شي جينپيڭ 20 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە ماڭىزدى ءسوز سويلەپ بىلاي دەپ دارىپتەدى
پارتيانىڭ وزىندىك توڭكەرىسىن ىشكەرىلەي ىلگەرىلەتىپ، شىرىكتەسۋگە قارسى تۇرۋ كۇرەسىندە قامال الۋ شايقاسىنىڭ جەڭىسىنە باتىل قول جەتكىزۋ كەرەك
لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى، لي شي ءماجىلىستى باسقاردى
2024.01.09 14:24 كەلۋ قاينارى : حالىق تورابى
 |
1 - ايدىڭ 8 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە ماڭىزدى ءسوز سويلەۋدە.
سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
|
«حالىق گازەتى»، 1 - ايدىڭ 8 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 8 - كۇنى تۇستەن بۇرىن جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە ماڭىزدى ءسوز سويلەدى. ول بىلاي دەپ دارىپتەدى: جاڭا داۋىردەگى 10 جىلدا شىرىكتەسۋگە قاجىماي - تالماي مىعىم كۇشپەن قارسى تۇرۋ ارقىلى شىرىكتەسۋگە قارسى تۇرۋ كۇرەسى پارمەندى جەڭىسكە جەتتى ءارى جاپپاي بەكەمدەلدى، ءبىراق اۋقىم ءالى دە اۋىر، كۇردەلى. ءبىز شىرىكتەسۋگە قارسى تۇرۋ كۇرەسىنىڭ جاڭا جاعدايىن، جاڭا بەتالىسىن ايقىن تانۋىمىز، شىرىكتەسۋ ماسەلەسىنىڭ تۋىلۋ توپىراعى مەن شارت - جاعدايىن ايقىن تانۋىمىز، ماڭگى جالعاستىراتىن قايسارلىق جانە تاباندىلىق ارقىلى دالمە - ءدال كۇش سالىپ، ۇزدىكسىز كۇش سالىپ، شىرىكتەسۋگە قارسى تۇرۋ كۇرەسىنەن قامال الۋ شايقاسىنىڭ جەڭىسىنە باتىل قول جەتكىزۋىمىز كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ ماجىلىسكە قاتىناستى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي ءماجىلىستى باسقاردى.
شي جينپيڭ بىلاي دەپ اتاپ كورسەتتى: 2023 - جىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى. پارتيا ورتالىق كوميتەتى پارتيانىڭ وزىندىك توڭكەرىسىن تاباندىلىقپەن ىلگەرىلەتىپ، بۇكىل پارتيادا جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، پارتيانىڭ جاڭالىق اشۋ نازارياسىمەن زەيىن - زەردەنى، رۋحتى سومداۋدا تاباندى بولىپ، ساياسي باقىلاۋدىڭ ناقتىلانۋىن، دالمە – ءدال بولۋىن، ۇدايىلانۋىن كۇش سالا ىلگەرىلەتىپ، فورماشىلدىق، تورەشىلدىك كورنەكتى ماسەلەلەرىن كۇش سالا جونگە سالىپ، پارتيا مۇشەلەرى مەن كادرلار قوسىنىنداعى جۇرتتى زيانداۋشىلاردى باتىل الاستاپ، پارتيا مۇشەلەرىن، كادرلاردى باسقارۋدى، باقىلاۋدى قاتاڭ، شىنايى كۇشەيتىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتىپ، پارتيا 20 - قۇرىلتايىنىڭ شەشىمدەرى مەن ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، جاڭا ساپاردىڭ باستالۋىنا پارمەندى جەتەكشىلىك ەتتى جانە ونى قامتاماسىزداندىردى.
