شي جينپيڭ فينلانديانىڭ زۇڭتۇڭى نينيستومەن بەينە ەكران ديدارلاسۋىن وتكىزدى
2024.01.11 16:56 كەلۋ قاينارى : حالىق تورابى
 |
1 - ايدىڭ 10 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە فينلانديانىڭ زۇڭتۇڭى نينيستومەن بەينە ەكران ديدارلاسۋىن وتكىزدى.
سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
|
شينحۋا اگەنتتىگى، 1 - ايدىڭ 10 - كۇنى، بەيجيڭ (ءتىلشى سۇن ي). 1 - ايدىڭ 10 - كۇنى تۇستەن كەيىن مەملەكەت ءتوراعاسى شي جينپيڭ فينلانديانىڭ زۇڭتۇڭى نينيستومەن بەينە ەكران ديدارلاسۋىن وتكىزدى.
شي جينپيڭ بىلاي دەپ اتاپ كورسەتتى: فينلانديا − جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان باتىس ەلدەرىنىڭ ءبىرى، جۇڭگومەن دوستىق ساياساتىندا ۇزاق ۋاقىت تاباندى بولدى، اسىرەسە، نينيستو زۇڭتۇڭ فينلانديانىڭ جۇڭگومەن ناقتى سەلبەستىگىن جانە ءار سالاداعى دوستىق بارىس - كەلىسىن ىلگەرىلەتۋگە بەلسەنە كۇش سالىپ كەلەدى، مەن مۇنى القايمىن. تاياۋ جىلداردان بەرى جۇڭگو - فينلانديا قارىم - قاتىناسى ورنىقتى دامىپ كەلەدى، ەكى ەلدىڭ ورمان ونەركاسىبى، اۋىل شارۋاشىلىعى، ازىق - تۇلىك ونىمدەرى، ينفورماتسيا، حابارلاسۋ، ەنەرگيا، قورشاعان ورتانى قورعاۋ، عىلىم - تەحنيكا، وقۋ - اعارتۋ، قىسقى سپورت سياقتى سالالارداعى سەلبەستىگى ۇزدىكسىز تەرەڭدەپ، ەكى ەل حالىقتارىنا ناقتى پايدا جەتكىزدى، مەن بۇعان قۋانامىن.
شي جينپيڭ بىلاي دەپ دارىپتەدى: جۇڭگو - فينلانديا قارىم - قاتىناسىنىڭ تاماشا دامۋ بەتالىسىن باستان - اياق ساقتاۋىنىڭ ءتۇبىرلى سەبەبى ەكى جاقتىڭ ءوزارا قۇرمەت ەتۋ، تەڭ تۇرعىدا مامىلە جاساۋ، ءوزارا ءتيىمدى سەلبەستىك جاساۋ پرينسيبىن ۇستانعانعانىنان بولىپ وتىر. جۇڭگو جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتىپ، دەربەس، ءوز - وزىنە قوجا بولۋ سىندى بەيبىت ديپلوماتيالىق ساياساتتى باتىل اتقارۋدا. جۇڭگو جاق فينلانديامەن دامۋ ورايىنان بىرگە يگىلىكتەنىپ، ءوزارا ءتيىمدى سەلبەستىكتى كۇشەيتىپ، بولاشاققا بەت العان جاڭاشا سەلبەستىك سەرىكتەستىك قارىم - قاتىناستى تەرەڭدەتىپ، حالىقارالىق ىستەردى سايكەستىرۋدى كۇشەيتىپ، كوپ جاقتىلىقتى بىرگە دارىپتەپ، ەركىن ساۋدانى قورعاپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا، دۇنيە جۇزىندەگى ءار ەلدىڭ وسىزاماندانۋىن ىلگەرىلەتۋگە بەلسەندى ۇلەس قوسۋدى قالايدى. قازىرگى اۋمالى - توكپەلى حالىقارالىق جاعدايدا جۇڭگو - ەۆروپا قارىم - قاتىناسىنىڭ ستراتەگيالىق ماڭىزى مەن دۇنيە جۇزىلىك ىقپالى اناعۇرلىم كورنەكتىلەندى. جۇڭگو جاق فينلانديانى قامتىعان ەۆروپا ەلدەرىمەن ءبىر - بىرىنە ستراتەگيالىق كوز ايامەن جانە ۇزاق بولاشاقتىق تۇرعىدان مامىلە جاساۋدا تاباندى بولىپ، جۇڭگو - ەۆروپا قارىم - قاتىناسىن ويداعىداي قورعاپ، ويداعىداي دامىتىپ، بىرگە دامۋدى جۇزەگە اسىرۋدى قالايدى.
نينيستو مىنالاردى ءبىلدىردى: ءتوراعا شي جينپيڭنىڭ فينلاندياعا 2 رەت ساپارلاي بارعانى، سونداي - اق مەنىڭ جۇڭگوعا ساپارلاي كەلگەنىم كۇنى كەشەگىدەي ەسىمدە، ءبىزدىڭ ءار رەتكى بارىس - كەلىسىمىز ماعان تاماشا دا تەرەڭ اسەر قالدىردى. ءبىز بىرگە جاريالاپ قۇرعان، بولاشاقتى بەتكە العان فينلانديا مەن جۇڭگونىڭ جاڭاشا سەلبەستىك سەرىكتەستىك قارىم - قاتىناسىنىڭ تاماشا دامۋ جاعدايىن جالعاستىرىپ، ءار سالاداعى سەلبەستىكتە بەلسەندى تابىستارعا قول جەتكىزىلگەنىنە توتەنشە قۋانىشتامىن. جاڭا تيپتى ايدارشا ۆيرۋس وكپە قابىنۋ ىندەتى كەزىندە ەكى جاق تا تاماشا سەلبەستىك ورىستەتتى. جۇڭگونىڭ دامۋى ەرەكشە تابىستارعا قول جەتكىزدى، جۇڭگو حالقىنىڭ تۇرمىس ورەسى ۇزدىكسىز جوعارىلاۋدا. فينلانديا جاق جۇڭگو جاقپەن بىرگە كومەسكى كۇشتى ونان ارى اشىپ، ءوزارا ءتيىمدى سەلبەستىكتى كۇشەيتىپ، فينلانديا - جۇڭگو، ەۆروپا - جۇڭگو قارىم - قاتىناسىنىڭ ۇزدىكسىز تىڭ دامۋعا قول جەتكىزۋىن ىلگەرىلەتۋدى قالايدى. فينلانديا جاق جۇڭگو جاقپەن حالىقارالىق، وڭىرلىك ىستەردەگى قارىم - قاتىناستى جيىلەتىپ، دۇنيە جۇزىلىك سىن - سايىسقا بىرگە توتەپ بەرۋدى قالايدى.
ەكى ەلدىڭ مەملەكەت باسشىلارى تاعى ءبىر - بىرىنە جاڭا جىلدىق سالەم جولدادى. نينيستو جۇڭگو حالقىنىڭ جاڭا جىلىنىڭ قۇتتى بولۋىن، بارلىق ىستەرىنىڭ ءساتتى بولۋىن تىلەدى.
ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
