - اق ەسەپ جابۋ راسمياتىن ءبىتىرىپ بولدى، ول بىلاي دەدى: ”حىبەيدىڭ ەمدەۋ قامسىزداندىرۋ كارتوچكاسىن الىپ، بەيجيڭدە ەمدەلگەندە تىكەلەي ەسەپ جابۋعا بولادى! بالنيتسادا 6 كۇن جاتىپ ەمدەلدىم، 4 مىڭ 300 يۋاننان استام اقشا جۇمسادىم، ەمدەۋ قامسىزداندىرۋىنان 3 مىڭ يۋان تىكەلەي ەسەپتەن كوتەرىلدى“.
ۋەي يۇيحاي حىبەي ولكەسى شىجياجۋاڭ قالاسىنىڭ جىڭديڭ اۋدانىنان كەلگەن، قامسىزداندىرۋعا قاتىناسقان زەينەتكە شىققان قىزمەتكەر. 2010 - جىلى وكپە اۋرۋىنا شالدىققان دەپ دياگنوز قويىلعاننان كەيىن ول بەيجيڭ مەن جىڭديڭ اراسىندا بارىپ - كەلىپ اۋىق - اۋىق ەمدەلىپ تۇرعان.
”بۇرىن بەيجيڭگە بارىپ اۋرۋ كورسەتۋدە، ءسوز جوق، الدىن الا ەستەلىككە الدىرۋىمىز كەرەك بولاتىن. ۇمىتىپ قالساق، كەيىنگى راسىميات وتەۋ ءبىرشاما اۋرەشىلىك ەدى“. ۋەي يۇيحاي بىلاي دەدى: بۇرىن ەمدەۋ قامسىزداندىرۋىنان پايدالانىپ تىكەلەي ەسەپ جابۋ مۇمكىن ەمەس، تەك ءوزىمىز الدىمەن تولەي تۇرامىز، شيپاحانادان شىققاننان كەيىن، اۋرۋ تاريحى، قاراجاتتىڭ ەگجەي - تەگجەيلى ەسەبى، بالنيتساعا جاتۋ ەساباتى جانە ازاماتتىق كۋالىك، بانكە كارتوچكاسى سياقتىلاردى الىپ جىڭديڭ اۋدانىنا بارىپ ەسەپتەن كوتەرتەمىز، 30 قىزمەت كۇنى تولعان سوڭ عانا ەسەپكە كىرەتىن.
بۇقارانىڭ باسقا جەردە ەمدەلۋىنە قولايلى بولۋ ءۇشىن، حىبەي ولكەسى تاياۋ جىلداردان بەرى ولكە اتتاپ باسقا جەردە ەمدەلۋدە تىكەلەي ەسەپ جابۋدا ءتۇيىن ەتىلگەن ەمدەۋ، ءدارى - دارمەك قۇرىلىمدارىنىڭ كولەمىن كەڭەيتۋ قىزمەتىن بەلسەنە ىلگەرىلەتتى. 2022 - جىلى حىبەي ولكەسى ولكە اتتاپ باسقا جەردە ەمدەلىپ، بالنيتساعا جاتىپ ەمدەلۋدە تىكەلەي ەسەپ جابۋ شاماسى %91.25 كە جەتىپ، بۇكىل ەل بويىنشا الدىڭعى قاتارعا ءوتتى. 2023 - جىلى 2 - ايدان باستاپ حىبەي ولكەسى قامسىزداندىرۋعا قاتىناسۋشىلاردىڭ بەيجيڭ مەن تيانجينگە بارىپ باسقا جەردە ەمدەلۋىندە ەستەلىككە الۋ رەسميەتىن كۇشىنەن قالدىردى. 2023 - جىلى 4 - ايدان باستاپ بەيجيڭ، تيانجين، حىبەي سىندى 3 جەر باسقا جەردە ەمدەلۋدە ەستەلىككە الۋدى جاپپاي كۇشىنەن قالدىرىپ، 3 جەردىڭ باسقا جەردە ەمدەلۋىندە ”ءبىر كارتوچكانى ورتاق پايدالانۋدى“ جۇزەگە اسىردى.
حىبەي ولكەلىك ەمدەۋدى قامتاماسىزداندىرۋ مەكەمەسىنىڭ قامسىزداندىرۋعا قاتىناسۋدى تىزىمدەۋ جانە باسقا جەردە ەمدەلۋ ورتالىعىنىڭ مەڭگەرۋشىسى ۋاڭ رۇيجۇن بىلاي دەپ تانىستىردى: حىبەي ولكەسى بەيجيڭ مەن تيانجيننىڭ ولكە اتتاپ باسقا جەردە ەمدەلۋدە ەستەلىككە الۋدى كۇشىنەن قالدىرعاننان بەرى بۇكىل ولكەدەگى قامسىزداندىرۋعا قاتىناسۋشىلاردىڭ بەيجيڭ مەن تيانجينگە بارىپ ەمدەلۋىن تىكەلەي ەسەپتەن كوتەرۋى 10 ميلليون 774 مىڭ 400 ادام - رەتكە جەتتى.
ەمدەۋ سەلبەستىگىن ورىستەتىپ، ەمدەۋ دەڭگەيىنىڭ ۇزدىكسىز جوعارىلاۋىنا جەتەكشىلىك ەتتى
”ىرگەدە - اق بەيجيڭنىڭ ساپالى ەمدەۋ قىزمەت وتەۋىنەن يگىلىكتەنە الامىز، وتە جاقسى بولدى!“ ايەلىنىڭ وپەراتسيا جاساتقاننان كەيىن كۇن سايىن ساۋىعىپ كەلە جاتقانىن كورگەن شىجياجۋاڭ قالاسىنىڭ تۇرعىنى لي حۇڭبو كوپ جەڭىلدەدى.
2023 - جىلى جازدا لي حۇڭبونىڭ ايەلىنىڭ وڭ اياعى اياق استىنان قيمىلداي الماي، جەرگىلىكتى ورىنداعى كوپتەگەن شيپاحاناعا كورسەتەدى، جۇلىن ۇلپا ءتارىزدى قان تامىر وسپەسى دەپ دياگنوز قويىلىپ، تەز ارادا وپەراتسيا جاساۋعا تۋرا كەلەدى.
اۋرۋ جاعدايىن تۇراقتاندىرۋ، مامانداردى بىرلەسىپ دياگنوز قويۋعا ۇيىمداستىرۋ، شۋان - ۋ شيپاحاناسىنىڭ ماماندار ۇيىرمەسىمەن ەمدەۋ جوباسىن الىستان اقىلداسۋ... لي حۇڭبونىڭ ايەلى استانا مەديتسينا داشۋەسىنىڭ شۋان - ۋ شيپاحاناسى مەن حىبەي مەديتسينا داشۋەسىنىڭ 1 - شيپاحاناسى بىرگە قۇرعان شۋان - ۋ شيپاحاناسىنىڭ حىبەي شيپاحاناسىنا كەلىپ ەمدەلدى، شۋان - ۋ شيپاحاناسىنىڭ تىرەۋ نەرۆ سىرتقى اۋرۋلار مامانى وپەراتسياداعى نەگىزگى كۇش بولىپ، وپەراتسيا ءساتتى ورىندالدى.
بەيجيڭ - تيانجين - حىبەيدى سايكەستى دامىتۋ ستراتەگياسىنىڭ ارقاسىندا، حىبەي ولكەسى بەيجيڭ، تيانجيندەگى جوعارى دەڭگەيدەگى ەمدەۋ قۇرىلىمدارىن سەلبەسىپ بىرگە قۇرۋعا ەنگىزدى. 2021 - جىلى 6 - ايدا مەملەكەتتىك وڭىرلىك ەمدەۋ ورتالىعى قۇرىلىسى نىسانى استانا مەديتسينا داشۋەسى شۋان - ۋ شيپاحاناسى حىبەي شيپاحاناسى شىجياجۋاڭعا رەسمي ىرگە تەپتى.
سەلبەسىپ بىرگە قۇرۋ ساپالى ەمدەۋ بايلىعىنىڭ تومەنگە ءتۇسۋىن ىلگەرىلەتتى. شۋان - ۋ شيپاحاناسى حىبەي شيپاحاناسىنىڭ باستىعى ۋاڭ يۇيپيڭ بىلاي دەدى: ”نىسان باستالعاننان كەيىن ءبىز دالمە - ءدال كومەكتەسىپ، ءتۇيىندى تۇردە سۇيەمەلدەپ، وزىق ەمدەۋ تەحنيكاسىنىڭ جىلدام جىلجۋىن جۇزەگە اسىرىپ، حىبەي ولكەسىنىڭ ەمدەۋ قۇرىلىمدارىنىڭ نەرۆ جۇيەسى ارناۋلى ماماندىق قابىلەتى جاعىنداعى ولقىلىقتاردى، ءالسىز تۇستاردى تولتىردىق. شۋان - ۋ شيپاحاناسى 43 ءتۇرلى جاڭا تەحنيكانى، جاڭا نىساندى پاراللەل كوشىرىپ، حىبەي ولكەسىندەگى 22 ءتۇرلى بوستىقتى تولتىردى“.
سەلبەسىپ بىرگە قۇرۋ ەمدەۋ دەڭگەيىنىڭ جوعارىلاۋىن جەبەدى. شۋان - ۋ شيپاحاناسى حىبەي شيپاحاناسى تىرەۋ نەرۆ سىرتقى اۋرۋلار ءبولىمىنىڭ مەڭگەرۋشىسى ليۋ جيانفىڭ − شىجياجۋاڭدا تۋىپ - وسكەن شيپاگەر. 2022 - جىلى ول شۋان - ۋ شيپاحاناسىنا جارىم جىل ءبىلىم تولىقتاۋعا جىبەرىلەدى. ليۋ جيانفىڭ بىلاي دەدى: ”ءبىز ناۋقاستاردى باسقارۋ سىندى ەڭ نەگىزگى قىزمەتتەن باستاپ ىستەيمىز، شيپاگەرلەردى مامانداردان وپەراتسيا جاساۋ بارىسىندا ۇيرەنۋگە، سوڭىندا وپەراتسيا جاساۋداعى نەگىزگى كۇش بولۋعا جەتەلەيمىز، ولار وسىلايشا تەز العا باسادى. قازىر حىبەي مەديتسينا داشۋەسىنىڭ 1 - شيپاحاناسى ىلگەرىندى - كەيىندى 50 نەشە ادامدى شۋان - ۋ شيپاحاناسىنا ءبىلىم تولىقتاۋعا، ۇيرەنۋگە جىبەردى. اۋىس - كۇيىستىڭ، سەلبەستىكتىڭ ۇزدىكسىز تەرەڭدەۋىنە بايلانىستى، ەكى شيپاحانانىڭ ەمدەۋ ولشەمى بىرتىندەپ بىرلىككە كەلىپ، شىجياجۋاڭداعى جەرگىلىكتى ورىننىڭ قيىن اۋرۋلاردى قابىلداۋ - ەمدەۋ قابىلەتى كورنەكتى جوعارىلادى“.
قازىر حىبەيدە 8 مەملەكەتتىك وڭىرلىك ەمدەۋ ورتالىعى نىسانى شىجياجۋاڭ، باۋديڭ، فۋكوۋ جانە چينحۋاڭداۋدا تياناقتاندى، سونىمەن بىرگە، ولكە دارەجەلى 4 وڭىرلىك ەمدەۋ ورتالىعى جوبالاندى. بۇكىل ولكەدەگى رايونعا بولىنگەن قالالار بەيجيڭ - تيانجين - حىبەيدىڭ ەمدەۋ بىرىككەن تۇلعاسى قۇرىلىسىن جاپپاي قامتۋدى جۇزەگە اسىرىپ، ساپالى ەمدەۋ بايلىعىن ۇزدىكسىز ارتتىردى.
بايلىقتى بىرىكتىرىپ، ۇشتاستىرىپ، ەمدەۋ، كۇتىمدەۋ، سالاماتتىق كاسىبىن جەدەل دامىتتى
كەڭىستىك كورۋ تۇيسىگى تەحنيكاسى تەڭىز - مۇحيت، ورمان سياقتى كورىنىستەرگە ەلىكتەۋ نەگىزىندە، تولقىن داۋىسى مەن قۇستاردىڭ سايراعان ءۇنىن جەتكىزىپ، كورۋ تۇيسىگى مەن ەستۋ تۇيسىگىنىڭ ءوزارا اسەرى ارقىلى ادامنىڭ كوڭىل كۇيىن جادىراتادى... حىبەي ولكەسى فۋپيڭ جيڭشي كۇتىنۋ ورتالىعىنىڭ كورۋ تۇيسىگىن ەمدەۋ بولمەسىندە، 68 جاستاعى بەيجيڭدەگى زەينەتكە شىققان قىزمەتكەر شۇي حۇڭمەي ۇيقىنى جاقسارتاتىن كۇتىنۋ ەمدەۋىن قابىلداۋدا. ”جايشىلىقتا، ءسوز جوق، قول تەلەفوندى از كورىپ، كوبىرەك سەيىلدەڭىز“. ەمدەۋ اياقتاعان سوڭ جاۋاپتى شيپاگەر كوڭىل بولۋگە ءتيىستى ىستەردى وسىلاي قاداعالاپ جاتتى.