شي جينپيڭ بىلاي دەپ دارىپتەدى: پارتيامىز دۇنيە جۇزىندەگى ەڭ ۇلكەن ماركسيزمدىك بيلىكتى پارتيا رەتىندە، قايتكەندە تىنىشتىق - بىلىقپالىق، گۇلدەنۋ - قۇلدىراۋ سىندى تاريحي پەريودتان ءساتتى اتتاپ شىعىپ، پارتيانىڭ ماڭگى ساپاسىنىڭ وزگەرمەۋىنە، سيپاتىنىڭ وزگەرمەۋىنە، قاسيەتىنىڭ وزگەرمەۋىنە كەپىلدىك ەتە الادى؟ بۇل − بۇكىل پارتياداعى جولداستاردىڭ الدىنا قويىلعان ستراتەگيالىق ماسەلە. پارتيا 18 - قۇرىلتايىنان بەرى پارتيانى جاپپاي قاتاڭ جونگە سالۋدى ىلگەرىلەتۋدىڭ ۇلى امالياتى بارىسىندا، ءبىز ۇزدىكسىز امالياتتىق ىزدەنىس جانە جانە نازاريالىق جاقتان وي جۇگىرتىپ، ماۋ زىدۇڭ جولداستىڭ سول جىلدارى بەرگەن ”ۇكىمەتتى حالىق باقىلايدى“ دەگەن ءبىرىنشى جاۋابى نەگىزىندە، ەكىنشى جاۋابىن بەردىك، بۇل پارتيانىڭ وزىندىك توڭكەرىسىن ۇزدىكسىز ىلگەرىلەتۋ ەدى. جاڭا داۋىردەگى پارتيانى جاپپاي قاتاڭ جونگە سالۋدىڭ 10 جىلدىق امالياتى مەن نازاريالىق ىزدەنىسى بارىسىندا، ءبىز پارتيانىڭ وزىندىك توڭكەرىسى جونىندەگى تانىمدى ۇزدىكسىز تەرەڭدەتىپ، مول امالياتتىق تاجىريبە توپتاپ، ءبىرقىدىرۋ ماڭىزدى نازاريالىق جەتىستىك قالىپتاستىرىپ، پارتيامىز نە ءۇشىن وزىندىك توڭكەرىس جاسايدى، نە ءۇشىن وزىندىك توڭكەرىس جاساي الادى، وزىندىك توڭكەرىستى قالاي ىلگەرىلەتەدى دەگەن سياقتى كەلەلى ماسەلەلەرگە جۇيەلى جاۋاپ بەردىك.
شي جينپيڭ بىلاي دەپ اتاپ كورسەتتى: پارتيانىڭ وزىندىك توڭكەرىسىن ىشكەرىلەي ىلگەرىلەتۋ امالياتىندا مىناداي 9 ماسەلەنى ويداعىداي يگەرۋ قاجەت: پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا تاباندى بولۋدى ءتۇبىرلى كەپىل، ۇلى قوعامدىق توڭكەرىسكە جەتەكشىلىك ەتۋدى ءتۇبىرلى ماقسات، جاڭا ءداۋىر جۇڭگوشا سوتسياليزم يدەياسىن ءتۇبىرلى تياناق، تاريحي پەريودتان اتتاپ شىعۋدى ستراتەگيالىق نىسانا، ءىرى پارتيالاردىڭ وزگەشە قيىن ماسەلەلەرىن شەشۋدى نەگىزگى قامال الۋ باعىتى، پارتيانى جاپپاي قاتاڭ جونگە سالۋ جۇيەسىن كەمەلدەندىرۋدى ءونىمدى جول، پارمەندى ۇيىم قۇرۋدى، ىسىلعان قوسىن قۇرۋدى ماڭىزدى كۇش سالۋ ءتۇيىنى، ستيلدى دۇرىستاپ، ءتارتىپتى قاتايتۋدى ماڭىزدى تۇتقا، ءوزىن - ءوزى باقىلاۋ مەن حالىقتىڭ باقىلاۋىن ۇشتاستىرۋدى قۇدىرەتتى قوزعاۋشى كۇش ەتۋ كەرەك. يدەيانى ازات ەتۋدە، شىندىقتى ءىس جۇزىنەن ىزدەۋدە، داۋىرمەن بىرگە العا باسۋدا، دۇرىس جولدان تايماي جاڭالىق اشۋدا تاباندى بولىپ، امالياتتىق ىزدەنىس پەن نازاريالىق جاڭالىق اشۋدى ۇزدىكسىز جۇرگىزىپ، پارتيانىڭ وزىندىك توڭكەرىسىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، پارتيانىڭ وزىندىك توڭكەرىسىنىڭ وي جەلىسى مەن شارالارىن اناعۇرلىم قاتايتىپ، ءاربىر شەپتىڭ، ءاربىر بۋىننىڭ وزىندىك توڭكەرىسىن ناقتى، ىشكەرىلەي يگەرۋ كەرەك.
