قۇلجا اۋە قاتىناسى وتكەلى مەملەكەتتىڭ تەكسەرىپ وتكىزىپ الۋىنان ءوتتى
2024.01.11 13:31 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى چىن چياڭۋەيدىڭ قۇلجا كەدەنىنەن ۇعىسۋىنشا، جۋىردا قۇلجا اۋە قاتىناسى وتكەلى مەملەكەتتىڭ تەكسەرىپ وتكىزىپ الۋىنان وتكەن، بۇل ءۇرىمجى مەن قاشقاردان كەيىن شينجياڭداعى ءۇشىنشى اۋە قاتىناسى وتكەلىنىڭ سىرتقا اشىق ۇستالعانىن كورسەتەدى.
قۇلجا اۋەجايى قۇلجا قالاسىنىڭ ورتالىعىنان 3500 مەتر قاشىقتىقتا، 2016 - جىلى 8 - ايدا مەملەكەتتىك كەڭەس شەتەلگە اشىق ۇستاۋدى بەكىتكەن، 2021 - جىلى 12 - ايدا تەكسەرىپ وتكىزىپ الۋدان وتكەن. قۇلجا اۋە قاتىناسى وتكەلى شينجياڭ ۇيعۇر اۆتونوميالى رايونىنداعى ءتۇيىندى نىسان، نىسانعا جيىنى 510 ميلليون يۋان قارجى قوسىلعان، بۇل نىساندا نەگىزىنەن 8000 شارشى مەترلىك حالىقارالىق تەرمينال قۇرىلىسىن سالۋ جانە 2730 شارشى مەترلىك جۇك تاسىمالى قويماسىن جاڭادان سالۋ، سونداي - اق، قاتىستى سايكەستى قۇرىلعىلاردى سالۋ قامتىلعان.
وتكىزىپ الۋدان ءساتتى وتۋگە كەپىلدىك ەتۋ ءۇشىن، قۇلجا كەدەنى جولاۋشىلاردى تەكسەرۋدى زەردەلىلەندىرۋ، ينفورماتسيالاندىرۋ، جۇيەلىلەندىرۋ سىندى باقىلاۋ - باسقارۋدى شىعار ءتۇيىن ەتىپ، دەنساۋلىقتى تەكسەرۋ جاعىنداعى پاراساتتى ارنالىق جۇيەنى، جۇكتەردى جولدايتىن زەردەلى جۇيەنى جانە سەزدىرتپەي تەكسەرۋ زەردەلى جۇيەسىن قۇرىپ، ”سەزدىرتپەي تەكسەرۋ ارقىلى كەدەننەن وتكىزۋدى“ ىسكە اسىردى.
قۇلجا كەدەنىنىڭ ورىنباسار باستىعى جىڭ چاڭدۇڭنىڭ ايتۋىنشا، قۇلجا اۋە قاتىناسى وتكەلىنىڭ تەكسەرىپ وتكىزىپ الۋدان ءوتۋى ىلە قازاق اۆتونوميالى وبلىسىنىڭ تەمىر جول، تاس جول، اۋە جولى، قۇبىر جولى سىندى جالپىلىق تيپتەگى حالىقارالىق ساۋدا ارناسىن قالىپتاستىرعانىن كورسەتەدى. قازىر كەدەن حالىقارالىق قىزمەتتى رەسمي ورىستەتۋگە دايىندىق جاساپ بولدى، بۇدان بىلاي اۋە قاتىناسى وتكەلىنىڭ ساۋدا ورتاسىن اناعۇرلىم جاقسارتىپ، وتكەلدىڭ ارنالىق ونىمدىلىگىن جوعارىلاتىپ، كاسىپورىنداردىڭ حالىقارالىق جۇك تاسىمالى قىزمەتىن ورىستەتۋىنە كومەكتەسىپ، حالىقارالىق جولاۋشىلاردىڭ كەدەننەن ءوتۋىنىڭ قولايلىلىق دارەجەسىن جوعارىلاتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