زەينەتكە شىققاننان كەيىن بەيجيڭنەن حىبەيگە كەلگەن شۇي حۇڭمەي تايحاڭشان رايونىنىڭ كۇن سايىن جاقسارعان ەكولوگيالىق ورتاسى مەن حىبەيدىڭ ەمدەۋ قىزمەت وتەۋ قابىلەتىنىڭ ۇزدىكسىز جوعارىلاۋىنا قىزىقتى.
بەيجيڭ - تيانجين - حىبەيدىڭ ەمدەۋ - دەنساۋلىق ساقتاۋدى سايكەستى دامىتۋ ورايىن مىقتى يگەرگەن حىبەي ولكەسى تاياۋ جىلداردان بەرى ءبىرقىدىرۋ ساياساتتىق قۇجات شىعارىپ، بەيجيڭ - تيانجين ءوڭىرىن ماڭىزدى ءتۇيىن ەتىپ، بايلىقتى بىرىكتىرىپ، ۇشتاستىرىپ، ەمدەۋ، كۇتىمدەۋ، سالاماتتىق كاسىبىنىڭ جەدەل دامۋىن جەبەدى.
2023 - جىلى 5 - ايدا ەمدەۋ مەن كۇتىمدەۋدى ۇشتاستىرۋ قىزمەت وتەۋىن نەگىز ەتكەن فۋپيڭ جيڭشي كۇتىنۋ ورتالىعى ىسكە قوسىلدى. ورتالىقتىڭ جاۋاپتىسى سۇڭ تيەچۇي بىلاي دەپ تانىستىردى: ”ورتالىقتا سالاماتتىق امبۋلاتورياسى، ازىق - تۇلىك ورتالىعى، قيمىل ءۇيى سياقتى سايكەستى نىساندار بار، قارتتاردىڭ كوپ ءتۇرلى قاجەتىن قاناعاتتاندىرا الادى. ولار فۋپيڭ اۋداندىق جۇڭگوشا ەمدەۋ شيپاحاناسىمەن ءوزارا ىقپالداستىق سەلبەستىگىن ورىستەتىپ، سالاماتتىق ەمدەۋ ءىرى ساندى مالىمەت تۇعىرىنا سۇيەنىپ، جاقىن ماڭدا سالاماتتىق باسقارۋ قىزمەت وتەۋىمەن قامدايدى. سونىمەن بىرگە، ورتالىعىمىز بەيجيڭ شيەحى شيپاحاناسى، بەيجيڭ داشۋەسى 3 - شيپاحاناسى قاتارلىلارمەن ەمدەۋ ورتاق تۇلعاسىن قۇرىپ، مامانداردىڭ وتىرىپ دياگنوز قويۋى مەن الىس ارالىقتان ەمدەۋىن ءوزارا ۇشتاستىرىپ، ءبىرىنشى شەپتەگى قالالاردىڭ ەمدەۋ بايلىعىنىڭ تومەنگە ءتۇسۋىن جۇزەگە اسىرىپ، وپەراتسيادان كەيىنگى ساۋىقتىرۋ، سوزىلمالى اۋرۋلاردى رەتكە كەلتىرۋ قاجەتى بار قارتتارعا دەنساۋلىق جاعىنان قىزمەت وتەپ، بەيجيڭ، تيانجيندەگى قارتتاردى باۋرادى.
قازىر حىبەيدىڭ ەمدەۋ مەن كۇتىمدەۋدى ۇشتاستىرۋ قۇرىلىمى 789 عا جەتىپ، 5 جىلدىڭ الدىنداعىدان 3 ەسەدەن استام ارتتى. حىبەي ولكەلىك دەنساۋلىق ساقتاۋ، سالاماتتىق كوميتەتى قارتتار سالاماتتىق باسقارماسىنىڭ باستىعى يان شياۋدۇڭ بىلاي دەدى: ”بەيجيڭ - تيانجين ءوڭىرىن اينالا ورنالاسقان 397 قارتتاردى كۇتىمگە الۋ قۇرىلىمى ’كۇتىمدەۋ ورنى بولۋدى، شيپاحانالار دا بولۋدى‘ جۇزەگە اسىردى، مۇنىڭ ىشىندە ەمدەۋ مەن كۇتىمدەۋدى ۇشتاستىرعان 19 قۇرىلىم بەيجيڭ قالاسىنىڭ ەمدەۋ مەن كۇتىمدەۋدى ۇشتاستىرعان الىس ارالىقتى سەلبەسىپ قىزمەت وتەۋ تۇعىرىنا ەنگىزىلدى“.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
