2023 - جىلى شينجياڭدا قامتاماسىزداندىرۋ سيپاتتى 41 مىڭ تۇرعىن ءۇي سالىندى
2024.01.22 13:52 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوننىڭ تۇرعىن ءۇي جانە قالا - اۋىل قۇرىلىسى قىزمەتى ماجىلىسىنەن ۇعىسۋىنشا، 2023 - جىلى شينجياڭدا مايعا بەرىلەتىن قامتاماسىزداندىرۋ سيپاتتى تۇرعىن ۇيدەن 54 مىڭ 400 ى سالىنعان، مۇنىڭ ىشىندە الەۋمەتتىك مايعا بەرىلەتىن 13 مىڭ 400 ءۇي، قامتاماسىزداندىرۋ سيپاتتى مايعا بەرىلەتىن تۇرعىن ۇيدەن (تومەندە قىسقارتىلىپ ”قامتاماسىزداندىرۋداعى مايعا بەرىلەتىن ءۇي“ دەلىنەدى)41 مىڭ ءۇي بار.
”بۇكىل شينجياڭدا قامتاماسىزداندىرۋ سيپاتتى تۇرعىن ءۇي الەۋمەتتىك مايعا بەرىلەتىن ۇيدەن قامتاماسىزداندىرۋ سيپاتتى مايعا بەرىلەتىن ۇيگە قاراي بۇرىلىس جاساۋدى نەگىزىنەن جۇزەگە اسىردى.“ شينجياڭ ۇيعۇر اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى تۇرعىن ۇيمەن قامتاماسىزداندىرۋ باسقارماسىنىڭ باستىعى لي شين بىلاي دەپ تانىستىردى: 2023 - جىلى جەر - جەر 41 مىڭ قامتاماسىزداندىرۋ سيپاتتى مايعا بەرىلەتىن ءۇي سالدى، بۇل الەۋمەتتىك مايعا بەرىلەتىن ءۇيدىڭ (13 مىڭ 400 ءۇي) ءۇش ەسەسىندەي.
شينجياڭ ”ۇكىمەت جەتەكشىلىك ەتۋ، قوعام ات سالىسۋ، ارزان دا لايىقتى بولۋ، حالىق تۇرمىسىنا تيىمدىلىك جاساۋ“ پرينسيبى بويىنشا، تۇرعىن ۇيمەن قامتاماسىز ەتۋ جۇيەسىن جەدەل كەمەلدەندىرىپ، قالا ـ قالاشىقتارداعى ەڭ تومەنگى تۇرمىسى قامتاماسىز ەتىلەتىن تومەن كىرىستى وتباسىلار مەن قالالارداعى جاڭا قالا تۇرعىندارىنىڭ، جاستاردىڭ تۇرعىن ءۇي قاجەتىن شىنايى قامتاماسىز ەتتى.
2023 - جىلى شينجياڭ 2 ميلليارد 990 ميلليون يۋان فينانستىق قارىز اقشا بەرۋدى تياناقتاندىرىپ، كاسىپ باقشاسى رايونى، كاسىپورىن سياقتى تيجارات تۇلعالارىنىڭ ءۇي مايلاپ الۋعا كەپىلدىك ەتۋىن بەلسەنە قولداپ، سىرتتان كەلگەن جۇمىسكەرلەردىڭ تۇرعىن ءۇي ءىس جۇزىندىك قاجەتىن ءتۇيىندى تۇردە ارقاۋ ەتىپ، ساياساتتىق تاربيەلەۋ مەن ۇگىت ـ لەكسيانى بەلسەنە ورىستەتىپ، ءوز جەرىنەن جانە بوس تۇرعان تۇرعىن ءۇي قۇرىلىسىنان پايدالانىپ، مايعا بەرىلەتىن ۇيگە كەپىلدىك ەتۋگە دەم بەرىپ، جاڭادان جۇمىستانعان جۇمىسشى - قىزمەتكەرلەردىڭ تۇرعىن ءۇي جاعىنداعى كەزەڭدىك قيىنشىلىعىن شەشتى.
2024 ـ جىلى بۇكىل شينجياڭ بويىنشا 25 مىڭ قامتاماسىزداندىرۋ سيپاتتى مايعا بەرىلەتىن ءۇي سالۋعا كەپىلدىك ەتۋ قۇرىلىسى باستالادى، مۇنىڭ ىشىندە باقشا رايونى 15 مىڭ 900 ءۇي سالۋدى جوسپارلاپ وتىر. قامتاماسىزداندىرۋ سيپاتتى مايعا بەرىلەتىن ءۇي ءارقايسى كاسىپ سالاسى باقشا رايوندارىنا ىرگە تەۋىپ، دارىندى ەنگىزۋ جانە سىرتتان كەلىپ جۇمىس ىستەيتىندەردىڭ تۇرعىن ءۇي قيىنشىلىعى ماسەلەسىن شەشۋگە جاڭا جول اشىپ، ”سەگىز ءىرى كاسىپ شوعىرىن“ دامىتۋدى جەبەۋ ءۇشىن قىزمەتكەرلەردىڭ كوڭىلىن الاڭسىز ەتپەكشى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