شي جينپيڭ بىلاي دەپ دارىپتەدى: جاڭا جورىقتا شىرىكتەسۋگە قارسى تۇرۋ كۇرەسىندە، ءسوز جوق، شىرىكتەسۋ ماسەلەسىنىڭ تۋىلۋ توپىراعى مەن شارت - جاعدايىن الاستاۋعا ۇزدىكسىز كۇش سالىپ، ىشكەرىلەي ىلگەرىلەتۋ كەرەك. جالپى تالاپ مىناۋ: شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدە تاباندى بولىپ، ۇستىنەن وڭاۋ مەن تۇبىرىنەن وڭاۋدى ۇشتاستىرۋدى، جۇيەلى جونگە سالۋدى تەرەڭدەتىپ، شىرىكتەسۋگە قارسى تۇرۋ كۇرەسىنىڭ تەرەڭدىگىن، كەڭدىگىن ۇزدىكسىز كەڭەيتىپ، اۋرۋعا قاراي ءدارى بەرىپ، دالمە - ءدال جونگە سالىپ، كوپ ءتۇرلى شارانى قاتار قولدانىپ، قايتا - قايتا قوزعان كونە ماسەلەلەردى بىرتىندەپ ازايتىپ، جاڭادان جارىققا شىققان ماسەلەلەردىڭ ءورشۋىن توسىپ، شىرىكتەسۋ ماسەلەسىنەن ساقتانۋ مەن ونى جونگە سالۋدىڭ ۇدايىلانۋىن، ۇزاق ۋاقىت ءونىمدى بولۋىن ىلگەرىلەتۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ شىرىكتەسۋگە قارسى تۇرۋ كۇرەسىنە ورتالىقتانعان ءبىر تۇتاس باسشىلىعىن كۇشەيتۋ كەرەك. ءار دارەجەلى پارتكومدار شىرىكتەسۋگە قارسى تۇرۋ كۇرەسىنىڭ تۇتاس بارىسىنا باسشىلىقتى شىن مانىندە كۇشەيتىپ، شىرىكتەسۋ دەلولارىن تەكسەرىپ ءبىر جاقتى ەتۋدى باتىل قولداپ، ماسەلەلەردى رەتتەۋ - تۇزەتۋدى شىنداپ كىرىسىپ مىقتى يگەرۋى كەرەك. ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ارناۋلى جاۋاپتى ورگان رەتىندە، جاۋاپكەرلىكتى اناعۇرلىم ىرىقتىلىقپەن ارقالاپ، پارتكومنىڭ شىرىكتەسۋگە قارسى تۇرۋ قىزمەتىن ۇيىمداستىرۋىنا، سايكەستىرۋىنە پارمەندى، ءونىمدى تۇردە سەلبەسىپ، شىرىكتەسۋگە قارسى تۇرۋدىڭ تۇتاس تىزبەكتى كۇشىن بىرىكتىرۋى كەرەك. ءارقايسى فۋنكتسيالىق تاراۋ جوعارى ونىمدىلىكپەن سايكەسۋدە تاباندى بولىپ، پارتيا ورتالىق كوميتەتىنىڭ شىرىكتەسۋگە قارسى تۇرۋ جونىندەگى شەشىمدەرى مەن ورنالاستىرۋلارىن سانالى تۇردە ناقتى ارەكەتكە اينالدىرۋى كەرەك.
