لي چياڭ، جاۋ لىجي مالديۆتىڭ زۇڭتۇڭى مۋيزبەن جەكە - جەكە كەزدەستى
2024.01.12 15:08 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 11 – كۇنى، بەيجيڭ. مەملەكەتتىك كەڭەستىڭ زۇڭليى چياڭ لي 1 - ايدىڭ 11 - كۇنى تۇستەن بۇرىن حالىق سارايىندا جۇڭگوعا مەملەكەتتىك ساپارمەن كەلگەن مالديۆتىڭ زۇڭتۇڭى مۋيزبەن كەزدەستى.
لي چياڭ مىنانى ءبىلدىردى: جۇڭگو مەن مالديۆ ديپلوماتيالىق قارىم - قاتىناس ورناتقاننان بەرى ەكى ەل باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، ەكى جاقتىڭ ەكونوميكا - ساۋدا سەلبەستىگى كۇن سايىن جيىلەپ، ەكى ەل حالىقتارىنىڭ ىرىس - قۇتىن ارتتىردى. كەشە ءتوراعا شي جينپيڭ زۇڭتۇڭ مىرزامەن بىرگە جۇڭگو - مالديۆ قارىم - قاتىناسىن جاپپاي ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرۋدى جاريالاپ، ەكى ەل قارىم - قاتىناسىنىڭ جاڭا پاراعىن اشتى. جۇڭگو جاق مالديۆ جاقپەن بىرگە ەكى ەل مەملەكەت باسشىلارىنىڭ ماڭىزدى ستراتەگيالىق جەتەكشىلىگىنە بويسۇنىپ، ءداستۇرلى دوستىقتى ساۋلەلەندىرىپ، ساياسي سەنىمدىلىكتى تەرەڭدەتىپ، ءار دارەجەلى دوستىق بارىس - كەلىستى جيىلەتىپ، ءار سالاداعى ءوزارا ءتيىمدى سەلبەستىكتى كۇشەيتىپ، جۇڭگو مەن مالديۆتىڭ جاپپاي ستراتەگيالىق سەلبەستىك سەرىكتەستىك قارىم - قاتىناسىنىڭ مازمۇنىن ۇزدىكسىز بايىتۋدى قالايدى.
لي چياڭ مىنالاردى اتاپ كورسەتتى: جۇڭگو جاق مالديۆ جاقپەن دامۋ ستراتەگياسىن اناعۇرلىم ۇشتاستىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى جەتەكشى ەتىپ، ناقتى سەلبەستىكتىڭ كەڭدىگى مەن تەرەڭدىگىن ۇزدىكسىز كەڭەيتىپ، كاسىپ باقشاسى رايونى، سيفرلى ەكونوميكا، تەڭىز - مۇحيت بالىق شارۋاشىلىعى، جاسىل، تومەن كومىرتەكتى دامۋ سياقتى سالالارداعى سەلبەستىكتى بەلسەنە تالقىلاۋدى قالايدى. ەكى جاق وقۋ - اعارتۋ، دەنەتاربيە، ساياحات سياقتى گۋمانيتارلىق اۋىس - كۇيىستى ونان ارى كۇشەيتىپ، جۇڭگو - مالديۆ دوستىعىنىڭ حالىق رايى نەگىزىن بەكەمدەۋى كەرەك.
مۋيز مىنانى ءبىلدىردى: وسى رەتكى جۇڭگوعا ساپارىم مەنىڭ مىندەتكە وتىرعاننان بەرگى تۇڭعىش رەتكى مەملەكەتتىك ساپارىم. مالديۆ ءبىر جۇڭگو ساياساتىن باتىل اتقارادى، جۇڭگومەن باتىل بىرگە بولادى، ءتوراعا شي جينپيڭ العا قويعان ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى جانە دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن باتىل قولدايدى. مالديۆ جاق جۇڭگو جاقتىڭ مالديۆتىڭ ەكونوميكالىق، قوعامدىق دامۋىن ۇزاق ۋاقىت قولداعانىنا العىس ايتادى، جۇڭگو جاقپەن ەكونوميكا - ساۋدا، سيفرلى ەكونوميكا، كوك ءتۇستى ەكونوميكا، جاسىل دامۋ سياقتى سالالارداعى سەلبەستىكتى تەرەڭدەتىپ، ساياحات سياقتى گۋمانيتارلىق اۋىس - كۇيىستى كۇشەيتىپ، ءوزارا پايدا جەتكىزىپ، تەڭ يگىلىككە كەنەلۋدى، بىرگە دامۋدى جۇزەگە اسىرۋدى قالايدى.
ۋ جىڭلۇڭ كەزدەسۋدە بىرگە بولدى.
شينحۋا اگەنتتىگى، 1 - ايدىڭ 11 – كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 1 - ايدىڭ 11 - كۇنى بەيجيڭدە مالديۆتىڭ زۇڭتۇڭى مۋيزبەن كەزدەستى.
جاۋ لىجي مىنالاردى ءبىلدىردى: ءتوراعا شي جينپيڭ مەن زۇڭتۇڭ مىرزا كەشە جۇڭگو – مالديۆ قارىم - قاتىناسىن جاپپاي ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرۋدى بىرگە جاريالادى، بۇل ەكى ەل قارىم - قاتىناسى تاريحىندا ماڭىزدى بەلەستىك مانگە يە. ەكى جاق ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ءداستۇرلى دوستىقتى ساۋلەلەندىرىپ، ستراتەگيالىق ءوزارا سەنىمدىلىكتى بەكەمدەپ، ناقتى سەلبەستىكتى كەڭەيتىپ، جۇڭگو – مالديۆ قارىم - قاتىناسىنىڭ تىڭ پاراعىن اشۋدى ىلگەرىلەتۋى كەرەك. جاۋ لىجي جۇڭگونىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جانە كليمات وزگەرىسىنە توتەپ بەرۋ جونىندەگى ۇستانىمى مەن جەتىستىكتەرىن تانىستىرىپ، جۇڭگونىڭ مەملەكەتتىك حالىق قۇرىلتايىنىڭ مالديۆ حالىق پارلامەنتىمەن بىرگە ءار دارەجەلى بارىس - كەلىستى كۇشەيتىپ، باياندى دامۋ، ەكولوگيالىق ورتانى قورعاۋ سياقتى جاقتارداعى زاڭ شىعارۋ تاجىريبەلەرىن اۋىستىرۋدى تەرەڭدەتىپ، ەكى ەلدىڭ سەلبەستىگىن زاڭدىق كەپىلمەن قامداۋدى قالايتىنىن ءبىلدىردى.
مۋيز مىنانى ءبىلدىردى: مالديۆ جاق جۇڭگومەن قارىم - قاتىناستى دامىتۋعا ايرىقشا ءمان بەرەدى، ءبىر جۇڭگو پرينسيبىن باتىل اتقارادى، جۇڭگو جاقپەن بىرگە ءداستۇرلى دوستىقتى جالعاستىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، مالديۆ - جۇڭگو قارىم - قاتىناسىنىڭ دەڭگەيىن ۇزدىكسىز جوعارىلاتۋدى قالايدى.
ۋ ۋەيحۋا كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
