قاتىستى ورىندار تۇرمىستىق قىزمەت وتەۋ تۇرىندەگى تەكشەلەردەگى ءتارتىپ - تۇزىمگە قايشىلىق جاساعان ءبىر توپ تىركەلگىلەردى تەكسەرىپ ءبىرجاقتى ەتتى
2024.01.09 14:37 كەلۋ قاينارى : حالىق تورابى
شينحۋا اگەنتتىگىنىڭ 1 - ايدىڭ 8 - كۇنى بەيجيڭنەن بەرگەن حابارى. ءتىلشىنىڭ 1 - ايدىڭ 8 - كۇنى مەملەكەتتىك ينتەرنەت ينفورماتسياسى كەڭسەسىنەن ۇعىسۋىنشا، ”پاكتەندىرۋ . تۇرمىستىق قىزمەت وتەۋ تۇرىندەگى تەكشەلەردەگى ينفورماتسيالاردىڭ مازمۇنىن جونگە سالۋ“ ارناۋلى ارەكەتىن ورىستەتكەننەن بەرى، ينتەرنەت ينفورماتسياسى تاراۋلارى ينتەرنەتتەن پايدالانۋشىلار مالىمدەگەن ماسەلەلەردىڭ دەرەگىمەن ۇشتاستىرا وتىرىپ، اڭگىمەلەسۋ جانە دوستاسۋ، ينتەرنەت ارقىلى زات ساتىپ الۋ، قاجەتتى مازمۇندى ىزدەۋ، قىزمەت ىزدەۋ جانە قىزمەتكەر قابىلداۋ قاتارلى مازمۇندارداعى تۇرمىستىق قىزمەت وتەۋ تەكشەلەرىنەن 20 نەشە تەكشەگە كوپ رەت ءبىر - بىرلەپ تەكسەرۋ جۇرگىزگەن. قازىرگە دەيىن، زاڭعا قايشى ناشار ينفورماتسيالاردان جيىنى 7 ميلليون 900 مىڭنان استام ينفورماتسيانى تازالاعان، تىركەلگىلەردەن جيىنى ءبىر ميلليون 700 مىڭنان استام تىركەلگىنى ءبىرجاقتى ەتكەن، تور بەكەتتەرىنەن 562 تور بەكەتىن جاپقان، قولدانىلمالى پروگراممالاردان 201 پروگراممانى ينتەرنەت جەلىسىنەن تۇسىرگەن.
ارناۋلى ارەكەت مەزگىلىندە، ءتۇيىندى تور بەكەتتەرى مەن تەكشەلەر ءوز ەرەكشەلىكتەرىمەن ۇشتاستىرا وتىرىپ، ءوزىن - ءوزى تەكسەرۋدى - وزگەرتۋدى ورىستەتەدى، كوڭىل اشۋ سيپاتىنداعى داقپىرتتار مەن وسەك - اياڭداردى توپ - توبىمەن شىعاراتىن، اقى الىپ بال اشۋ قىزمەتىن وتەيتىن ارنالاردى وزدىكتەرىنەن جابادى، زاڭعا قايشى ءتۇرلى ينفورماتسيالار مەن ناشار ينفورماتسيالاردى ىشكەرىلەي تازالايدى، زياندى ءتۇيىندى سوزدەر قويماسىن وزگەرتىپ، اناعۇرلىم كەمەلدەندىرەدى ءارى باستى بەتىندە مالىمدەۋ ورنىن ارنايى بەلگىلەيدى، قوعامداعىلاردىڭ باقىلاۋىن ىرىقتىلىقپەن قابىلداپ، قاتىستى تاراۋلارعا زاڭعا قايشى قىلمىستىق ماسەلەلەرگە ساياتىن دەرەكتەردى دەر كەزىندە جولداپ، ينفورماتسيالىق مازمۇندى باسقارۋداعى نەگىزگى تۇلعالىق جاۋاپكەرشىلىگىن سانالىلىقپەن اتقارادى.
مەملەكەتتىك ينتەرنەت ينفورماتسياسى كەڭسەسىنىڭ قاتىستى جاۋاپتىسىنىڭ ايتۋىنشا، تۇرمىستىق قىزمەت وتەۋ تۇرىندەگى تەكشەلەردەگى ينفورماتسيا مازمۇنىنىڭ ەكولوگيالىق ورتاسىن جونگە سالۋدى ۇزدىكسىز ورىستەتىپ، حالىق بۇقاراسىنىڭ كيىم - كەشەك، جاتىن ورىن، ءجۇرىس تۇرىسىمەن تىعىز قاتىستى تور بەكەتتەرىندەگى ءتۇرلى ماسەلەلەردى، بىلىققان جاعدايلاردى دەر كەزىندە انىقتايدى ءارى تيپتىك ىستەردى اشىق جاريالايدى، تور بەكەتتەرى مەن تەكشەلەردەگى ۇزاق مەرزىمدىك ءونىمدى جونگە سالۋ مەحانيزمىن كەمەلدەندىرۋگە قۋزاۋ سالادى ءارى جەتەكشىلىك ەتەدى. سونىمەن بىرگە، بارشا توردوستاردىڭ بەلسەندى قاتىناسۋىن ءارى باقىلاۋ جۇرگىزىپ، اشكەرەلەۋىن، ينتەرنەت ەكولوگياسىنىڭ ۇزدىكسىز جاقسارۋىن بىرگە ىلگەرىلەتۋىن قارسى الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
