شيزاڭ اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار ءتوراعاسى جاڭ يۇڭزىنىڭ پارا الۋ دەلوسىنا ءبىرىنشى سوتتا 14 جىلعا ۇكىم شىعارىلدى
2024.01.11 15:35 كەلۋ قاينارى : حالىق تورابى
2024 – جىلى 1 – ايدىڭ 10 – كۇنى تۇستەن بۇرىن شانشي ولكەسى شي - ان قالالىق ورتا دارەجەلى حالىق سوت مەكەمەسى ءبىرىنشى سوتتا شيزاڭ اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار ءتوراعاسى جاڭ يۇڭزىنىڭ پارا الۋ دەلوسىنا اشىق ۇكىم شىعارىپ، جاۋاپكەر جاڭ يۇڭزىنى پارا الۋ قىلمىسى بويىنشا 14 جىلدىق مەرزىمدى قاماۋ جازاسىنا ۇكىم ەتتى، وعان قوسا 5 ميلليون يۋان اقشالاي ايىپ سالدى، پەشەتتەلگەن، ۇستاپ قالىنعان، مۇزداتىلعان ارام اقشا، ارام ولجانى جانە ونىڭ ءوسىمىن زاڭ بويىنشا قۋزاپ قايتارىپ الىپ، مەملەكەت قازىناسىنا تاپسىرادى، جەتپەگەن بولەگىن جالعاستى قۋزاپ قايتارىپ الادى. جاڭ يۇڭزى سوتتا قىلمىسىن مويىندايتىندىعىن، شاعىم ارىز بەرمەيتىندىگىن ءبىلدىردى.
دەلونى قاراۋ ارقىلى مىنالار انىقتالدى: 2003 – جىلدان 2021 – جىلعا دەيىن ايىپكەر جاڭ يۇڭزى شيزاڭ اۆتونوميالى رايوندىق ورتانى قورعاۋ مەكەمەسى پارتگرۋپپاسىنىڭ ورىنباسار شۋجيى، مەكەمە باستىعى، شيزاڭ اۆتونوميالى رايوندىق ورتانى قورعاۋ مەڭگەرمەسى پارتگرۋپپاسىنىڭ ورىنباسار شۋجيى، مەڭگەرمە باستىعى، شاننان ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى، شاننان ايماقتىق پارتكومنىڭ شۋجيى، شاننان قالالىق پارتكومنىڭ شۋجيى، شيزاڭ اۆتونوميالى رايوندىق حالىق ۇكىمەتى پارتيا باسشىلىق گرۋپپاسىنىڭ مۇشەسى، ورىنباسار ءتوراعاسى قاتارلى مىندەتتەردى وتكەن كەزىندە قىزمەت قولايلىلىعى جانە قىزمەت ۇقىعى، ورنى قالىپتاستىرعان قولايلى شارت – جاعدايدان پايدالانىپ، قاتىستى ورىندار مەن جەكەلەردىڭ قۇرىلىستى كوتەرىپ الۋى، قورشاعان ورتانى باعالاۋدى تەكسەرىپ بەكىتۋى، مىندەتىن تەڭشەۋ قاتارلى ىستەرىنە كومەكتەسىپ، تىكەلەي نەمەسە باسقالار ارقىلى زاڭسىز قابىلداعان مال - مۇلكى 51 ميلليون 810 مىڭ يۋاننان اسقان.
شي - ان قالالىق ورتا دارەجەلى حالىق سوت مەكەمەسى جاۋاپكەر جاڭ يۇڭزىنىڭ ارەكەتى پارا الۋ قىلمىسىنا جاتادى دەپ قارايدى. جاڭ يۇڭزىنىڭ العان پارا سوماسى توتەنشە كوپ بولىپ، ول سوتقا كەلگەننەن كەيىن دەلونى ءبىر جاقتى ەتۋ ورگانى يگەرگەن پارا الۋ فاكتىن قاز - قالپىندا مويىنداپ، دەلونى ءبىر جاقتى ەتۋ ورگانى ءالى يگەرمەگەن باسقا دا پارا الۋ فاكتىلەرىن ىرىقتىلىقپەن تاپسىرىپ، قىلمىسىن تانىپ، رايىنان قايتىپ، ارام ولجانى بەلسەنە قايتارعان، ونىڭ پارادان تاپقان ءبىر ءبولىم ارام اقشاسى مەن ارام ولجاسى قايتارىپ الىنعان نەمەسە قايتارىلعاندىقتان، زاڭ بويىنشا جەڭىل جازالاۋعا بولادى. سونىمەن سوت جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