شي جينپيڭ بىلاي دەپ دارىپتەدى: شىرىكتەسۋدى جازالاۋدىڭ تەگەۋرىندى كۇيىن ۇزدىكسىز ساقتاۋ كەرەك. ءالى دە قاتاڭ دا كۇردەلى اۋقىم الدىندا، شىرىكتەسۋگە قارسى تۇرۋدا استە ارتقا قايتۋعا، بوساڭسۋعا، كوڭىلشەكتىك ىستەۋگە بولمايدى، ءسوز جوق، ماڭگى اتوي سالۋ دابىلىن قاعۋ كەرەك. ”جەتى ءتۇرلى نىساي“ ماسەلەسىن ۇزدىكسىز قاداعالاپ، ۇكىمەت پەن ساۋدا استاسقان شىرىكتەسۋدى قاتاڭ جازالاۋدى قامال الۋ شايقاسىنىڭ ەڭ ماڭىزدى ءتۇيىنى ەتىپ، ۇقىقتى سۇيەنىش ەتكەن كاپيتالدىڭ پايدا قۋۋ ارەكەتىنە باتىل سوققى بەرىپ، ءتۇرلى مۇددە توپتارىنىڭ، ۇقىق توپتارىنىڭ ساياسي سالاعا ءسىڭىپ كىرۋىنەن باتىل ساقتانۋ كەرەك. فينانس، مەملەكەت مەنشىگىندەگى كاسىپورىندار، ەنەرگيا، ءدارى - دارمەك جانە نەگىزگى قۇرىلىس ينجەنەرياسى سياقتى ۇقىقتار شوعىرلانعان، قارجى شوعىرلانعان، بايلىق شوعىرلانعان سالالارداعى شىرىكتەسۋدى ىشكەرىلەي جونگە سالىپ، حاۋىپ - قاتەر مەن كومەسكى قاتەرلەردى اداقتاۋ كەرەك. ”شىبىندار مەن قۇمىرىسقالاردىڭ شىرىكتەسۋىن“ جازالاپ، بۇقارانى اناعۇرلىم كوپ تابىس سەزىمىنە بولەۋ كەرەك.
شي جينپيڭ بىلاي دەپ اتاپ كورسەتتى: رەفورمانى تەرەڭدەتىپ، شىرىكتەسۋدىڭ ءورشۋىن، جايىلۋىن توسۋ كەرەك. شىرىكتەسۋدىڭ ءمانى − ۇقىقتى بەتالدى پايدالانۋ. ساياسات بەلگىلەۋ، شەشىم جاساۋ، تەكسەرىپ بەكىتۋ، باقىلاۋ - باسقارۋ سياقتى شەشۋشى ۇقىقتاردى مىقتى يگەرىپ، نازاردى ءتۇيىندى سالالارعا شوعىرلاندىرىپ، ءتۇزىلىس - مەحانيزم رەفورماسىن تەرەڭدەتىپ، جاڭادان گۇلدەنگەن سالالاردى جونگە سالۋ مەحانيزمى قۇرىلىسىن جەدەلدەتىپ، ۇقىقتى ورنالاستىرۋ مەن اينالىمدى تەجەۋ مەحانيزمىن كەمەلدەندىرىپ، ءتۇزىم ساڭلاۋلارىن ونان ارى بىتەپ، ەركىن كەسىم جاساۋ ۇقىعىن ارناعا ءتۇسىرىپ، پايدا ءتۇسىرۋ ورايىن ازايتۋ كەرەك. شىرىكتەسۋدەن ساقتاندىرۋ، جازالاۋدىڭ ىقپالداستىق مەحانيزمىن ورناتىپ، پاكتىك حاۋىپ - قاتەرىنىڭ كومەسكى قاتەرىن اۋقىمدىق باقىلاۋدى كۇشەيتىپ، جاڭاشا شىرىكتەسۋ مەن كومەسكى شىرىكتەسۋدى جەدەل ءبىر جاقتى ەتۋدى كۇشەيتۋ كەرەك.
