جاڭا جىلدا التايدا تۇڭعىش رەت قار قالىڭ جاۋدى
قومداعى قالىڭ قاردىڭ قالىڭدىعى 144 سانتيمەتر بولدى
2024.01.11 15:24 كەلۋ قاينارى : حالىق تورابى
جۇڭگو اقپارات تورابىنىڭ حابارىنا قاراعاندا، 1 – ايدىڭ 8 – كۇن تۇننەن باستالعان التاي ايماعىنداعى 2024 – جىلعى تۇڭعىش جاۋعان قار 1 – ايدىڭ 10 – كۇنى توقتادى. التاي قالاسىنىڭ ۇلكەن قىرانىندا، قاناس كورىنىس رايوندا جاۋعان قاردىڭ قالىڭدىعى ءبىر مەتردەن اسقان.
التاي اۋا رايى تاراۋلارىنىڭ تانىستىرۋىنا قاراعاندا، ءبىرىنشى رەتكى ەڭ كوپ جاۋعان قار بۋىرشىن اۋدانىنىڭ قارا جايىلما دەگەن جەرىندە جاۋعان، جاۋىن - شاشىن مولشەرى 38.8 ميلليمەترگە جەتكەن، التاي قالاسىنىڭ ۇلكەن قىرانىنداعى جاۋىن - شاشىن مولشەرى 37.8 ميلليمەترگە جەتكەن. قازىر بۋىرشىن اۋدانى قوم جەكپۋلين حالىقارالىق قار شاڭعى دەمالىس رايونىنداعى قاردىڭ قالىڭدىعى 144 سانتيمەترگە جەتكەن، التاي قالاسى جىڭىشكە قىران وزەنى شوجىك كوپىرىندەگى قاردىڭ قالىڭدىعى 129 سانتيمەترگە جەتكەن.
التاي ايماقتىق تاس جول تاراۋىنىڭ قىزمەتكەرىنىڭ ايتۋىنشا: ءۇرتىس قار جاۋعاننان كەيىن، اتالعان تاراۋ جاۋعان قاردى ۇستىندە تازالاپ، جولدى قامتاماسىز ەتۋ قىزمەتىن دەر كەزىندە جاپپاي، ءتارتىپتى ورىستەتۋگە كەپىلدىك ەتكەن. قازىرگە دەيىن 32 قار تازالاۋ ماشيناسىن، 50 ادامدى اتتانىسقا كەلتىرىپ، 56 توننا قار ەرىتكىش شاشىپ، 389 مىڭ 600 تەكشەمەتر قار تازالاعان.
التاي ايماقتىق اۋا رايى مەكەمەسىنىڭ حابارىنا قاراعاندا، 1 – ايدىڭ 10 – كۇنى تۇننەن 13 – كۇنىنە دەيىن، التاي ايماعىندا قالىڭ قار جاۋىپ، بوران سوعىپ، سۋىق اعىس ءجۇرىپ، تەمپەراتۋرا تومەندەيدى، ءىشىنارا رايونداردا جەل كۇشى 10 بالعا جەتەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
