6 توپتاعى بەزەنۋ بۇيىمدارىنىڭ قۇرامىنان پايدالانۋعا تيىم سالىنعان شيكىزاتتار انىقتالىپ، بۇل ءىس جونىندە دەلو تۇرعىزىلىپ، تەكسەرۋ جۇرگىزىلدى
2024.01.09 14:38 كەلۋ قاينارى : حالىق تورابى
مەملەكەتتىك ءدارى - دارمەكتى باقىلاۋ - باسقارۋ مەڭگەرمەسى 1 - ايدىڭ 8 - كۇنى ۇقتىرۋ جاريالادى، ۇقتىرۋعا بىلاي دەلىنگەن: 2023 - جىلى مەملەكەت بويىنشا بەزەنۋ بۇيىمدارىنان ۇلگى الىپ تەكسەرۋ قىزمەتى بارىسىندا، سىچۋان ولكەلىك ءدارى - دارمەكتى تەكسەرۋ - زەرتتەۋ مەكەمەسى قاتارلى ورىندار تەكسەرگەن، ءونىم بەلگىسىنە اماناتتاۋشى جاق گۋاڭجوۋ قالاسى كاڭساي مەديتسينالىق بۇيىمدارى شەكتى سەرىكتەستىگى دەپ جازىلعان، اماناتتى قابىلداۋشى جاق گۋاڭجوۋ مەيچۇن بەزەنۋ بۇيىمدارى شەكتى سەرىكتەستىگى وندىرگەن حاۋليانميان بەزەۋدى كەتىرىپ، تەرىنى قورعاۋ مايى قاتارلى 6 توپتاعى بەزەنۋ بۇيىمدارى بەلگىلەمەگە ساي كەلمەگەن، قۇرامىنان «بەزەنۋ بۇيىمدارىنىڭ حاۋىپسىزدىگىنە ساياتىن تەحنيكالىق ولشەمدەگى (2015 - جىلعى نۇسقا)» بەلگىلەمەلەردە تيىم سالىنعان شيكىزاتتار انىقتالعان.
«بەزەنۋ بۇيىمدارىن باقىلاۋ - باسقارۋ ەرەجەسى»، «بەزەنۋ بۇيىمدارىن ءوندىرۋ - ساۋدالاۋدى باقىلاۋ - باسقارۋ ءادىسى»، «بەزەنۋ بۇيىمدارىنان ۇلگى الىپ تەكسەرۋدى باسقارۋ ءادىسى» قاتارلىلارعا نەگىزدەلىپ، مەملەكەتتىك ءدارى - دارمەكتەردى باقىلاۋ - باسقارۋ مەكەمەسى شاڭحاي، جياڭسۋ، جىجياڭ، گۋاڭدۇڭ قاتارلى ولكەلەردەگى (توتە قاراستى قالالارداعى) ءدارى - دارمەكتى باقىلاۋ - باسقارۋ تاراۋلارىنان جوعارىدا اتالعان بەلگىلەمەگە ۇيلەسپەيتىن بەزەنۋ بۇيىمدارىنا قاتىستى تىركەتۋشى تۇلعا، ەستەلىككە الدىرۋشى تۇلعا، امانات بويىنشا ءوندىرۋشى كاسىپورىن قاتارلىلارعا زاڭ بويىنشا دەلو تۇرعىزىپ تەكسەرۋ جۇرگىزۋدى تالاپ ەتكەن، قاتىستى كاسىپورىنداردى دەرەۋ زاڭ بويىنشا حاۋىپ - قاتەردى تەجەۋ شارالارىن اتقارۋعا ءارى ءوزىن - ءوزى تەكسەرىپ، جونگە سالۋدى ورىستەتۋگە بۇيىرعان. ءارقايسى ولكەلەردەگى (اۆتونوميالى رايون، توتە قاراستى قالا) ءدارى - دارمەكتى باقىلاۋ - باسقارۋ تاراۋلارى قاتىستى بەزەنۋ بۇيىمدارىن ساۋدالاۋشىلاردى جوعارىداعى بەزەنۋ بۇيىمدارىن ساۋدالاۋدى دەرەۋ توقتاتۋعا بۇيىرعان، ولاردىڭ زات كىرگىزۋ ەستەلىگى قاتارلى جاعدايلارىن زاڭ بويىنشا تەكسەرىپ، زاڭسىز ونىمدەردىڭ تەگىن تەكتەۋدى ورىستەتەدى؛ بەلگىلەمەگە قايشى ارەكەتتەر بايقالسا، زاڭ بويىنشا قاتاڭ ءبىرجاقتى ەتەدى؛ قىلمىس كۇمانىن تۋدىرعانداردى زاڭ بويىنشا قوعام حاۋىپسىزدىگى ورگاندارىنا جوتكەپ بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