شي جينپيڭ بىلاي دەپ دارىپتەدى: شىرىكتەسۋگە قارسى تۇرۋ زاڭ - ەرەجەلەرىن، تۇزىمدەرىن اناعۇرلىم اقاۋسىزداندىرۋ كەرەك. شىرىكتەسۋگە باتىلدىق ەتپەۋ، شىرىكتەسۋگە مۇمكىندىك بولماۋ، شىرىكتەسۋدى ويىنا الماۋ سياقتىلاردى ءبىر تۇلعادا ىلگەرىلەتۋدى ارقاۋ ەتىپ، نەگىزدىك زاڭ - ەرەجە، تۇزىمدەردى كەمەلدەندىرىپ، ”ءبىرىنشى باسشى“ مەن باسشىلىق القانى باقىلاۋدىڭ سايكەستى ءتۇزىمىن اقاۋسىزداندىرۋ، كۇشەيتۋ كەرەك. شىرىكتەسۋگە قارسى تۇرۋ جونىندە مەملەكەتتىڭ زاڭ شىعارۋىن ۇزدىكسىز ىلگەرىلەتىپ، باقىلاۋ - تەكسەرۋ زاڭىنا داۋىرمەن بىرگە العا باسۋ نەگىزىندە وزگەرىس ەنگىزىپ، جاڭادان وزگەرىس ەنگىزىلگەن ءتارتىپ جازاسى ەرەجەسىن ۇيرەنۋدى، دايەكتىلەندىرۋدى وراي ەتىپ، بۇكىل پارتيادا شوعىرلى ءتارتىپ تاربيەسىن ورىستەتۋ كەرەك. ءتۇيىندى زاڭ - ەرەجەلەردىڭ، تۇزىمدەردىڭ اتقارىلۋ جاعدايىن باقىلاۋ - تەكسەرۋدى كۇشەيتىپ، ءبىر تۇتاس بويسۇنۋعا، ءبىر تۇتاس اتقارۋعا كەپىلدىك ەتۋ كەرەك.
شي جينپيڭ بىلاي دەپ اتاپ كورسەتتى: پارا بەرۋ ارەكەتىن جازالاۋ سەرپىنىن ارتتىرۋ كەرەك. ۇنەمى كادرلاردى وزىنە تارتىپ، ءبىر جاققا زيان جەتكىزەتىن پارا بەرۋشىلەردى قاتاڭ تەكسەرىپ ءبىر جاقتى ەتىپ، تيپتىك دەلولاردى حابارلاندىرىپ، ءىستى دۇرىس ءتۇسىندىرۋ، قاتە جولعا تۇسۋدەن ساقتاندىرۋ كەرەك. پارا بەرۋدە تاپقان ورىنسىز پايدانى قۋزاپ قايتارىپ الۋ جانە تۇزەتۋ تەبىنىن ارتتىرۋ كەرەك.
شي جينپيڭ بىلاي دەپ دارىپتەدى: ساياسي ەكولوگيانى تاباندىلىقپەن كىرشىكسىزدەندىرۋ كەرەك. جاماندىقتى الاستاۋ مەن ۇزدىكتەردى ۇگىتتەۋدى قاتار جۇرگىزۋدە تاباندى بولىپ، ساياسي ءتارتىپ پەن ساياسي قاعيدانى قاتايتىپ، پارتيا ىشىندەگى ساياسي تۇرمىستى قاتايتىپ، ” كومەسكى ەرەجەلەردى“ تالقانداپ، ”جاريا ەرەجەلەردى“ بەلگىلەپ، ”شاعىن شەڭبەر“ قۇرۋدان، ”ارتقى تىرەككە تابىنۋدان“، ”انتەنناعا ورناتۋدان“ باتىل ساقتانىپ، ءتۇرلى ساياسي الدامكوستەرگە پارمەندى سوققى بەرىپ، تاۋار ايىرباسى پرينسيبىن پارتيا ىشىنە الا كەلۋدەن قاتاڭ ساقتانۋ كەرەك. ادام تاڭداۋ، ادام ىستەتۋدەگى بۇرىس ستيلدەردى تاباندىلىقپەن جونگە سالىپ، كىرشىكسىز جولداستىق قاتىناستىڭ، ەرەجە كولەمىندەگى جوعارى مەن تومەننىڭ قاتىناسىن قالىپتاستىرۋدى ىلگەرىلەتىپ، ساياسي ەكولوگيانىڭ كىرشىكسىزدىگىن جەبەۋ كەرەك.
شي جينپيڭ بىلاي دەپ اتاپ كورسەتتى: جاڭا داۋىردەگى پاكتىك مادەنيەتى قۇرىلىسىن كۇشەيتۋ كەرەك. پارتيالىلىق، پارتيا ستيلى، پارتيا ءتارتىبى تاربيەسىن ىشكەرىلەي ورىستەتىپ، پارتيانىڭ داڭقتى ءداستۇرى مەن تاڭداۋلى ستيلىنە مۇراگەرلىك ەتىپ، كوممۋنيستەردىڭ وسكەلەڭ مۇرات تالپىنىسىن قوزعاپ، ۇقىعىنان پايدالانىپ قارا باسىنىڭ قامىن كۇيتتەۋدى، قياناتشىلدىقتى، شىرىكتەسۋدى اسا زور نامىس دەپ قاراۋ كەرەك. وتباسى تاربيەسىنە، وتباسى ستيلىنە ءمان بەرىپ، باسشى كادرلاردى تۋىس - تۋعاندارىن، پەرزەنتتەرىن قاتاڭ باسقارۋعا قۋزاۋ كەرەك. پاكتىك ۇستانىمىن، پاكتىك تيپتەرىن بەلسەنە ۇگىتتەپ، پاكتىكتى قاستەرلەپ، شىرىكتەسۋدەن باس تارتاتىن تاماشا سالت قالىپتاستىرۋ كەرەك.
شي جينپيڭ بىلاي دەپ دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى − پارتيانىڭ وزىندىك توڭكەرىسىن ىلگەرىلەتەتىن ماڭىزدى كۇش، ەرەكشە ساياسي جاۋاپكەرلىكتى جانە داڭقتى بورىش پەن مىندەتتى ارقالاپ وتىر، ءسوز جوق، باستان - اياق مۇلدەم ادال، مۇلدەم سەنىمدى، مۇلدەم كىرشىكسىز بولۋ كەرەك. تاربيەلەۋ، رەتتەۋ جەتىستىكتەرىن بەكەمدەپ، كەڭەيتىپ، ساياسي ادالدىقتى اناعۇرلىم بەكەمدەپ، ءارقانداي ۋاقىتتا، ءارقانداي جاعدايدا پارتيا ورتالىق كوميتەتىمەن ءبىر نيەت، ءبىر تىلەكتە بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋدى پارتيانىڭ قولباسشىلىعىنا بويسۇنۋدىڭ، پارتيا ءۇشىن جاۋاپكەرلىگىن ادا ەتۋدىڭ ءىس جۇزىندىك ارەكەتىنە اينالدىرۋ كەرەك. پرينسيپتە تاباندى بولىپ، باتىلدىقپەن ايقىن پوزيتسيا ءبىلدىرىپ، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، جاۋاپكەرلىكتى ارقالاپ، جاۋاپكەرلىكتى ادا ەتىپ، ستيلدى دۇرىستاپ، ءتارتىپتى قاتايتىپ، جەمقورلىققا قارسى تۇرىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋ كەرەك. ءتارتىپ تەكسەرۋ، باقىلاۋ - تەكسەرۋ كادرلارى قوسىن قۇرىلىسىن كۇشەيتىپ، جۇرتتى زيانداۋشىلاردى ۇدايىلاندىرىپ الاستاپ، ”شامنىڭ ءتۇبى قاراڭعى“ بولۋدان باتىل ساقتانىپ، وزىنە توڭكەرىس جاساۋدىڭ ونەگەسى، ەرەجەگە، تارتىپكە بويسۇنۋدىڭ ۇلگىسى بولۋعا قۇلشىنىپ، پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك.
