مەملەكەتتىك ورمان جانە جايىلىم مەكەمەسى: بيىل ەلىمىز مەملەكەت تەرريتورياسىنىڭ 100 ميلليون مۋلىق جەرىن جاسىلداندىردى
2024.01.23 13:15 كەلۋ قاينارى : حالىق تورابى
ءتىلشىنىڭ 1 - ايدىڭ 22 - كۇنى مەملەكەتتىك ورمان جانە جايىلىم مەڭگەرمەسىنەن ۇعىسۋىنشا، بيىل ەلىمىز مەملەكەت تەرريتورياسىن كەڭ كولەمدى جاسىلداندىرۋ ارەكەتىن ۇزدىكسىز عىلىمي جولمەن ورىستەتىپ، مەملەكەت تەرريتورياسىنىڭ 100 ميلليون مۋلىق جەرىن جاسىلداندىرۋدى ورىندايدى، مۇندا جاڭادان 10 ميلليون مۋلىق ورمان قوسىلادى.
2023 - جىلى ەلىمىز عىلىمي جولمەن جاسىلداندىرۋدى ۇزدىكسىز ىلگەرىلەتىپ، ورمان وتىرعىزاتىن، ورماننىڭ سورتىن جاقسارتاتىن جەر كولەمى 125 ميلليون مۋ بولادى، قۇمايتتانعان، تاستاقتانعان جەردەن 28 ميلليون 570 مىڭ مۋ جەردى قالپىنا كەلتىرەدى.
مەملەكەتتىك ورمان جانە جايىلىم مەڭگەرمەسىنىڭ قاتىستى جاۋاپتىسىنىڭ ايتۋىنشا، قازىر مەملەكەت تەرريتورياسىن جاسىلداندىرۋدا ساندىق مولشەرىن ۇزدىكسىز ارتتىرۋ نەگىزىندە، سانى مەن ساپاسىنا بىردەي ءمان بەرۋگە تاباندى بولۋ كەرەك، سولتۇستىك ءۇش وڭىردە ءۇشى ءىرى نىشاندىق شايقاستى ويداعىداي ورىستەتۋدى باستى ءتۇيىن ەتىپ، عىلىمي جولمەن جاسىلداندىرۋداعى ۇلگى رايونعا اينالدىرۋعا كۇش سالۋ قاجەت، وڭتۇستىكتەگى وڭىرلەردە كوللەكتيۆ ورمان ۇقىعى تۇزىمىنە رەفورما جاساۋدى تياناقتاندىرۋدى شىعار ءتۇيىن ەتىپ، ورماننىڭ ساپاسى مەن كومىر قىشقىل گازىن شوعىرلاندىرۋ قۋاتىن كۇش سالا جوعارىلاتۋ كەرەك. (باس ستانسيا ورتالىق تەلەۆيزيا ءتىلشىسى شى شاۋيۇي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
