سۋىقتان ساقتانىڭىزدار! التاي ايماعى سۋىق اعىستان ساقتانۋدىڭ كوك ءتۇستى ساقتىق سيگنالىن جاريالادى
2024.01.17 16:20 كەلۋ قاينارى : حالىق تورابى
1 – ايدىڭ 16 – كۇنى، التاي ايماقتىق اۋا رايى ستانسياسى سۋىق اعىستان ساقتانۋدىڭ كوك ءتۇستى ساقتىق سيگنالىن جاريالاپ، كوپشىلىكتىڭ سىرتقا شىققاندا سۋىقتان ساقتانۋىن ەسكەرتتى.
التاي ايماقتىق اۋا رايى ستانسياسى 1 – ايدىڭ 16 – كۇنى ساعات 12 دەن 53 مينۋت وتكەندە سۋىق اعىستان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن الداعى 48 ساعات ىشىندە التاي ايماعىنىڭ باسىم كوپ جەرىنىڭ ەڭ تومەنگى اۋا تەمپەراتۋراسى 10 سەلتسي گرادۋس اينالاسىندا تومەندەيدى؛ ەڭ تومەنگى اۋا تەمپەراتۋراسى 1 – ايدىڭ 18 – كۇنى جانە 19 – كۇنى تاڭەرتەڭ جارىققا شىعادى، جازىق جەرلەردىڭ ەڭ تومەنگى اۋا تەمپەراتۋراسى نولدەن تومەن 19 دا نولدەن تومەن 24 سەلتسي گرادۋسقا تۇسەدى، تاۋ بوكتەرىندەگى وڭىرلەردىڭ تەمپەراتۋراسى نولدەن تومەن 23 تە نولدەن تومەن 28 سەلتسي گرادۋسقا تۇسەدى، تاۋلى رايوننىڭ تەمپەراتۋراسى نولدەن تومەن 28 دە نولدەن تومەن 35 سەلتسي گرادۋسقا تۇسەدى.
شىڭگىل اۋداندىق اۋا رايى ستانسياسى 1 – ايدىڭ 16 – كۇنى ساعات 13 تەن 19 مينۋت وتكەندە سۋىق اعىستان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن الداعى 48 ساعات ىشىندە شىڭگىل اۋدانىنىڭ ارال قالاشىعى، ارالتوبە قالاشىعى، تايكەشكەن قالاشىعى، شاعانعول اۋىلى قاتارلى جەرلەرىندە ەڭ تومەنگى تەمپەراتۋراسى 10 سەلتسي گرادۋستان ارتىق تومەندەيدى.
كوكتوعاي اۋداندىق اۋا رايى ستانسياسى 1 – ايدىڭ 16 – كۇنى ساعات 13 تەن 05 مينۋت وتكەندە سۋىق اعىستان ساقتانۋدىڭ كوك ءتۇستى ساقتىق سيگنالىن جاريالادى؛ مەجەمەن الداعى 48 ساعات ىشىندە كوكتوعاي اۋدانىنىڭ باسىم كوپ جەرىنىڭ اۋا تەمپەراتۋراسى 10 سەلتسي گرادۋستان ارتىق تومەندەيدى.
بۋرىلتوعاي اۋداندىق اۋا رايى ستانسياسى 1 – ايدىڭ 16 – كۇنى ساعات 13 تەن 05 مينۋت وتكەندە سۋىق اعىستان ساقتانۋدىڭ كوك ءتۇستى ساقتىق سيگنالىن جاريالادى؛ مەجەمەن الداعى 48 ساعات ىشىندە بۋرىلتوعاي اۋدانىنىڭ باسىم كوپ جەرىنىڭ اۋا تەمپەراتۋراسى 10 سەلتسي گرادۋستان ارتىق تومەندەيدى.
مۇنان سىرت، 1 – ايدىڭ 16 – كۇنى، ىلە قازاق اۆتونوميالى وبلىسىنىڭ كۇنەس اۋدانى تۇماننان ساقتانۋدىڭ سارى ءتۇستى ساقتىق سيگنالىن جاريالادى، قورعاس اۋدانى جولعا مۇز قاتۋدان ساقتانۋدىڭ سارى ءتۇستى ساقتىق سيگنالىن جاريالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
