شينجياڭنىڭ التاي ايماعىندا قار كوشكىنى سەبەبىنەن جول توسىلعان

قازىر تاۋعا باراتىن جولدىڭ بىرەۋى تۇتاستىرىلعان

2024.01.15 14:31 كەلۋ قاينارى : حالىق تورابى

　　جۋىردان بەرى تولاسسىز جاۋعان ەرەكشە قالىڭ قاردىڭ ىقپالىنا ۇشىراعاندىقتان، شينجياڭنىڭ التاي تاۋلى وڭىرىندەگى قاناس كورىنىس رايونىنا باراتىن ءىشىنارا جول بولىكتەرىندە قار كوشكىنى ءتۇسۋ، قارلى بوران سوعۋ جاعدايى ءجيى تۋىلىپ، تاس جول بەكىتىلىپ، ءبىر ءبولىم جولاۋشىلار بوگەلىپ قالعان. تاس جول تاراۋلارى ۇزدىكسىز جۇمىس ىستەۋ ارقىلى 1 - ايدىڭ 13 - كۇنى مەملەكەتتىك 219 - تاس جولدى جوندەپ، قاناس كورىنىس رايونىنا باراتىن باتىس جەلىنى تۇتاستىرعان.

　　ۇعىسۋعا قاراعاندا، جەرگىلىكتى ورىنداعى تاس جول تاراۋلارى بۋىرشىن اۋدانىنان قاناس كورىنىس رايونىنا باراتىن ولكەلىك 232 - جەلىنىڭ K47 بولىگىنەن ۇنەمى كوشكىن تۇسەتىن جاڭا ورىندى بايقاعان، قار تازالاۋشى اترەتتەگىلەر قازىر سول جەردە مينۋت - سەكۋندتى زايا جىبەرمەستەن جولدى تۇتاستىرۋ جۇمىسىن ىستەۋدە. قازىر قاناس كورىنىس رايونى قوم قىستاعىندا بوگەلىپ قالعان جولاۋشىلاردان ءالى دە 1000 نان استام جولاۋشى بار، ولار زاتتىق جاقتان تولىق قامتاماسىزداندىرىلعان. كورىنىس رايونى ۇقتىرۋ شىعارىپ، 1 - ايدىڭ 11 - كۇنىنەن جول تۇتاستىرىلعانعا دەيىن قاناس كورىنىس رايونىندا بوگەلىپ قالعان ساياحاتشىلاردىڭ ازىق - تۇلىك، جاتاق قاراجاتى كەشىرىم ەتىلەتىنىن جاريالاعان.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved