شي جينپيڭ مالديۆتىڭ زۇڭتۇڭى مۋيزبەن كەڭەس وتكىزدى
2024.01.11 16:53 كەلۋ قاينارى : حالىق تورابى
 |
1 - ايدىڭ 10 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن مالديۆتىڭ زۇڭتۇڭى مۋيزبەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا مۋيزدى جانە حانىمى ساجيدانى قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 1 - ايدىڭ 10 - كۇنى، بەيجيڭ (ءتىلشى جۋ چاۋ). 1 - ايدىڭ 10 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن مالديۆتىڭ زۇڭتۇڭى مۋيزبەن كەڭەس وتكىزدى. ەكى ەل مەملەكەت باسشىلارى جۇڭگو مەن مالديۆتىڭ قارىم - قاتىناسىن جاپپاي ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرەتىندەرىن جاريالادى.
شي جينپيڭ بىلاي دەپ اتاپ كورسەتتى: جۇڭگو مەن مالديۆ − ءداستۇرلى دوس كورشىلەر، ەكى ەل حالىقتارى بايىرعى تەڭىز جىبەك جولى ارقىلى دوستىق بايلانىس ورناتتى. جۇڭگو مەن مالديۆ ديپلوماتيالىق قارىم - قاتىناس ورناتقان 52 جىلدان بەرى ەكى ەل باستان - اياق ءوزارا قۇرمەت ەتىپ، ءوزارا قولداۋ كورسەتىپ، ۇلكەندى - كىشىلى ەلدەردىڭ تەڭ تۇرعىدا مامىلە جاساۋىنىڭ، ءبىر - بىرىنە قارايلاسۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىن ورناتتى. تاياۋ جىلداردان بەرى ەكى ەل قارىم - قاتىناسى ىشكەرىلەي دامىپ، ”ءبىر بەلدەۋ، ءبىر جولدى“ بىرگە قۇرۋدا جانە ءار سالاداعى اۋىس - كۇيىس، سەلبەستىكتە سۇبەلى تابىستارعا قول جەتتى. جاڭا جاعدايدا جۇڭگو - مالديۆ قارىم - قاتىناسى بۇرىنعىعا مۇراگەر بولىپ، كەيىنگىگە جول اشۋدىڭ، بولاشاققا بەت الۋدىڭ تاريحي ورايىنا ءدوپ كەلدى. جۇڭگو - مالديۆ قارىم - قاتىناسىن جان - جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرۋ جۇڭگو - مالديۆ قارىم - قاتىناسىنىڭ دامۋ قاجەتىنە جانە ەكى ەل حالىقتارىنىڭ تىلەگىنە ۇيلەسەدى. جۇڭگو مالديۆپەن بىرگە ءار سالاداعى اۋىس - كۇيىس پەن سەلبەستىكتى ۇزدىكسىز كەڭەيتىپ، جۇڭگو مەن مالديۆتىڭ تاعدىرلاس ورتاق تۇلعاسىن قۇرۋعا بىرگە كۇش سالۋدى قالايدى.
شي جينپيڭ جۇڭگو كوممۋنيستىك پارتياسىنىڭ 100 جىلدىق كۇرەس بارىسى مەن باعالى تاجىريبەلەرىن تەرەڭ ءتۇسىندىردى. شي جينپيڭ بىلاي دەپ دارىپتەدى: جۇڭگو جاق مالديۆ جاقتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىنا قۇرمەت ەتەدى جانە ونى قولدايدى، مالديۆ جاقتىڭ مەملەكەتتىڭ يەلىك ۇقىعىن، تاۋەلسىزدىگىن، تەرريتوريا تۇتاستىعىن، ۇلتتىڭ ار - نامىسىن قورعاۋىن باتىل قولدايدى، مالديۆ جاقپەن ەل باسقارۋ تاجىريبەلەرىن اۋىستىرىپ، دامۋ ستراتەگياسىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتىپ، جۇڭگو - مالديۆ دوستىعىنا جاڭا ۇلگى ورناتۋدى قالايدى. ەكى جاق ەكونوميكا - ساۋدا، قارجى قوسۋ، اۋىل شارۋاشىلىق باقشا رايونى، كوك ءتۇستى ەكونوميكا، جاسىل ەكونوميكا، سيفرلى ەكونوميكا سياقتى سالالارداعى سەلبەستىكتى كۇشەيتىپ، تەڭىز - مۇحيت ەكولوگيالىق ورتاسىن قورعاۋ سياقتى سەلبەستىكتەردى كەڭەيتىپ، گۋمانيتارلىق اۋىس - كۇيىستى كۇشەيتۋى كەرەك. جۇڭگو جاق مالديۆتىڭ ءتىپتى دە كوپ ۇزدىك وقۋشىلارىنىڭ جۇڭگوعا كەلىپ وقۋىن قولدايدى، ەكى ەلدىڭ توتە ۇشاتىن كەزەكشى ۇشاقتارىن كوبەيتۋدى ىلگەرىلەتەدى.
شي جينپيڭ بىلاي دەپ اتاپ كورسەتتى: جۇڭگو مەن مالديۆ ەكەۋى دە وركەندەپ كەلە جاتقان ەلدەر، حالىقارالىق جانە وڭىرلىك ىستەردە قارايلاس كوزقاراسقا جانە تۇرعىعا يە. ەكى جاق كوپ جاقتى قارىم - قاتىناستى، سەلبەستىكتى جيىلەتىپ، ناعىز كوپ جاقتىلىقتى جانە وركەندەپ كەلە جاتقان ەلدەردىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە قۇلشىنا ىلگەرىلەتىپ، دۇنيە ءجۇزىنىڭ اناعۇرلىم بەيبىت، اناعۇرلىم حاۋىپسىز بولۋىنا، اناعۇرلىم گۇلدەنۋىنە مۇمكىندىك جاساۋى كەرەك. جۇڭگو جاق مالديۆ جاقپەن سايكەسۋدى، سەلبەسۋدى كۇشەيتىپ، بىرلەسكەن مەملەكەتتەر ۇيىمىنىڭ كليمات وزگەرىسى جونىندەگى دۋباي جينالىسىندا كەلىسكەن ورتاق تانىمدى تياناقتاندىرىپ، «پاريج كەلىسىمىنىڭ» جاپپاي، ءونىمدى اتقارىلۋىن ىلگەرىلەتۋدى قالايدى.
مۋيز مىنالاردى ءبىلدىردى: مەن بيلىك كەڭسەسىنىڭ كوپتەگەن ماڭىزدى مينيسترىن ەرتىپ جۇڭگودا تۇڭعىش رەت مەملەكەتتىك ساپاردا بولىپ، بيىل جۇڭگو كۇتىپ العان تۇڭعىش شەتەل باسشىسى بولعانىمدى ەرەكشە ماقتانىش سەزىنەمىن، بۇل ەكى جاقتىڭ مالديۆ - جۇڭگو قارىم - قاتىناسىن دامىتۋعا ايرىقشا ءمان بەرەتىنىن تولىق ايگىلەدى. مالديۆ جاق ءبىر جۇڭگو ساياساتىن باتىل اتقارادى. ءبىر - ءبىرىنىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن باتىل قولداۋ − مالديۆ - جۇڭگو قارىم - قاتىناسىنىڭ باياندى، تاماشا دامۋىنىڭ بەرىك نەگىزى. بيىل − ءتوراعا شي جينپيڭنىڭ مالديۆتا تاريحي مەملەكەتتىك ساپاردا بولعانىنىڭ 10 جىلدىعى. جۇڭگو جاق مالديۆتىڭ ەكونوميكالىق، قوعامدىق دامۋىنا قىرۋار باعالى كومەك كورسەتتى، مالديۆ - جۇڭگو سەلبەستىگى، اسىرەسە، ”ءبىر