شي جينپيڭ تۋنيستىڭ زۇڭتۇڭى سايدپەن جۇڭگو مەن تۋنيستىڭ ديپلوماتيالىق قارىم - قاتىناس ورناتقانىنىڭ 60 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى

لي چياڭ تۋنيستىڭ زۇڭليى حاسانيمەن ءوزارا قۇتتىقتاۋ تەلەگرامماسىن جولدادى

2024.01.11 16:59 كەلۋ قاينارى : حالىق تورابى

　　شينحۋا اگەنتتىگى، 1 - ايدىڭ 10 - كۇنى، بەيجيڭ. 1 - ايدىڭ 10 - كۇنى مەملەكەت ءتوراعاسى شي جينپيڭ تۋنيستىڭ زۇڭتۇڭى سايدپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن قۇتتىقتادى.

　　شي جينپيڭ بىلاي دەپ اتاپ كورسەتتى: جۇڭگو مەن تۋنيستىڭ ءداستۇرلى دوستىعى تەرەڭ. ديپلوماتيالىق قارىم - قاتىناس ورناتقان 60 جىلدان بەرى، حالىقارالىق جاعداي قالاي قۇبىلسا دا، ەكى ەل قارىم - قاتىناسى باستان - اياق اقاۋسىز، ورنىقتى دامىدى. تاياۋ جىلداردان بەرى ەكى جاقتىڭ ساياسي سەنىمدىلىگى كۇن سايىن بەكەمدەلىپ، ءار سالاداعى اۋىس - كۇيىس، سەلبەستىك تابىسى مول بولدى. 2022 - جىلى 12 - ايدا وتكىزىلگەن جۇڭگو - اراب ەلدەرى باسشىلار ءماجىلىسى كەزىندە مەن سايد زۇڭتۇڭمەن كەزدەستىم ءارى ماڭىزدى ورتاق تانىمعا كەلىپ، جۇڭگو - تۋنيس قارىم - قاتىناسىنىڭ دامۋىنا ايقىن باعدار كورسەتتىك. مەن جۇڭگو - تۋنيس قارىم - قاتىناسىنىڭ دامۋىنا ايرىقشا ءمان بەرەمىن، سايد زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 60 جىلدىعىن جاڭا باستاما ەتىپ، جۇڭگو مەن تۋنيستىڭ ءداستۇرلى دوستىعىن جالعاستىرىپ، ەكى ەلدىڭ دوستىق سەلبەستىك قارىم - قاتىناسىنىڭ تىڭ دا اناعۇرلىم زور دامۋعا قول جەتكىزۋىن ىلگەرىلەتۋدى قالايمىن.

　　سايد مىنانى ءبىلدىردى: تۋنيس پەن جۇڭگو ۇزاق ۋاقىتتان بەرى دوس بولىپ كەلەدى، سەلبەستىگىمىز ناتيجەلى بولۋدا. تاياۋ جىلداردان بەرى ەكى جاق ورتاق قۇن ۇستانىمىن ۇستانىپ، ەكى ەل قارىم - قاتىناسىن بەكەمدەۋگە جانە كەڭەيتۋگە ءمان بەرىپ، حالىقارالىق جانە وڭىرلىك ىستەردەگى سەلبەستىگىمىز كۇن سايىن جيىلەي ءتۇستى. تۋنيس جاق جۇڭگو جاقپەن بىرگە ءار سالانى قامتىعان، بولاشاعى كەڭ جاڭاشا سەرىكتەستىك قارىم - قاتىناس ورناتۋعا قۇلشىنىپ، ەكى ەل قارىم - قاتىناسىن اناعۇرلىم جوعارى دەڭگەيگە كوتەرۋدى قالايدى.

　　سول كۇنى مەملەكەتتىك كەڭەستىڭ زۇڭليى لي چياڭ تۋنيستىڭ زۇڭليى حاسانيمەن ءوزارا قۇتتىقتاۋ تەلەگرامماسىن جولدادى. لي چياڭ مىنانى ءبىلدىردى: مەن حاساني زۇڭليمەن قول ۇستاسا قۇلشىنىپ، ەكى ەل مەملەكەت باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ءار سالاداعى ءوزارا ءتيىمدى سەلبەستىكتى تەرەڭدەتىپ جانە كەڭەيتىپ، جۇڭگو مەن تۋنيستىڭ دوستىق سەلبەستىك قارىم - قاتىناسىنىڭ مازمۇنىن ۇزدىكسىز بايىتۋدى قالايمىن.

　　حاساني مىنانى ءبىلدىردى: تۋنيس جۇڭگومەن بىرگە ەكى ەلدىڭ دوستىعىن كۇشەيتىپ، ءار سالاداعى اۋىس - كۇيىس پەن سەلبەستىكتى جيىلەتىپ، ەكى ەل حالىقتارىنىڭ ورتاق مۇددەسىنە قىزمەت ەتۋدى ءۇمىت ەتەدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved