شي جينپيڭ امەريكانىڭ ايوۆا شتاتىنداعى دوسى سارا رانديگە جاۋاپ حات قايتاردى
2024.01.11 17:01 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 10 - كۇنى، بەيجيڭ. 1 - ايدىڭ 4 - كۇنى مەملەكەت ءتوراعاسى شي جينپيڭ امەريكانىڭ ايوۆا شتاتىنداعى دوسى سارا رانديگە جاۋاپ حات قايتاردى.
شي جينپيڭ بىلاي دەپ اتاپ كورسەتتى: جۇڭگو مەن امەريكا ديپلوماتيالىق قارىم - قاتىناس ورناتقان 45 جىلدان بەرى ەكى ەل قارىم - قاتىناسى بوران - شاشىندى باستان كەشىرىپ، بايتەرەككە اينالىپ، سەلبەستىك جەمىسىن بەرىپ، ەكى ەلگە باقىت جاراتۋمەن بىرگە، دۇنيە جۇزىنە دە تيىمدىلىك جاسادى. جۇڭگو - امەريكا قارىم – قاتىناسىنىڭ قولعا كەلتىرگەن ناتيجەلەرى اۋەلى ەكى ەل حالىقتارىنىڭ بىرگە قۇلشىنۋىنىڭ ارقاسى؛ جۇڭگو - امەريكا قارىم – قاتىناسىنىڭ ءۇرتسى دامۋى ەكى ەل حالىقتارىنىڭ تىرەك بولۋىن ءتىپتى دە قاجەت ەتەدى.
شي جينپيڭ بىلاي دەپ دارىپتەدى: جۇڭگو - امەريكا قارىم - قاتىناسىنىڭ بولاشاعى جاستاردا. جۇڭگولىقتاردا: ”وقىپ - وقىپ توزدىرساڭ توقسان تومدى، قالامىڭ الىپ قاشار پالۋان قولدى“ دەگەن ءسوز بار. مەن الداعى 5 جىلدا امەريكا جاستارى مەن ورەندەرىنەن 50 مىڭ ادامدى جۇڭگوعا كەلىپ اۋىس - كۇيىس جاساۋعا، ۇيرەنۋگە ۇسىنىس ەتەتىنىمدى جاريالايمىن، مۇندا ءتىپتى دە كوپ امەريكا جاستارى مەن ورەندەرىنىڭ جۇڭگوعا ساپارلاي كەلىپ، ءوز كوزىمەن جۇڭگونى بارلاپ، ءوز قۇلاعىمەن جۇڭگونى تىڭداپ، ءوز قادامىمەن جۇڭگو جەرىن باسىپ كورىپ، شىنايى، سترەولدى، جان - جاقتى جۇڭگونى سەزىنىپ، ەكى ەل حالىقتارى اراسىندا ءتىپتى دە كوپ ءوزارا ءتۇسىنىسۋ، ەتەنە بولۋ كوپىرىن سالۋىن ءۇمىت ەتەمىن. مەن ماسكاتين وقۋشىلارىنىڭ وسى نىسانعا قاتىناسۋىن قارسى الامىن.
شي جينپيڭ بىلاي دەپ دارىپتەدى: جۇڭگو مەن امەريكا − دۇنيە جۇزىندەگى ەڭ ۇلكەن وركەندەپ كەلە جاتقان ەل جانە دامىعان ەل، وسى پلانەتانىڭ بولاشاعى مەن تاعدىرى جۇڭگو - امەريكا قارىم - قاتىناسىنىڭ ورنىعۋىن، جاقسارۋىن قاجەت ەتەدى. جۇڭگو جاق امەريكا جاقپەن بىرگە قۇلشىنىپ، جۇڭگو - امەريكا قارىم - قاتىناسىنىڭ ورنىقتى، اقاۋسىز، باياندى دامۋىن ىلگەرىلەتىپ، ەكى ەل حالىقتارىنا ءتىپتى دە كوپ باقىت جاراتىپ، حالىقارالىق قوعامدى ءتىپتى دە كوپ الەۋمەتتىك ونىمدەرمەن قامداپ، باياندى بەيبىتشىلىك ورناعان، جاپپاي حاۋىپسىز، بىرگە كوركەيىپ - گۇلدەنەتىن، اشىق ۇستالاتىن، كەشىرىمشىل، كىرشىكسىز، كوركەم دۇنيە ءجۇزىن بىرگە قۇرۋدى قالايدى.
تاياۋدا امەريكانىڭ ايوۆا شتاتىنداعى دوسى سارا راندي ءتوراعا شي جينپيڭگە حات جولداپ، مىنانى بىلدىرگەن بولاتىن: ءتوراعا شي جينپيڭنىڭ امەريكاداعى دوستىق ۇيىمدار بىرلەسىپ وتكىزگەن قارسى الۋ قوناعاسىندا سويلەگەن ءسوزى كەڭ كولەمدە قارسى الۋعا بولەنىپ، جۇرت كوڭىلىن جەلپىندىردى، مۇنىڭ ىشىندە الداعى 5 جىلدا امەريكا جاستارى مەن ورەندەرىنەن 50 مىڭ ادامدى جۇڭگوعا كەلىپ اۋىس - كۇيىس جاساۋعا، ۇيرەنۋگە ۇسىنىس ەتۋ ادامدى جەلپىندىرەدى، ماسكاتين ورتا مەكتەبىنىڭ دە وسى جوسپارعا قاتىناسۋىن ءۇمىت ەتەمىن. امەريكا مەن جۇڭگو ءىرى ەل رەتىندە كليمات وزگەرىسى، استىق حاۋىپسىزدىگى، ەسىرتكى جانە وڭىرلىك قاقتىعىس سياقتى ماسەلەلەردى قول ۇستاسا شەشىپ، ادامزات قوعامىنا باقىت جاراتۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
