ءبىرشاما كۇشتى سۋىق اعىس كەلدى، سولتۇستىك شينجياڭنىڭ باسىم كوپ جەرىنىڭ تەمپەراتۋراسى 5 تە 8 سەلتسي گرادۋس تومەندەيدى
2024.01.11 15:32 كەلۋ قاينارى : حالىق تورابى
1 – ايدىڭ 11 – كۇنى تۇننەن 12 – كۇنى كۇندىزگە دەيىن سولتۇستىك شينجياڭنىڭ باتىس سولتۇستىك بولەگى، تيانشان تاۋلى رايونى جانە سولتۇستىك بەتكەيى، قىزىلسۋ قىرعىز اۆتونوميالى وبلىسىنىڭ تاۋلى رايونى، قۇمىل قالاسىنىڭ سولتۇستىك تاۋلى رايونى قاتارلى جەرلەردىڭ ءىشىنارا وڭىرلەرىندە از قاردان قىرباق قارعا دەيىن جاۋادى، مۇندا، ىلە وبلىسى، تارباعاتاي ايماعىنىڭ سولتۇستىك بولەگى، التاي ايماعىنىڭ سولتۇستىك بولەگى، شىعىس بولەگى قاتارلى جەرلەردىڭ ءىشىنارا وڭىرلەرىندە ورتاشادان قالىڭ قارعا دەيىن جاۋادى، تاۋلى وڭىرلەردىڭ ءىشىنارا جەرلەرىندە ەرەكشە قار جاۋادى؛ جوعارىدا ايتىلعان وڭىرلەردە باتىس سولتۇستىكتەن 5 تە 6 بال جەل سوعادى، جەل وتىندەگى جەل كۇشى 10 بال اينالاسىندا بولادى؛ سولتۇستىك شينجياڭنىڭ سولتۇستىك بولەگىندە تەمپەراتۋرا 8 دە 12 سەلتسي گرادۋس تومەندەيدى، بۇكىل شينجياڭنىڭ باسقا رايوندارىندا اشىق نەمەسە كوپ بۇلتتى اۋا رايى نەگىز ەتىلەدى، جەل كۇشى زور بولمايدى.
1 – ايدىڭ 12 – كۇنى تۇننەن 13 – كۇنى كۇندىزگە دەيىن بۇراتالا وبلىسىنىڭ شىعىس بولەگى، تارباعاتاي ايماعىنىڭ وڭتۇستىك بولەگى، سانجى وبلىسىنىڭ باتىس بولەگى، قىزىلسۋ قىرعىز اۆتونوميالى وبلىسىنىڭ تاۋلى رايونى قاتارلى جەرلەردىڭ ءىشىنارا وڭىرلەرىندە از قاردان قىرباق قارعا دەيىن جاۋادى. بۇكىل شينجياڭنىڭ باسقا رايوندارىندا اشىق نەمەسە كوپ بۇلتتى اۋا رايى نەگىز ەتىلەدى، جەل كۇشى زور بولمايدى.
الدىن – الا بەرىلگەن مالىمەت جانە ساقتىق ەسكەرتۋى
(1) سولتۇستىك شينجياڭنىڭ باتىس، سولتۇستىك بولىگىندەگى قارلى بوراننىڭ اسەرىنەن جول تايعاق بولىپ، ءىشىنارا جول بولىكتەرىنە مۇز قاتادى ءارى قارلى بوران سوعىپ، كورۋ ارالىعى ناشارلاپ، قاتىناس، قار - مۇز ساياحاتى قاتارلىلاعا ءتيىمسىز ىقپال جاسايدى، ساقتانۋعا كوڭىل ءبولۋ كەرەك.
(2) تارباعاتاي ايماعىنىڭ سولتۇستىگىندەگى تاۋلى رايونداردا، التاي تاۋلى رايوندارىندا جالپى جاۋعان قاردىڭ مولشەرى كوپ، قار قالىڭ بولادى، مالدى بوراننان، قاردان ساقتاۋ جانە ۇستەمەلەپ جەم – ٴشوپ بەرۋ قىزمەتىن كۇنى بۇرىن جاقسى ىستەۋدى ۇسىنىس ەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
