ۋاڭ ي: زورەكەرلىك پەن وكتەمدىك ساياسيعا باتىل قارسى تۇرۋ كەرەك
2024.01.10 14:57 كەلۋ قاينارى : حالىق تورابى
2024 – جىلى 1 – ايدىڭ 9 – كۇنى، ج ك پ ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي 2023 - جىلعى حالىقارالىق جاعداي مەن جۇڭگونىڭ ديپلوماتيالىق تالقى ماجىلىسىندە مىنانى ءبىلدىردى: جۇڭگو جاۋاپكەرشىلىك ارقالايتىن ءىرى ەل رەتىندە باستان - اياق ادىلەتتىلىككە تاباندى بولىپ، ادىلدىكتى جاقتايدى. ءبىز زورەكەرلىك پەن وكتەمدىك ساياسيعا باتىل قارسى تۇرىپ، از ساندى ەلدەردىڭ حالىقارالىق ىستەردى شەڭگەلدەپ الۋىنا باتىل قارسى تۇرىپ، دامۋ جولىنداعى ەلدەردىڭ الەمدىك باسقارۋ جۇيەسىندەگى ۋاكىلدىك سيپاتى مەن ءسوز سويلەۋ ۇقىعىن ارتتىرۋدى تالاپ ەتىپ، افريكا ەلدەرىنە قاراتىلعان تاريحي ادىلەتسىزدىكتى الدىمەن شەشۋدى قولداپ، زاڭسىز زورلاپ تاڭىلعان سىڭار جاقتى جازالاۋدى كۇشىنەن قالدىرىپ، دامۋ جولىنداعى ەلدەردىڭ ورتاق جانە ورىندى ۇقىق - مۇددەسىن باتىل قورعاپ، حالىقارالىق ءتارتىپتىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتتىك.
ۋاڭ ي بىلاي دەدى: وكتەمدىكتەن قورىقپاۋ، ادىلەتتىلىكتى قورعاۋ، ارينە، جۇڭگونىڭ مەملەكەتتىڭ يەلىك ۇقىعىن، ۇلتتىڭ ار - نامىسىن جانە تەرريتوريا تۇتاستىعىن قورعاۋ جاعىنان دا بەينەلەنەدى. سىرتقى كيلىگۋ، ارانداتۋشىلىق الدىندا ءبىز باتىل، پارمەندى كۇرەس جۇرگىزىپ، ءتۇرلى ورىنسىز قىسىمدارعا قاراتا ورىندى، ۇيلەسىمدى قارسى تۇردىق. حالىقارالىق قوعامنىڭ ءبىر جۇڭگو جاعدايى ءتىپتى دە بەكەمدەلدى، ءبىر ميلليارد 400 ميلليون جۇڭحۋا ۇلاندارىنىڭ مەملەكەتتىڭ تۇتاستىعىن ىلگەرىلەتۋ بەكىمى اناعۇرلىم كۇشەيدى. ءارقانداي ادام، ءارقانداي كۇش جۇڭگو حالقىنىڭ قۇرىشتاي ەركىنە سايىس جاريالاۋعا ۇرىنباۋى، جۇڭگونىڭ وزەكتى مۇددەسىنە زيان جەتكىزبەۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
