شينجياڭ: 2025 – جىلعا دەيىن، بارلىق اۋىل – قالاشىق شيپاحانالارىندا جۇڭگوشا شيپاگەرلىك ءبولىمى قۇرىلادى
2024.01.09 16:05 كەلۋ قاينارى : حالىق تورابى
جۋىردا، شينجياڭ ۇيعۇر اۆتونوميالى رايوندىق پارتكوم كەڭسە مەڭگەرمەسى، اۆتونوميالى رايوندىق حالىق ۇكىمەتىنىڭ كەڭسە مەڭگەرمەسى «رەفورمانى ونان ارى تەرەڭدەتىپ اۋىل – قىستاق ەمدەۋ – دەنساۋلىق ساقتاۋ جۇيەسىنىڭ اقاۋسىز دامۋىن جەبەۋ جونىندەگى شارانى» باسىپ تاراتتى. «شارادا» مىنالار ورتاعا قويىلدى: جۇڭگوشا شيپاگەرلىك پەن باتىسشا شيپاگەرلىككە تەڭ ءمان بەرۋگە تاباندى بولىپ، اۋىل – قىستاق ەمدەۋ، دەنساۋلىق ساقتاۋ قۇرىلىمدارىنىڭ جۇڭگوشا شيپاگەرلىك ءدارى – دارمەك، قىزمەت وتەۋمەن قامداۋىن كەڭەيتۋ كەرەك. 2025 – جىلعا بارعاندا، بۇكىل رايونداعى اۋىل – قالاشىق شيپاحانالارىنىڭ %95ى مەملەكەتتىڭ نەگىزگى ەمدەۋ، دەنساۋلىق ساقتاۋ قۇرىلىمدارىنىڭ قىزمەت وتەۋ قابىلەتىنىڭ نەگىزگى ولشەمىنە جەتىپ، %15 شاماسىندا قىزمەت كورسەتۋ قابىلەتىنىڭ كورسەتىلگەن ولشەمىنە جەتىپ، 50 الەۋمەتتىك اۋماق شيپاحاناسىن قۇرادى. مەملەكەتتىك قىزمەت وتەۋ قابىلەتىنىڭ ولشەمىنە جەتكەن اۋىل – قىستاق شيپاحانالارىنىڭ سالىستىرماسى %30 تەن اسادى، بارلىق اۋىل – قالاشىق شيپاحانالارىندا جۇڭگوشا شيپاگەرلىك ءبولىمى قۇرىلادى، 6 ءتۇر بويىنشا 10 ءتۇرلى، سونداي – اق ونان جوعارى جۇڭگوشا ءدارى – دارمەك، ۇيلەسىمدى تەحنيكاسىن ارناعا ءتۇسىرىپ ورىستەتەدى، جۇڭگوشا شيپاگەرلىك تۇرىندەگى شيپاگەرلەردىڭ وسى قۇرىلىمداعى شيپاگەرلەر جالپى سانىنان ۇستايتىن سالىستىرماسى %25 تەن جوعارى بولادى، %15 جۇڭگوشا شيپاگەرلىك ءبولىمى قىزمەت وتەۋ مازمۇنى قۇرىلىسىن ورىستەتەدى، قىستاق ەمدەۋ بولىمدەرى جۇڭگوشا شيپاگەرلىك، ءدارى – دارمەك جاعىنان قىزمەت وتەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
