قوعام حاۋىپسىزدىگى مينيسترلىگى: كوكتەم مەرەكەسى كەزىندە اراق ءىشىپ اۆتوكولىك ايداۋ، پويەزدا ورىن تارتىپ الۋ، پويەز بەلەتىن الىپ – ساتۋ قاتارلى ارەكەتتەر قاتاڭ تەكسەرىلەدى
2024.01.10 14:45 كەلۋ قاينارى : حالىق تورابى
قوعام حاۋىپسىزدىگى مينيسترلىگىنىڭ اقپارات مالىمدەمەشىسى جيا جۇنچياڭ 1 – ايدىڭ 9 – كۇنى اشىلعان اقپار جاريالاۋ ماجىلىسىندە بىلاي دەپ تانىستىردى: بيىلعى كوكتەم مەرەكەسى كەزىندەگى جولاۋشىلار اعىنىنىڭ زور دارەجەدە ارتۋى سياقتى جاعدايلاردى كوزدە ۇستاي وتىرىپ، قوعام حاۋىپسىزدىگى مينيسترلىگى الدىن الا بەينە ەكران ءماجىلىسىن اشىپ، بۇكىل ەلدەگى قوعام حاۋىپسىزدىگى ورگاندارىنىڭ كوكتەم مەرەكەسى كەزىندەگى تاسىمال حاۋىپسىزدىگىن قورعاۋ جوباسىنىڭ دايىندىق جوباسىن جەدەل جاساپ جانە كەمەلدەندىرىپ، الاڭ - بەكەت، جەلى قاتارلىلاردىڭ حاۋىپسىزدىكتى قورعاۋ شارالارىن اشالاپ، بۇقارانىڭ ءجۇرىس – تۇرىس حاۋىپسىزدىگىن بار كۇشپەن قامتاماسىز ەتۋىن ورنالاستىردى.
قوعام حاۋىپسىزدىگى ورگاندارى ماڭىزدى ۋاقىت، ءتۇيىندى جول بولەكتەرىندە زاڭ اتقارۋدى باسقارۋ - مەڭگەرۋدى كۇشەيتىپ، ارتىق جۇك تيەۋ، ارتىق ادام الۋ، شارشاپ اۆتوكولىك ايداۋ، اراق ءىشىپ اۆتوكولىك ايداۋ قاتارلى شىرعالاڭ تۋدىراتىن زاڭعا قايشى ارەكەتتەردى قاتاڭ تەكسەرەدى. قاتىناس - تاسىمال سياقتى تاراۋلارمەن بىرلەسىپ، مەرەكەدەن بۇرىن ادام، اۆتوكولىك، جول، كاسىپورىن سياقتىلارداعى كومەسكى قاتەرلەردى ءبىر – بىرلەپ تەكسەرەدى. حاۋىپ - قاتەرى جوعارى جانە شىرعالاڭ كوپ تۋىلاتىن جول بولەكتەرىن جونگە سالۋدى كۇشەيتىپ، جول قاتىناس حاۋىپسىزدىگى كومەسكى قاتەرىن كۇش سالا جويادى.
قوعام حاۋىپسىزدىگى ورگاندارى تەمىر جول تاسىمالىنىڭ حاۋىپسىزدىگىن باسقارۋدى كۇشەيتىپ، ساقشى كۇشىن دالمە- ءدال ورنالاستىرىپ، پويەز بەكەتىنىڭ حاۋىپسىزدىگىن شارلاۋدى، مەڭگەرۋدى جاپپاي كۇشەيتىپ، زورەكەرلىكپەن ورىن يەلەۋ، ماس بولىپ سويقان شىعارۋ، جەدەل پويەزدە تەمەكى تارتۋ، پويەز بەلەتىن الىپ – ساتۋ قاتارلى پويەزگە، بەكەتكە ساياتىن زاڭعا قايشى قىلمىستىق ارەكەتتەرگە قاتاڭ سوققى بەرىپ، جونگە سالىپ، پويەزدىڭ تاماشا ءتارتىبىن ساقتايدى.
بۇدان سىرت، قوعام حاۋىپسىزدىگى ورگاندارى ۇشاق كۇتۋ عيماراتى، حاۋىپسىزدىك تەكسەرۋ ناق مايدانى، كەمەجاي قاتارلى ءتۇيىندى وڭىرلەر مەن ادامدار شوعىرلى ورىنداردا ساقتانۋ، تىزگىندەۋ قىزمەتىن كۇشەيتىپ، ساقشى مولشەرىن شىنايى جوعارىلاتادى. زاڭسىز قوناق تارتۋ، زاڭسىز تيجارات جۇرگىزۋ، زاڭسىز ساۋداگەر، زاڭسىز ساياحاتتاتۋ قاتارلى زاڭعا قايشى قىلمىستىق ارەكەتتەرگە زاڭ بويىنشا سوققى بەرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