لي شي ءماجىلىستى باسقارعاندا بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزىندە پارتيانى جاپپاي قاتاڭ جونگە سالۋدىڭ جاڭا ىلگەرىلەۋشىلىكتەرى، جاڭا ناتيجەلەرى قورىتىندىلانىپ، پارتيانىڭ وزىنە توڭكەرىس جاساۋ ماڭىزدى يدەياسى تەرەڭ پايىمدالىپ، پارتيامىز نە ءۇشىن وزىندىك توڭكەرىس جاسايدى، نە ءۇشىن وزىندىك توڭكەرىس جاساي الادى، وزىندىك توڭكەرىستى قالاي ىلگەرىلەتەدى دەگەن سياقتى كەلەلى ماسەلەلەرگە عىلمي جاۋاپ قايتارىلىپ، ”توعىزعا سۇيەنۋ“ امالياتتىق تالابى ايقىن ورتاعا قويىلىپ، شىرىكتەسۋگە قارسى تۇرۋ كۇرەسىن ۇزدىكسىز كۇش سالىپ، ىشكەرىلەي ىلگەرىلەتۋ جونىندە ستراتەگيالىق ورنالاستىرۋ جاسالدى. ءسوز الىستى بولجاعان، كوز اياسى كەڭ، يدەياسى تەرەڭ، مازمۇنى باي، جاڭا ءداۋىر، جاڭا جورىقتا پارتيانى جاپپاي قاتاڭ جونگە سالۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتۋدىڭ ءتۇبىرلى تياناعى. باس شۋجي شي جينپيڭنىڭ ماڭىزدى ءسوزىنىڭ رۋحىن جانە باس شۋجي شي جينپيڭنىڭ پارتيانىڭ وزىندىك توڭكەرىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، پارتيانى جاپپاي قاتاڭ جونگە سالۋدى، پارتيانىڭ وزىندىك توڭكەرىسىن ىشكەرىلەي ىلگەرىلەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى كەپىلدىك ازىرلەۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستار جانە ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.
ورتالىق ءتارتىپ تەكسەرۋ كوميتەتىنىڭ مۇشەلەرى، ورتالىق پەن مەملەكەت ورگاندارىنىڭ تاراۋلارىنداعى، حالىقتىق ۇيىمدارداعى نەگىزگى جاۋاپتى جولداستار، ارميانىڭ قاتىستى ورىندارىنداعى نەگىزگى جاۋاپتى جولداستار قاتارلىلار ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا وتكىزىلدى، ولكەلەردە، اۆتونوميالى رايونداردا، توتە قاراستى قالالاردا جانە شينجياڭ ءوندىرىس - قۇرىلىس بيڭتۋانىندا، سونداي - اق ارميانىڭ قاتىستى ورىندارىندا بولىمشە ءماجىلىس الاڭى ورنالاستىرىلدى.
جۇڭگو كوممۋنيستىك پارتياسى 20 - كەزەكتى ورتالىق ءتارتىپ تەكسەرۋ كوميتەتىنىڭ ءۇشىنشى جالپى ءماجىلىسى 1 - ايدىڭ 8 - كۇنى بەيجيڭدە اشىلدى. ورتالىق ءتارتىپ تەكسەرۋ كوميتەتىنىڭ تۇراقتى كوميتەتى ءماجىلىستى باسقاردى. 1 - ايدىڭ 8 - كۇنى تۇستەن كەيىن لي شي ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان «باس شۋجي شي جينپيڭنىڭ پارتيانىڭ وزىندىك توڭكەرىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جاڭا جورىقتاعى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىن ىشكەرىلەي ىلگەرىلەتەيىك» دەگەن تاقىرىپتا قىزمەت بايانداماسىن جاسادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