بەلدەۋ، ءبىر جولدى“ بىرگە قۇرۋ مالديۆ حالقىن كوپ يگىلىككە كەنەلتتى، مالديۆ - جۇڭگو دوستىق كوپىرى ەكى ەل حالىقتارى دوستىعىنىڭ سيمۆولىنا اينالدى. مەن وسى رەت فۋجياندا ساپاردا بولعان كەزىمدە جۇڭگونىڭ دامۋدا قول جەتكىزگەن وراسان زور تابىستارىن كوزىممەن كورىپ، ءتوراعا شي جينپيڭنىڭ كورنەكتى باسشىلىق قابىلەتىن تىكەلەي سەزىندىم. مالديۆ جاق جاپپاي ستراتەگيالىق سەلبەستىك سەرىكتەستىك قارىم - قاتىناس ورناتۋدى وراي ەتىپ، ەكى جاقتى سەلبەستىكتىڭ جاڭا ارناسىن ونان ارى كەڭەيتىپ، ەكى جاقتى قارىم - قاتىناستىڭ جاڭا مازمۇنىن مولايتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتىپ، مالديۆ - جۇڭگو قارىم - قاتىناسىنىڭ اناعۇرلىم كوپ جاڭا دامۋعا قول جەتكىزۋىن ىلگەرىلەتىپ، ەكى ەل حالىقتارىنا اناعۇرلىم كوپ ىرىس - قۇت جاراتۋدى ءۇمىت ەتەدى. جۇڭگو جاقتىڭ گۋمانيتارلىق اۋىس - كۇيىستى جەبەۋ ءۇشىن قولدانعان بەلسەندى شارالارىن قارسى الامىز، ءتىپتى دە كوپ جۇڭگولىق ساياحاتشىلاردىڭ مالديۆقا ساياحاتتاي بارۋىن ءۇمىت ەتەمىز. مالديۆ جاق ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن قولدايدى، جۇڭگومەن حالىقارالىق، وڭىرلىك ىستەردە تىعىز بايلانىس جاساپ، سەلبەسىپ، ءوزارا قولداۋدى كۇشەيتۋدى قالايدى.
كەڭەستەن كەيىن ەكى ەل مەملەكەت باسشىلارى جۇڭگو مەن مالديۆتىڭ جاپپاي ستراتەگيالىق سەلبەستىك سەرىكتەستىك قارىم - قاتىناسىن ورناتۋ ارەكەت جوسپارىنا، سونداي - اق ”ءبىر بەلدەۋ، ءبىر جولدى“ بىرگە قۇرۋ، اپات جاعدايىن باسقارۋ، ەكونوميكا - تەحنيكا، كوك ءتۇستى ەكونوميكا، سيفرلى ەكونوميكا، جاسىل دامۋ، نەگىزدىك قۇرىلعى جانە حالىق تۇرمىسى سياقتى سالالارداعى كوپ ءتۇرلى ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.
كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا مۋيزدى جانە حانىمى ساجيدانى قارسى الۋ سالتىن وتكىزدى.
تيان - انمىن الاڭىندا 21 رەت ساليۋت اتىلىپ، قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن مالديۆتىڭ مەملەكەت اندەرىن ورىندادى. مۋيز شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
سول كۇنى كەشتە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا مۋيزدى جانە ونىڭ حانىمىن قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.
مۋيز جۇڭگودا ساپاردا بولعان كەزدە ەكى جاق «جۇڭحۋا حالىق رەسپۋبليكاسى مەن مالديۆ رەسپۋبليكاسىنىڭ بىرلەسكەن اقپاراتتىق مازمۇنداماسىن» جاريالايدى.
كەلۋ قاينارى: حالىق تورابى
 |
1 - ايدىڭ 10 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن مالديۆتىڭ زۇڭتۇڭى مۋيزبەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا مۋيزدى قارسى الۋ سالتىن وتكىزۋدە.
سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
