شينجياڭ ۇيعۇر اۆتونوميالى رايونىنىڭ دامۋ جانە رەفورما قىزمەتى ٴماجىلىسى اشىلدى
2024.01.09 16:04 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ٴتىلشىسى شى شين 1 ـ ايدىڭ 7 ـ كۇنى ۇرىمجىدەن حابارلايدى. 1 ـ ايدىڭ 7 ـ كۇنى اۆتونوميالى رايون دامۋ جانە رەفورما قىزمەتى ٴماجىلىسىن اشىپ، 2023 ـ جىلعى دامۋ، رەفورما قىزمەتىن قورىتىندىلاپ، قايىرىلا قاراپ، 2024 ـ جىلعى ٴتۇيىندى قىزمەت مىندەتتەرىن ورنالاستىردى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ٴتوراعاسى چىن ۋيجۇن ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: 2023 ـ جىلى تۇتاس رايوننىڭ دامۋ، رەفورما جۇيەسى ماكرولىق ەكونوميكانىڭ ارتۋىن ورنىقتىرۋ ساياسي جاۋاپكەرشىلىگىن باتىلدىقپەن ارقالاپ، جاڭا ٴداۋىردىڭ جاڭا جورىعىندا دامۋدىڭ، رەفورمانىڭ وزەكتى قىزمەتىن ارقاۋ ەتىپ، نازاردى مەملەكەت ستراتەگياسىنىڭ ىلگەرىلەتىلۋى، دامۋداعى قيىن ماسەلەلەردى شەشۋ، كاسىپ سالاسى جۇيەسىن قۇرۋ، ٴونىمدى سۇرانىستى ۇلعايتۋ، رەفورما كۇشتەرىن ۇيىستىرۋ، استىق، ەنەرگيا حاۋىپسىزدىگى سياقتى ٴتۇيىندى سالالارعا شوعىرلاندىرىپ، قىزمەتتىڭ جالپى تۇلعالىق سەكىرۋىن ىلگەرىلەتىپ، جوعارى ساپالى دامۋدى جۇزەگە اسىرۋعا بەلسەندى ۇلەس قوستى.
ٴماجىلىس مىنالاردى باسا دارىپتەدى: 2024 ـ جىلى _ جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوبانى اتقارۋدىڭ شەشۋشى جىلى. جەر ـ جەر، تاراۋلار جانە دامۋ، رەفورما جۇيەسى پارتيا ورتالىق كوميتەتىنىڭ ەكونوميكالىق قىزمەت جونىندەگى شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق 10 ـ كەزەكتى پارتكوم ونىنشى جالپى ٴماجىلىسىنىڭ ورنالاستىرۋلارى بويىنشا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ارناسىنا قىزمەت وتەپ جانە توعىسىپ، جوعارى ساپالى دامۋدى كۇش سالا ىلگەرىلەتۋ كەرەك. فۋنكتسيالىق باسىمدىقتى ونان ارى ويداعىداي ساۋلەلەندىرىپ، ەكونوميكالىق دامۋدىڭ قوزعاۋشى كۇشىن، ومىرشەڭدىگىن ارتتىرىپ، نىسانداردىڭ جالپىلىق ونىمدىلىگىن ساۋلەلەندىرىپ، وڭىرلىك توعىسۋدىڭ دەڭگەيىن جوعارىلاتىپ، رەفورمانىڭ، جاڭالىق اشۋدىڭ تەبىنىن ۇلعايتىپ، ٴتىپتى دە جوعارى دەڭگەيدە ەسىك اشۋدى ىلگەرىلەتىپ، ەكونوميكانىڭ قايتا ورلەۋ، جاقسارۋ بەتالىسىن ۇزدىكسىز بەكەمدەپ جانە كۇشەيتىپ، ەكونوميكا ساپاسىنىڭ ٴونىمدى جوعارىلاۋى مەن سانىنىڭ ۇيلەسىمدى ارتۋىن ىلگەرىلەتۋ كەرەك.
ٴماجىلىس مىنالاردى تالاپ ەتتى: تۇتاس رايوننىڭ دامۋ، رەفورما جۇيەسى وزىندىك قۇرىلىستى جاپپاي كۇشەيتىپ، دامۋ، رەفورما قىزمەتى قابىلەتىن، ورەسىن ۇزدىكسىز جوعارىلاتىپ، جوعارى ساپالى دامۋدا تىڭ تابىستارعا، ونىمدىلىكتەرگە قول جەتكىزۋدى قۇلشىنا ىلگەرىلەتۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
