ساقتىققا كوڭىل بولىڭىزدەر! شينجياڭ اۋا رايى ستانسياسى قالىڭ قاردان ساقتانۋدىڭ كوك ءتۇستى ساقتىق سەگىنالىن جاريالادى
2024.01.09 15:44 كەلۋ قاينارى : حالىق تورابى
1 – ايدىڭ 8 – كۇنى ساعات 13 تەن 19 مينوت وتكەندە، التاي ايماقتىق اۋا رايى ستانسياسى قالىڭ قاردان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن 1 – ايدىڭ 8 – كۇنى ءتۇن جارىمىنان 1 – ايدىڭ 10 – كۇنى تاڭەرتەڭگە دەيىن، التاي ايماعىنىڭ سولتۇستىك بولەگىندە، شىعىس بولەگىندە جالپى بەتتىك قالىڭ قار جاۋادى؛ قابا اۋدانىنىڭ ۇلكەن ساز، بۋىرشىن اۋدانى قاناس قوم كورىنىس رايونى، التاي قالاسى ۇلكەن قىران جانە جىڭىشكە قىران، ۋشىلىك دالا قار باقشاسى، بۋرىلتوعاي اۋدانىنىڭ جايلاۋى، كوكتوعاي اۋدانىنىڭ جايلاۋى، كوكتوعاي كورىنىس رايونى، شىڭگىل اۋدانى ۇشكول جايلاۋىندا قالىڭ قار جاۋادى.
التاي ايماعىنىڭ كوكتوعاي اۋدانى، بۋرىلتوعاي اۋدانى، قابا اۋدانى، شىڭگىل اۋدانى قاتارىنان قالىڭ قاردان ساقتانۋدىڭ سارى ءتۇستى ساقتىق سيگنالىن جاريالادى.
مۇنان سىرت، 1 – ايدىڭ 8 – كۇنى ساعات 13 تەن 12 مينۋت وتكەندە التاي ايماقتىق اۋا رايى ستانسياسى جولعا مۇز قاتۋدان ساقتانۋدىڭ سارى ءتۇستى ساقتىق سيگنالىن جاريالادى: مەجەمەن 1 – ايدىڭ 8 – كۇنى ءتۇن جارىمىنان 1 – ايدىڭ 10 – كۇنى تاڭەرتەڭگە دەيىن، التاي ايماعىندا جالپى بەتتىك قار جاۋادى، جول بەتىنىڭ تەمپەراتۋراسى 0 سەلتسي گرادۋستان تومەن بولىپ، قاتىناسقا قولايسىز ىقپال جاساپ، جولعا مۇز قاتۋ جاعدايى تۋىلۋى مۇمكىن، ساقتىقتى كۇشەيتۋ كەرەك.
شينجياڭ اۋا رايى ستانسياسى مەكەمەسىنىڭ الدىن – الا بەرگەن مالىمەتىنە نەگىزدەلگەندە، 1 – ايدىڭ 8 – كۇنى كۇندىزدەن 11 – كۇنى كۇندىزگە دەيىن تارباعاتاي ايماعىنىڭ سولتۇستىك بولەگى، التاي ايماعىندا ىركەس – تىركەس قىرباقتان ورتاشاعا دەيىن قار جاۋادى، تارباعاتاي ايماعىنىڭ سولتۇستىك بولەگىندەگى تاۋلى وڭىردە، التاي تاۋلى رايونىندا قالىڭ قاردان ەرەكشە قالىڭ قارعا دەيىن جاۋادى، كەي جەرلەردە ەرەكشە سۇراپىل قالىڭ قار جاۋادى.
1 – ايدىڭ 11 – كۇنى ءتۇن جارىمىنان 12 – كۇنى ءتۇن جارىمىنا دەيىن، سولتۇستىك شينجياڭنىڭ باتىس بولەگى، سولتۇستىك بولەگى، تيانشان تاۋلى رايونى مەن سولتۇستىك بەتكەيىنىڭ كەي جەرلەرىندە از قاردان قىرباق قارعا دەيىن جاۋادى، مۇندا، ىلە وبلىسى، تارباعاتاي ايماعىنىڭ سولتۇستىك بولەگى، التاي ايماعى قاتارلى جەرلەردىڭ ءىشىنارا وڭىرلەرىندە ورتاشادان قالىڭ قارعا دەيىن جاۋادى، تاۋلى رايونداردا ەرەكشە قالىڭ قار جاۋادى.
قاردىڭ كوپ جاۋاتىن مەزگىلى: تارباعاتاي ايماعىنىڭ سولتۇستىك بولەگىندە 1 – ايدىڭ 12 – كۇنى كۇندىز، التاي ايماعىندا 1 – ايدىڭ 11 – كۇنى ءتۇن جارىمىنان 12 – كۇنى كۇندىزگە دەيىن.
قارلى اۋا رايىنان سوڭ اۋا تەمپەراتۋراسى كوپ مولشەردە تومەندەيدى. 1 – ايدىڭ 12 – كۇنى سولتۇستىك شينجياڭنىڭ كوپ جەرىنىڭ اۋا تەمپەراتۋراسى 5 تە 8 سەلتسي گرادۋس تومەندەيدى، سولتۇستىك شينجياڭنىڭ سولتۇستىك بولەگىنىڭ اۋا تەمپەراتۋراسى 8 دە 12 سەلتسي گرادۋس تومەندەيدى. 1 – ايدىڭ 13 – كۇنى تاڭعا جاقىن، تارباعاتاي ايماعىنىڭ سولتۇستىك بولەگى، التاي ايماعىنىڭ تاۋلى رايونىنىڭ ەڭ تومەنگى اۋا تەمپەراتۋراسى نولدەن تومەن 30 دا 20 سەلتسي گرادۋسقا تۇسەدى، تارباعاتاي ايماعىنىڭ، التاي ايماعىنىڭ جازىق رايوندارىنىڭ اۋا تەمپەراتۋراسى نولدەن تومەن 20 دا نولدەن تومەن 12 سەلتسي گرادۋسقا تۇسەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
